ನೈತಿಕ-ಆಧ್ಯಾತ್ಮಿಕ ವಿಕಸನದ ದ್ಯೋತಕ

Team Udayavani, May 5, 2019, 4:10 AM IST

ಬೆಳ್ತಂಗಡಿ: ಶ್ರೀ ಧ. ಮಂ. ಯೋಗ ಮತ್ತು ನೈತಿಕ ಶಿಕ್ಷಣ ಯೋಜನೆ, ಶಾಂತಿವನ ಟ್ರಸ್ಟ್‌ (ರಿ.), ಶ್ರೀಕ್ಷೇತ್ರ ಧರ್ಮಸ್ಥಳವು ನೈತಿಕ ಶಿಕ್ಷಣಕ್ಕೆ ಮಹತ್ವ ನೀಡುವಲ್ಲಿ ಹೆಸರುವಾಸಿಯಾಗಿದೆ. 1985ರಲ್ಲಿ ಶಾಂತಿವನ ಟ್ರಸ್ಟ್‌ ಧರ್ಮಸ್ಥಳ ಸ್ಥಾಪನೆಗೊಂಡಿದೆ.

ಕಾರ್ಯಕ್ರಮಗಳು ಮಾದರಿಯಾಗಬೇಕು ಎಂಬುದು ಶಾಂತಿವನ ಟ್ರಸ್ಟ್‌ನ ಅಧ್ಯಕ್ಷ ಡಾ| ಡಿ. ವೀರೇಂದ್ರ ಹೆಗ್ಗಡೆಯವರ ಕನಸು. ಹೇಮಾವತಿ ವೀ. ಹೆಗ್ಗಡೆಯವರು ಹಾಗೂ ಡಿ. ಹರ್ಷೇಂದ್ರ ಕುಮಾರ್‌ ಟ್ರಸ್ಟಿಗಳಾಗಿರುವ ಈ ವಿಶ್ವಸ್ಥ ಸಮಿತಿಯ ಮಾರ್ಗದರ್ಶನದಲ್ಲಿ ಶಾಂತಿವನ ಟ್ರಸ್ಟ್‌ ಅನ್ನು ಕಾರ್ಯದರ್ಶಿ ಬಿ. ಸೀತಾರಾಮ ತೋಳ್ಪಾಡಿತ್ತಾಯ ಯಶಸ್ವಿಯಾಗಿ ಮುನ್ನಡೆಸುತ್ತಿದ್ದಾರೆ.

ಯೋಗ ಮತ್ತು ನೈತಿಕ ಮೌಲ್ಯ ಶಿಕ್ಷಣ ಶಿಕ್ಷ­ಣ­ವನ್ನು ಶಾಲಾ ವಿದ್ಯಾ­ರ್ಥಿ­ಗಳಿಗೆ ದೊರ­ಕಿ­ಸಿ­ಕೊ­ಡುವ ನಿಟ್ಟಿನಲ್ಲಿ 1990ರ­ಲ್ಲಿ ತರಬೇತಿ ಯೋಜನೆ ಆರಂಭಿಸಲಾಯಿತು. ಇದಕ್ಕಾಗಿ 1999ರಿಂದ ಪ್ರತಿ ವರ್ಷ ಅಂಚೆ-ಕುಂಚ ಚಿತ್ರ­ಕಲಾ ಸ್ಪರ್ಧೆ­ಗ­ಳನ್ನು ನಡೆ­ಸ­ಲಾ­ಗು­ತ್ತಿದೆ. ನೀಡಿದ ವಿಷ­ಯದ ಬಗ್ಗೆ ಅಂಚೆ ಕಾರ್ಡ್‌ನಲ್ಲಿ ಚಿತ್ರ ಬಿಡಿಸಿ ಕಳುಹಿ­ಸುವ ಈ ಸ್ಪರ್ಧೆಯು 4 ವಿಭಾ­ಗ­ಗ­ಳಲ್ಲಿ ನಡೆ­ಯು­ತ್ತದೆ. ಈ ವರೆಗೆ ಅಂಚೆಕುಂಚ ಸ್ಪರ್ಧೆಗಳಲ್ಲಿ 2,09,685 ಮಂದಿ ಭಾಗವಹಿಸಿದ್ದಾರೆ.

ಮಕ್ಕ­ಳಿಗೆ ಪ್ರೋತ್ಸಾಹ ನೀಡಲು ಪ್ರಾಥ­ಮಿಕ ವಿಭಾಗ, ಪ್ರೌಢ­ಶಾಲಾ ವಿಭಾಗ ಹಾಗೂ ಕಾಲೇಜು ವಿಭಾಗ, ಸಾರ್ವ­ಜ­ನಿ­ಕ­ರಿ­ಗಾಗಿ ‘ಸಾ­ರ್ವ­ಜ­ನಿಕ ವಿಭಾಗ’ದಲ್ಲಿಯೇ ಪ್ರತ್ಯೇಕ ಸ್ಪರ್ಧೆ­ಯಿದೆ. ಶಾಂತಿವನ ಟ್ರಸ್ಟ್‌ ಕಾರ್ಯದರ್ಶಿ ಬಿ. ಸೀತಾರಾಮ ತೋಳ್ಪಾಡಿತ್ತಾಯ, ಯೋಗ ಮತ್ತು ನೈತಿಕ ಶಿಕ್ಷಣ ಯೋಜನೆ ನಿರ್ದೇಶಕ ಡಾ| ಐ. ಶಶಿಕಾಂತ ಜೈನ್‌ ಪ್ರತಿ­ವರ್ಷ ಮಕ್ಕಳ ಸಮಗ್ರ ಬೆಳ­ವ­ಣಿ­ಗೆ ದೃಷ್ಟಿ­ಯಿಂದ ಪಂಚ­ಮುಖೀ ವ್ಯಕ್ತಿತ್ವ ಶಿಬಿ­ರ­ವನ್ನು ನಡೆ­ಸಿ­ಕೊಂಡು ಬರ­ಲಾ­ಗು­ತ್ತಿದೆ. ಶಾರೀ­ರಿಕ, ಮಾನ­ಸಿಕ, ಬೌದಿ­್ಧಕ, ಭಾವ­ನಾ­ತ್ಮಕ, ನೈತಿಕ, ಆಧ್ಯಾ­ತ್ಮಿಕ ವಿಕ­ಸ­ನಕ್ಕೆ ಪೂರ­ಕ­ವಾದ ಚಟು­ವ­ಟಿ­ಕೆ­ಗ­ಳನ್ನು ಈ ಕಾರ್ಯ­ಕ್ರ­ಮ­ದಡಿ ನಡೆ­ಸಿ­ಕೊಂಡು ಬರ­ಲಾ­ಗು­ತ್ತಿದೆ.

ಸಾಧನೆಗೆ ಸಂದ ಗೌರವಗಳು
ಕರ್ನಾಟಕ ಸರಕಾರದ ರಾಜ್ಯೋತ್ಸವ ಪ್ರಶಸ್ತಿ, ಜಿಂದಾಲ್ ರಾಷ್ಟ್ರೀಯ ಪ್ರಶಸ್ತಿ, ಗಿನ್ನೆಸ್‌ ಪುರಸ್ಕಾರ ಸಹಿತ ಹತ್ತು ಹಲವು ಪ್ರಶಸ್ತಿ- ಪುರಸ್ಕಾರಗಳನ್ನು ಸಂಸ್ಥೆ ಮುಡಿಗೇರಿಸಿಕೊಂಡಿದೆ.

ಶ್ರೀ ಧ. ಮಂ. ಯೋಗ ಮತ್ತು ನೈತಿಕ ಶಿಕ್ಷಣ ಯೋಜನೆ, ಶಾಂತಿವನ ಟ್ರಸ್ಟ್‌ ಶ್ರೀಕ್ಷೇತ್ರ ಧರ್ಮಸ್ಥಳ ಇದರ ವತಿಯಿಂದ ಮೇ 5ರಂದು ಬೆಳಗ್ಗೆ 11ಕ್ಕೆ ಧರ್ಮಸ್ಥಳದ ಮಹೋತ್ಸವ ಸಭಾಭವನದಲ್ಲಿ 17ನೇ ರಾಜ್ಯಮಟ್ಟದ ಅಂಚೆ – ಕುಂಚ ಸ್ಪರ್ಧೆಯ ವಿಜೇತರಿಗೆ ಪುರಸ್ಕಾರ ಸಮಾರಂಭ ನಡೆಯಲಿದೆ. ಬಳಿಕ ಹಿಂದಿನ ವರ್ಷದಲ್ಲಿ ಪುರಸ್ಕೃತರಾದ ಕುಂಚ ಕಲಾವಿದರ ಚಿತ್ರ ಸಂತೆ ಪ್ರದರ್ಶನ ಹಮ್ಮಿಕೊಳ್ಳಲಾಗಿದೆ. ಶ್ರೀಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ| ಡಿ. ವೀರೇಂದ್ರ ಹೆಗ್ಗಡೆ ಅಧ್ಯಕ್ಷತೆ ವಹಿಸಲಿದ್ದು, ಖ್ಯಾತ ಚಲನಚಿತ್ರ ಕಲಾವಿದ ಡಾ| ಮುಖ್ಯಮಂತ್ರಿ ಚಂದ್ರು ವಿಜೇತರನ್ನು ಪುರಸ್ಕರಿಸಲಿದ್ದಾರೆ. ಅಂತಾರಾಷ್ಟ್ರೀಯ ಖ್ಯಾತಿಯ ಚಿತ್ರ ಕಲಾವಿದ ಗಂಜೀಫ ರಘುಪತಿ ಭಟ್ ಶುಭಾಶಂಸನೆಗೈಯ್ಯಲಿದ್ದಾರೆ.

ವಿಶೇಷ ಆಕರ್ಷಣೆ: ಕುಂಚ-ಗಾನ- ನೃತ್ಯ ವೈಭವ
ಕುಂಚ-ಗಾನ- ನೃತ್ಯ ವೈಭವ ಜರಗಲಿದೆ. ಕುಂಚ: ಶ್ರೀ ಗಂಜೀಫ ರಘುಪತಿ ಭಟ್ ಮತ್ತು ವೇಗದ ಚಿತ್ರಕಲಾವಿದೆ ಶಬರಿ ಗಾಣಿಗ, ಯಕ್ಷ ಗಾಯನ: ಕಾವ್ಯಶ್ರೀ ಅಜೇರು, ಯಕ್ಷ ನೃತ್ಯ: ಯಕ್ಷಕಲಾ ತಂಡ, ಶ್ರೀ ಧ.ಮಂ. ಕಾಲೇಜು, ಉಜಿರೆ ಭಾಗವಹಿಸುವರು.

ಇಂದು ಅಂಚೆ-ಕುಂಚ ಸ್ಪರ್ಧೆ ಪುರಸ್ಕಾರ
ಶ್ರೀ ಧ. ಮಂ. ಯೋಗ ಮತ್ತು ನೈತಿಕ ಶಿಕ್ಷಣ ಯೋಜನೆ, ಶಾಂತಿವನ ಟ್ರಸ್ಟ್‌ ಶ್ರೀಕ್ಷೇತ್ರ ಧರ್ಮಸ್ಥಳ ಇದರ ವತಿಯಿಂದ ಮೇ 5ರಂದು ಬೆಳಗ್ಗೆ 11ಕ್ಕೆ ಧರ್ಮಸ್ಥಳದ ಮಹೋತ್ಸವ ಸಭಾಭವನದಲ್ಲಿ 17ನೇ ರಾಜ್ಯಮಟ್ಟದ ಅಂಚೆ – ಕುಂಚ ಸ್ಪರ್ಧೆಯ ವಿಜೇತರಿಗೆ ಪುರಸ್ಕಾರ ಸಮಾರಂಭ ನಡೆಯಲಿದೆ. ಬಳಿಕ ಹಿಂದಿನ ವರ್ಷದಲ್ಲಿ ಪುರಸ್ಕೃತರಾದ ಕುಂಚ ಕಲಾವಿದರ ಚಿತ್ರ ಸಂತೆ ಪ್ರದರ್ಶನ ಹಮ್ಮಿಕೊಳ್ಳಲಾಗಿದೆ. ಶ್ರೀಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ| ಡಿ. ವೀರೇಂದ್ರ ಹೆಗ್ಗಡೆ ಅಧ್ಯಕ್ಷತೆ ವಹಿಸಲಿದ್ದು, ಖ್ಯಾತ ಚಲನಚಿತ್ರ ಕಲಾವಿದ ಡಾ| ಮುಖ್ಯಮಂತ್ರಿ ಚಂದ್ರು ವಿಜೇತರನ್ನು ಪುರಸ್ಕರಿಸಲಿದ್ದಾರೆ. ಅಂತಾರಾಷ್ಟ್ರೀಯ ಖ್ಯಾತಿಯ ಚಿತ್ರ ಕಲಾವಿದ ಗಂಜೀಫ ರಘುಪತಿ ಭಟ್ ಶುಭಾಶಂಸನೆಗೈಯ್ಯಲಿದ್ದಾರೆ. ವಿಶೇಷ ಆಕರ್ಷಣೆ: ಕುಂಚ-ಗಾನ- ನೃತ್ಯ ವೈಭವ ಕುಂಚ-ಗಾನ- ನೃತ್ಯ ವೈಭವ ಜರಗಲಿದೆ. ಕುಂಚ: ಶ್ರೀ ಗಂಜೀಫ ರಘುಪತಿ ಭಟ್ ಮತ್ತು ವೇಗದ ಚಿತ್ರಕಲಾವಿದೆ ಶಬರಿ ಗಾಣಿಗ, ಯಕ್ಷ ಗಾಯನ: ಕಾವ್ಯಶ್ರೀ ಅಜೇರು, ಯಕ್ಷ ನೃತ್ಯ: ಯಕ್ಷಕಲಾ ತಂಡ, ಶ್ರೀ ಧ.ಮಂ. ಕಾಲೇಜು, ಉಜಿರೆ ಭಾಗವಹಿಸುವರು.