ವಿದ್ಯುತ್ ತಂತಿ ತಗುಲಿ ಶಾಕ್:ಲಾರಿ ಕ್ಲೀನರ್ ಸಾವು

Team Udayavani, Jun 5, 2019, 2:27 PM IST

ವಿಟ್ಲ: ವಿದ್ಯುತ್ ತಂತಿ ತುಗಲಿ ಲಾರಿ ಕ್ಲೀನರ್ ದಾರುಣವಾಗಿ ಸಾವನ್ನಪ್ಪಿದ ಘಟನೆ ಬುಧವಾರ ಕೊಳ್ನಾಡು ಗ್ರಾಮದ ಕುಡ್ತಮುಗೇರು ಸಮೀಪದ ಪಡಾರು ಜಂಕ್ಷನ್ ನಲ್ಲಿ ಸಂಭವಿಸಿದೆ.

ಹಾಸನ ಆಲೂರು ತಾ.ನ ಸಿಂಗಟಗೆರೆ ನಿಂಗರಾಜು ಅವರ ಪುತ್ರ ದುಷ್ಯಂತ ಮೃತ ದುರ್‌ದೈವಿ.

ಮಾದಕಟ್ಟೆ ಹಾಲು ಉತ್ಪಾದಕರ ಸಹಕಾರ ಸಂಘಕ್ಕೆಕೆ.ಎಂ.ಎಫ್. ಹಿಂಡಿ ಚೀಲಗಳನ್ನು ಇಳಿಸಿ, ಪುಣಚಕ್ಕೆ ತೆರಳುವುದಕ್ಕಾಗಿ ಲಾರಿ ಚಾಲಕ ಪಡಾರು ಜಂಕ್ಷನನಲ್ಲಿ ನಿಲ್ಲಿಸಿ, ದಾರಿ ಕೇಳುತ್ತಿದ್ದರು. ಈ ಸಂದರ್ಭ ಕ್ಲೀನರ್ ದುಷ್ಯಂತ್ ಲಾರಿ ಕ್ಯಾಬಿನ್ ಮೇಲೇರಿ ಶರ್ಟ್‌ ತೆಗೆಯುತ್ತಿದ್ದಾಗ ಮೇಲ್ಭಾಗದಲ್ಲಿ ಹಾದುಹೋಗಿದ್ದ ವಿದ್ಯುತ್ ತಂತಿಯನ್ನು ಸ್ಪರ್ಶವಾಗಿದೆ.

ಕ್ಷಣದಲ್ಲೇ ಕ್ಯಾಬಿನ್ ನಿಂದ ಕೆಳಕ್ಕೆಸೆಯಲ್ಪಟ್ಟ ದುಷ್ಯಂತ್ ಸ್ಥಳದಲ್ಲೇ ಮೃತಪಟ್ಟರು ಎಂದು ಸ್ಥಳೀಯರು ತಿಳಿಸಿದರು.

ಮೃತದೇಹವನ್ನು ವಿಟ್ಲ ಸಮುದಾಯ ಆರೋಗ್ಯ ಕೇಂದ್ರದ ಶವಾಗಾರದಲ್ಲಿ ಇರಿಸಲಾಗಿದೆ. ವಿಟ್ಲ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.