Surathkal ಕೋಮುಗಲಭೆಗೆ ಪಿತೂರಿ: ಯುವಕನ ಸೆರೆ

Team Udayavani, Aug 22, 2023, 12:15 AM IST

ಸುರತ್ಕಲ್‌: ಬಸ್‌ ನಿಲ್ದಾಣದಲ್ಲಿ ನಿಂತಿದ್ದ ವ್ಯಕ್ತಿಗಳಿಗೆ ಹಲ್ಲೆ, ಜನತಾ ಕಾಲನಿ ಮಸೀದಿಗೆ ಕಲ್ಲು ತೂರಾಟ, ಅನ್ಯ ಸಮುದಾಯದ ವಿದ್ಯಾರ್ಥಿಗೆ ಹಲ್ಲೆ ನಡೆಸಿ ಕೋಮು ಗಲಭೆಗೆ ಸಂಚು ನಡೆಸಿದ ಯತ್ನದ ಆರೋಪಿಯನ್ನು ಸುರತ್ಕಲ್‌ ಪೊಲೀಸರು ಬಂಧಿಸಿದ್ದಾರೆ.

ಸುರತ್ಕಲ್‌ ಸಮೀಪದ ಆಶ್ರಯ ಕಾಲನಿ ನಿವಾಸಿ ಚೆನ್ನಪ್ಪ (18) ಬಂಧಿತ ಆರೋಪಿ.

ಆ. 16ರಂದು ಸಂಜೆ ರೋಜರ್‌ ಡಿ ಕೋಸ್ಟಾ ಮತ್ತು ಝಾರ್ಖಂಡ್‌ ನಿವಾಸಿ ಶಾಹಿಲ್‌ ಮಳೆಯಿಂದ ರಕ್ಷಣೆಗಾಗಿ ಜನತಾ ಕಾಲನಿಗೆ ಹೋಗುವ ರಸ್ತೆ ಬದಿಯಲ್ಲಿ ರುವ ಪಾಳು ಬಿದ್ದ ಮನೆಯ ಬಳಿ ನಿಂತುಕೊಂಡಿದ್ದರು.

ಈ ಸಂದರ್ಭ ಆರೋಪಿಗಳಾದ ಪ್ರಶಾಂತ್‌ ಭಂಡಾರಿ, ಬಸವರಾಜ್‌ ಸಹಿತ ಹಲವರು ಹಲ್ಲೆ ನಡೆಸಿದ್ದರು. ಈರ್ವರೂ ಆರೋಪಿಗಳನ್ನು ಆ. 17ರಂದು ಬಂಧಿಸಲಾಗಿದ್ದರೆ, ಚೆನ್ನಪ್ಪ ಪರಾರಿಯಾಗಿದ್ದ. ಮಂಗಳವಾರ ಪೊಲೀಸರು ಆರೋಪಿಯ ಮಾಹಿತಿ ಪಡೆದು ಬಂಧಿಸಿ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ.