ಹಳಿ ತಪ್ಪಿದ ಚೆನ್ನೈ – ಮಂಗಳೂರು  ರೈಲು

Team Udayavani, Feb 27, 2019, 1:00 AM IST

ಮಂಗಳೂರು: ಮಂಗಳೂರಿಗೆ ಆಗಮಿಸುತ್ತಿದ್ದ ಚೆನ್ನೆ – ಮಂಗಳೂರು ಸೂಪರ್‌ ಫಾಸ್ಟ್‌ ಎಕ್ಸ್‌ಪ್ರೆಸ್‌ ರೈಲು ಹಳಿ ತಪ್ಪಿರುವ ಘಟನೆ ಕೇರಳದ ಪಾಲಕ್ಕಾಡ್‌ ಜಿಲ್ಲೆಯಲ್ಲಿರುವ ಶೋರ್ನೂರಿನಲ್ಲಿ ಮಂಗಳವಾರ ಬೆಳಗ್ಗೆ ಸುಮಾರು 6 ಗಂಟೆಗೆ ಸಂಭವಿಸಿದೆ. ಅದೃಷ್ಟವಶಾತ್‌ ಈ ದುರ್ಘ‌ಟನೆಯಿಂದ ಯಾವುದೇ ಅಪಾಯ ಸಂಭವಿಸಿಲ್ಲ. 

ಚೆನ್ನೈಯಿಂದ ಹೊರಟಿದ್ದ ಈ ರೈಲು ಶೋರ್ನೂರ್‌ ನಿಲ್ದಾಣ ತಲುಪುತ್ತಿದ್ದಂತೆ ಎಂಜಿನ್‌ ಹಿಂದಿನ ಪಾರ್ಸೆಲ್‌ ಬೋಗಿ ಸಹಿತ ಎರಡು ಬೋಗಿಗಳು ಹಳಿ ತಪ್ಪಿದವು. ಪರಿಣಾಮವಾಗಿ ಈ ಮಾರ್ಗವಾಗಿ ಸಂಚರಿಸಲಿದ್ದ ಎಲ್ಲ ರೈಲುಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿತ್ತು ಎಂದು ರೈಲ್ವೇ ಮೂಲಗಳು ತಿಳಿಸಿವೆ. ಮಂಗಳವಾರ ಮಧ್ಯಾಹ್ನ  12.20ಕ್ಕೆ  ಮಂಗಳೂರು ತಲುಪ ಬೇಕಿದ್ದ ರೈಲು ಸಂಜೆ 4.10ಕ್ಕೆ  ಆಗಮಿಸಿತ್ತು.