Mangaluru ನೀರಿನಲ್ಲಿ ಅಪರಿಚಿತ ವ್ಯಕ್ತಿಯ ಮೃತದೇಹ ಪತ್ತೆ

Team Udayavani, Nov 17, 2023, 8:52 PM IST

ಮಂಗಳೂರು: ಮಂಗಳೂರಿನ ದಕ್ಕೆಯ ನೀರಿನಲ್ಲಿ ಸುಮಾರು 40ರಿಂದ 45 ವರ್ಷ ವಯಸ್ಸಿನ ಅಪರಿಚಿತ ಗಂಡಸಿನ ಮೃತದೇಹ ನ. 11ರಂದು ಪತ್ತೆಯಾಗಿದೆ.

ಎಣ್ಣೆಗೆಂಪು ಮೈಬಣ್ಣ, ದಪ್ಪ ಶರೀರ, ಮುಂದೆ ಬೋಳು ತಲೆ, ಅರ್ಧ ಇಂಚು ಕಪ್ಪು ತಲೆಕೂದಲು ಹೊಂದಿದ್ದಾರೆ. ಮೆಟಲ್‌ ರೀತಿಯ ಯೇಸು ಶಿಲುಬೆ ಇದೆ.

ಎದೆಯಲ್ಲಿ FEAR ಎಂಬ ಹಚ್ಚೆ ಇದೆ. ಕಪ್ಪು ಬನಿಯಾನ್‌, ಕಂದು ಕೇಸರಿ ಬಣ್ಣದ ಚಡ್ಡಿ ಧರಿಸಿದ್ದಾರೆ. ವಾರಸುದಾರರು ಇದ್ದರೆ ಮಂಗಳೂರು ದಕ್ಷಿಣ ಪೊಲೀಸ್‌ ಠಾಣೆ (0824-2220518) ಯನ್ನು ಸಂಪರ್ಕಿಸುವಂತೆ ಪೊಲೀಸರು ತಿಳಿಸಿದ್ದಾರೆ.

ಅಪರಿಚಿತ ವ್ಯಕ್ತಿ ಸಾವು
ಮಂಗಳೂರು: ನಗರದ ಕೈರಾಳಿ ಹೊಟೇಲ್‌ ಬಳಿ ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದ ಸುಮಾರು 70ರಿಂದ 80 ವರ್ಷ ವಯಸ್ಸಿನ ಗಂಡಸನ್ನು ಅ. 25ರಂದು ಸಾರ್ವಜನಿಕರು ವೆನ್ಲಾಕ್‌ ಆಸ್ಪತ್ರೆಗೆ ದಾಖಲಿಸಿದ್ದು ಚಿಕಿತ್ಸೆ ಫ‌ಲಕಾರಿಯಾಗದೆ ಆ ವ್ಯಕ್ತಿ ನ. 14ರಂದು ಮೃತಪಟ್ಟಿದ್ದಾರೆ.

5.1 ಅಡಿ ಎತ್ತರ, ಗೋಧಿ ಮೈಬಣ್ಣ, ಸಪೂರ ಶರೀರ, ಮುಂದೆ ಬೋಳು ತಲೆ, ಒಂದೂವರೆ ಇಂಚು ಉದ್ದದ ಬಿಳಿ ಗಡ್ಡ ಇದೆ.

ವಾರಸುದಾರರಿದ್ದರೆ ಮಂಗಳೂರು ದಕ್ಷಿಣ ಪೊಲೀಸ್‌ ಠಾಣೆ (0824-2220518) ಯನ್ನು ಸಂಪರ್ಕಿಸುವಂತೆ ಪೊಲೀಸರು ತಿಳಿಸಿದ್ದಾರೆ.