ಭೂ ದಾಖಲೆಗಳ ಗಣಕೀಕರಣಕ್ಕೆ ಚಾಲನೆ

Team Udayavani, Nov 5, 2017, 3:11 PM IST

ಪುತ್ತೂರು: ತಾಲೂಕಿನಲ್ಲಿರುವ ಭೂಮಿಗಳ ದಾಖಲೆಗಳ ಗಣಕೀಕರಣಕ್ಕೆ ಭೂ ದಾಖಲೆಗಳ ಇಲಾಖೆ ಮುಂದಾಗುವ ಮೂಲಕ ಗಮನ ಸೆಳೆದಿದೆ. ಪ್ರಾರಂಭದಲ್ಲಿ ಭೂಮಿಯ ಆಕಾರ ಬಂದ್‌ ಗಣಕೀಕರಣಕ್ಕೆ ರಾಜ್ಯಾದ್ಯಂತ ಚಾಲನೆ ದೊರೆತಿದ್ದು, ನ. 4ರಂದು
ಪುತ್ತೂರು ಭೂ ದಾಖಲೆಗಳ ಇಲಾಖೆಯಲ್ಲಿಯೂ ಚಾಲನೆ ನೀಡಲಾಯಿತು.

ಪ್ರಾರಂಭದಲ್ಲಿ ಕಡತಗಳಲ್ಲಿ ಇರುವ ಭೂಮಿಯ ದಾಖಲೆಗಳ ಭಾವಚಿತ್ರ ತೆಗೆದು ಅವುಗಳ ಸಿಡಿ ಮಾಡಿ ದಾಖಲೆ ಭದ್ರಪಡಿಸಲಾಗುವುದು. ಸಿಡಿಯ ಒಂದು ಪ್ರತಿಯನ್ನು ಇಲಾಖೆಗೆ ಕಳುಹಿಸಲಾಗುವುದು. ಬಳಿಕ ಆಕಾರ ಬಂದ್‌ನಲ್ಲಿರುವ ಜಮೀನು ವಿಧಗಳು, ಸರ್ವೆ ನಂಬರ್‌, ವಿಸ್ತೀರ್ಣ ಹಾಗೂ ನಿಗದಿಪಡಿಸಿದ ದರಗಳು ಸೇರಿದಂತೆ ಒಟ್ಟು 29 ಕಾಲಂಗಳನ್ನು ಕಂಪ್ಯೂಟರ್‌ ಸಾಫ್ಟ್‌ವೇರ್‌ ಮೂಲಕ ದಾಖಲೀಕರಣ ಮಾಡಲಾಗುತ್ತದೆ. ಅನಂತರ ಕಂಪ್ಯೂಟರ್‌ ನಲ್ಲಿ ದಾಖಲಾಗಿರುವ ಆಕಾರ ಬಂದ್‌ನ ಮಾಹಿತಿಗಳಿಗೂ ಹಾಗೂ ಸಿಡಿಯಲ್ಲಿರುವ ಮಾಹಿತಿ ಗಳನ್ನು ತಾಳೆ ಮಾಡಿ ತಪಾಸಣೆ ನಡೆಸಲಾಗುವುದು.

ಮಂಗಳೂರಿನ ಇನೊಧೀಟ್ರಾಕ್‌ ಕಂಪನಿಗೆ ಗಣಕೀಕರಣದ ಗುತ್ತಿಗೆ ನೀಡಲಾಗಿದೆ. ಎಂಟು ಕಂಪ್ಯೂಟರ್‌ ಹಾಗೂ ಸಿಬಂದಿಯಿಂದ ಗಣಕೀಕರಣದ ಕಾರ್ಯ ನಡೆಯಲಿದೆ ಎಂದು ಭೂ ದಾಖಲೆಗಳ ಇಲಾಖೆಯ ಸಹಾಯಕ ನಿರ್ದೇಶಕ ಬೈರಪ್ಪ ತಿಳಿಸಿದ್ದಾರೆ. ಮೇಲ್ವಿಚಾರಕ ಮಂಜುನಾಥ ಹಾಗೂ ಸಿಬಂದಿಗಳು ಮತ್ತು ಇನೊಧೀಟ್ರಾಕಿನ ಮುಖ್ಯಸ್ಥರು ಉಪಸ್ಥಿತರಿದ್ದರು.