ಜಿಲ್ಲಾಮಟ್ಟದ ಕಬಡ್ಡಿ ಪಂದ್ಯಾಟಕ್ಕೆ ಚಾಲನೆ 

Team Udayavani, Nov 11, 2017, 1:01 PM IST

ಮಹಾನಗರ: ಪದವಿ ಪೂರ್ವ ಶಿಕ್ಷಣ ಇಲಾಖೆ ಮತ್ತು ಮಂಗಳೂರಿನ ವಿಕಾಸ್‌ ಕಾಲೇಜಿನ ಸಹಯೋಗದಲ್ಲಿ ಜಿಲ್ಲಾ ಮಟ್ಟದ ಬಾಲಕ ಮತ್ತು ಬಾಲಕಿಯರ ಕಬಡ್ಡಿ ಪಂದ್ಯಾಟವು ವಿಕಾಸ್‌ ಕಾಲೇಜಿನ ಕ್ರೀಡಾಂಗಣದಲ್ಲಿ ಜರಗಿತು. ಮಾಜಿ ಸಚಿವ ಹಾಗೂ ವಿಕಾಸ್‌ ಶಿಕ್ಷಣ ಸಂಸ್ಥೆಯ ಸ್ಥಾಪಕ ಕೃಷ್ಣ ಜೆ. ಪಾಲೆಮಾರ್‌ ಅಧ್ಯಕ್ಷತೆ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಎನ್‌ ಐಎಸ್‌ ಕೋಚ್‌ ಮತ್ತು ಬೆಂಗಾಲ್‌ ವಾರಿಯರ್‌ ಕೋಚ್‌ ಜಗದೀಶ್‌ ಕುಂಬ್ಳೆ ಆಗಮಿಸಿದ್ದರು.

ಪದವಿಪೂರ್ವ ಶಿಕ್ಷಣ ಇಲಾಖೆಯ ಸಹ ನಿರ್ದೇಶಕ ಕೆ. ಆರ್‌. ತಿಮ್ಮಯ್ಯ, ಕ್ರೀಡಾ ಸಂಘಟಕ ಪ್ರೇಮನಾಥ್‌ ಶೆಟ್ಟಿ, ವಿಕಾಸ್‌ ಕಾಲೇಜಿನ ಸಂಚಾಲಕ ಡಾ| ಡಿ. ಶ್ರೀಪತಿ ರಾವ್‌, ಪ್ರಾಂಶುಪಾಲ ಪ್ರೊ| ಟಿ. ರಾಜಾರಾಮ್‌ ರಾವ್‌, ವಿಕಾಸ್‌ ಎಜುಕೇಶನ್‌ ಟ್ರಸ್ಟ್‌ನ ಟ್ರಸ್ಟಿ ಜೆ. ಕೊರಗಪ್ಪ, ವಿಕಾಸ್‌ ಸಮೂಹ ಶಿಕ್ಷಣ ಸಂಸ್ಥೆಯ ಸಮನ್ವಯಾಧಿಕಾರಿ ಪಾರ್ಥಸಾರಥಿ ಪಾಲೆಮಾರ್‌, ಜಿಲ್ಲಾ ಕಬಡ್ಡಿ ಅಮೆಚೂರ್‌ ಅಸೋಸಿಯೇಶನ್‌ ಕಾರ್ಯದರ್ಶಿ ಪುರುಷೋತ್ತಮ್‌ ಪೂಜಾರಿ, ವಿಕಾಸ್‌ ಕಾಲೇಜಿನ ದೈಹಿಕ ನಿರ್ದೇಶಕ ರಮೇಶ್‌ ಪೂಜಾರಿ, ವಿಕಾಸ್‌ ಕಾಲೇಜಿನ ಕೋಚ್‌ಗಳಾದ ಆಕಾಶ್‌ ಶೆಟ್ಟಿ ಮತ್ತು ಸುಮಿತಾ ಮೆನನ್‌ ಉಪಸ್ಥಿತರಿದ್ದರು.

ಪ್ರತಿ ವಿಭಾಗದಿಂದ 6 ತಂಡಗಳು ಭಾಗವಹಿಸಿದ್ದು ಬಾಲಕಿಯರ ವಿಭಾಗದಲ್ಲಿ ಮಂಗಳೂರು ಗ್ರಾಮಾಂತರ (ಆಳ್ವಾಸ್‌ ಪ್ರಥಮ) ಹಾಗೂ ಬೆಳ್ತಂಗಡಿ (ಎಸ್‌ಡಿಎಂ) ದ್ವಿತೀಯ ಮತ್ತು ಬಾಲಕರ ವಿಭಾಗದಲ್ಲಿ ಮಂಗಳೂರು ಗ್ರಾಮಾಂತರ (ಆಳ್ವಾಸ್‌ ಪ್ರಥಮ) ಹಾಗೂ ಮಂಗಳೂರು ನಗರ (ವಿಕಾಸ್‌ ಕಾಲೇಜು) ದ್ವಿತೀಯ ಸ್ಥಾನ ಪಡೆದಿದ್ದಾರೆ. ವಿಕಾಸ್‌ ಕಾಲೇಜಿನ ಉಪನ್ಯಾಸಕಿ ಶ್ರುತಿ ಎಸ್‌. ಭಂಡಾರಿ ಸ್ವಾಗತಿಸಿ, ಕಾರ್ಯಕ್ರಮ ನಿರೂಪಿಸಿದರು.