ಕರಾವಳಿ: ನಿರಂತರ ಸುರಿದ ಮಳೆ

Team Udayavani, Aug 29, 2017, 8:10 AM IST

ಮಂಗಳೂರು/ಉಡುಪಿ: ಕರಾವಳಿಯಾದ್ಯಂತ ಕಳೆದೊಂದು ವಾರದಿಂದ ಬಿಡದೆ ಸುರಿಯುತ್ತಿರುವ ಮಳೆ ಸೋಮವಾರವೂ ಮುಂದುವರಿದಿದೆ. ಮಂಗಳೂರಿನಲ್ಲಿ ನಿರಂತರವಾಗಿ ಮಳೆ ಸುರಿದಿದೆ.

ಪುತ್ತೂರು, ಸುಳ್ಯದಲ್ಲಿ ನಿರಂತರ ಮಳೆ ಬಂದರೆ, ಕಡಬ, ವಿಟ್ಲ, ಬಜಪೆ, ಕಿನ್ನಿಗೋಳಿ, ಕಟೀಲು, ಮಡಂತ್ಯಾರು, ಬೆಳ್ತಂಗಡಿ, ಮೂಲ್ಕಿಯಲ್ಲಿಯೂ ಬಿಡದೆ ಸುರಿ ದಿದೆ. ರವಿವಾರ ರಾತ್ರಿಯಿಂದಲೇ ಜಿಲ್ಲೆಯಾದ್ಯಂತ ಜಿಟಿಜಿಟಿ ಮಳೆ ಯಾಗಿದೆ. ಪುಂಜಾಲಕಟ್ಟೆಯಲ್ಲಿ ಆಗಾಗ ಮಳೆ ಯಾಗಿದೆ. ಉಡುಪಿ, ಮಣಿಪಾಲ, ಕುಂದಾಪುರ, ಹೆಬ್ರಿ, ಮಲ್ಪೆ, ಬೈಂದೂರು, ಶಿರೂರು, ಶಿರ್ವ, ಕೋಟ, ಬ್ರಹ್ಮಾ ವರ ಮೊದಲಾದೆಡೆ ಉತ್ತಮ ಮಳೆಯಾಗಿದೆ. 

ಹೊಸಮಠ ಹಾಗೂ ಬಿಳಿನೆಲೆ ಮುಳುಗು ಸೇತುವೆಗಳು ನೆರೆ ನೀರಿ ನಲ್ಲಿ ಮುಳುಗಡೆ ಯಾಗಿವೆ. ಇದರಿಂದ ಉಪ್ಪಿನಂಗಡಿ ಸುಬ್ರಹ್ಮಣ್ಯ ರಾಜ್ಯ ಹೆದ್ದಾರಿಯಲ್ಲಿ ರಸ್ತೆ ಸಂಚಾರಕ್ಕೆ ತೊಡಕುಂಟಾಗಿದೆ.