ಮೇಲಂತಬೆಟ್ಟಿನಲ್ಲಿ ರೋಮಾಂಚನಕಾರಿ ಬೈಕ್‌ ರೇಸ್‌!

Team Udayavani, Sep 17, 2018, 11:04 AM IST

ಬೆಳ್ತಂಗಡಿ:ಇಲ್ಲಿನ ಮೇಲಂತಬೆಟ್ಟಿನ ಗುಡ್ಡ ಪ್ರದೇಶದಲ್ಲಿ ಸುಮಾರು 2 ಕಿ.ಮೀ. ವರೆಗೆ ತಾತ್ಕಾಲಿಕ ರಸ್ತೆ ನಿರ್ಮಿಸಿ ರವಿವಾರ ಬೈಕ್‌ ಸವಾರರ ಸಾಹಸಮಯ ಪ್ರದರ್ಶನಗಳ ಮೂಲಕ ಬೈಕ್‌ ರೇಸ್‌ ನಡೆಯಿತು. ಮೇಲಂತಬೆಟ್ಟು ಪಕ್ಕಿದಕಲ ನವೋದಯ ಯುವಕ ಮಂಡಲ ಹಾಗೂ ಯುವತಿ ಮಂಡಲವು ಶ್ರೀ ಗಣೇಶ ಚತುರ್ಥಿಯ ಅಂಗವಾಗಿ ಈ ಬೈಕ್‌ ರೇಸ್‌ ಆಯೋಜಿಸಲಾಗಿತ್ತು. ಫೋರ್‌ ಸ್ಟ್ರೋಕ್‌, ಟು ಸ್ಟ್ರೋಕ್‌ ಹಾಗೂ ತಾಲೂಕಿನ ಬೈಕ್‌ ಸವಾರರು ಹೀಗೆ ಮೂರು ವಿಧಗಳಲ್ಲಿ ರೇಸ್‌ ನಡೆಯಿತು.

4 ಸ್ಟ್ರೋಕ್‌ನಲ್ಲಿ 26, ಟು ಸ್ಟ್ರೋಕ್‌ನಲ್ಲಿ 18, ಸ್ಥಳೀಯ ವಿಭಾಗದಲ್ಲಿ 12 ಮಂದಿ ಸ್ಪರ್ಧಿಗಳು ಭಾಗವಹಿಸಿದ್ದರು. ರೇಸ್‌ನ ರಸ್ತೆ ಬದಿಯಲ್ಲಿ ರಿಬ್ಬನ್‌ ಕಟ್ಟುವ ಮೂಲಕ ಜನರಿಗೆ ವೀಕ್ಷಣೆಗೆ ವ್ಯವಸ್ಥೆ ಮಾಡಲಾಗಿತ್ತು.