ಶಾಲಾ ಬಸ್‌ಗೆ ಎಕ್ಸ್‌ಪ್ರೆಸ್‌ ಬಸ್‌ ಢಿಕ್ಕಿ: ಅಪಾಯದಿಂದ ಪಾರು

Team Udayavani, Jan 30, 2019, 5:19 AM IST

ಹಳೆಯಂಗಡಿ,: ಮಂಗಳೂರು ಕೆನರಾ ಕಾಲೇಜಿನ ವಿದ್ಯಾರ್ಥಿಗಳಿದ್ದ ಶಾಲಾ ಬಸ್ಸಿಗೆ  ಹಿಂದಿನಿಂದ ಬಂದ ಎಕ್ಸ್‌ಪ್ರೆಸ್‌ ಬಸ್ಸು ಢಿಕ್ಕಿ ಹೊಡೆದ ಪ್ರಕರಣ ಹಳೆಯಂಗಡಿ ರಾಷ್ಟ್ರೀಯ ಹೆದ್ದಾರಿ ಬಳಿ ಪಾವಂಜೆಯಲ್ಲಿ ನಡೆದಿದೆ.

ಮಂಗಳೂರಿನ ಕಾಲೇಜೊಂದರ ವಿದ್ಯಾರ್ಥಿಗಳನ್ನು ಹೊತ್ತು ಮುಲ್ಕಿ ಕಡೆ ತೆರಳುತ್ತಿದ್ದ ಶಾಲಾ ಬಸ್ಸಿಗೆ ರಾಷ್ಟ್ರೀಯ ಹೆದ್ದಾರಿ  ಪಾವಂಜೆ ಬಳಿ  ಸ್ಥಳೀಯ ವೃದ್ದರೋರ್ವರು  ಹಠಾತ್ತನೆ ರಸ್ತೆ ದಾಟಲು ಅಡ್ಡ ಬಂದ ಪರಿಣಾಮ ಶಾಲಾ ಬಸ್ಸಿನ ಚಾಲಕ ಬ್ರೇಕ್‌ ಹಾಕಿದ ರಬಸಕ್ಕೆ ಹಿಂದಿನಿಂದ ವೇಗವಾಗಿ  ಬರುತ್ತಿದ್ದ ಎಕ್ಸ್‌ ಪ್ರಸ್‌ ಬಸ್ಸು ಚಾಲಕನ ನಿಯಂತ್ರಣ ತಪ್ಪಿ ಶಾಲಾ ಬಸ್ಸಿಗೆ ಹಿಂದಿನಿಂದ ಢಿಕ್ಕಿ ಹೊಡೆಯಿತು ಬಸ್ಸಿನಲ್ಲಿದ್ದ ವಿದ್ಯಾರ್ಥಿಗಳು ಹಾಗು ಪ್ರಯಾಣಿಕರು ಸಣ್ಣಪುಟ್ಟ ಗಾಯಗಳೊಂದಿಗೆ ಯಾವುದೇ ಪ್ರಾಣಾಪಾಯವಿಲ್ಲದೆ ಪಾರಾಗಿದ್ದಾರೆ. ಗಾಯ ಗೊಂಡವರನ್ನು ತತ್‌ಕ್ಷಣ ಮುಕ್ಕ ಶ್ರೀನಿವಾಸ್‌ ಅಸ್ಪತ್ರೆಗೆ ದಾಖಲಿಸಯಿತು.

ಘಟನೆ ಸ್ಥಳದಲ್ಲಿ ರಸ್ತೆ ಮದ್ಯೆಯೇ ಬಸ್ಸುಗಳೆರಡು ಅಡ್ಡಲಾಗಿ ನಿಂತಿದ್ದರಿಂದ ಕೆಲ ಹೊತ್ತು ಹೆದ್ದಾರಿಯಲ್ಲಿ ರಸ್ತೆ ಸಂಚಾರಕ್ಕೆ ಅಡ್ಡಿ ಉಂಟಾ ಯಿತು, ಬಳಿಕ ಸ್ಥಳಕ್ಕೆ ಬಂದ  ಸಂಚಾರಿ ಪೋಲಿಸರು ಸ್ಥಳೀಯರ ಸಹಾಯದಿಂದ ಅಪಘಾತಕ್ಕೀಡಾದ  ಬಸ್ಸುಗಳನ್ನು ಸರಿಸಿ ಸಂಚಾರವನ್ನು ಸುಗಮಗೊಳಿಸಲಾಯಿತು..