ಫೋರ್ಡ್‌ ಎಂಡೋವೆರ್‌ ಫೇಸ್‌ ಲಿಫ್ಟ್ 2019 ಕ್ಕೆ ಬಿಡುಗಡೆ

Team Udayavani, May 4, 2018, 3:45 PM IST

ಫೋರ್ಡ್‌ ಇಂಡಿಯಾ ಕಂಪೆನಿಯ ನೂತನ ಅವೃತ್ತಿಯ ಎಂಡೋವೆರ್‌ ಫೇಸ್‌ ಲಿಫ್ಟ್ ಕಾರು 2019ರಲ್ಲಿ ಮಾರುಕಟ್ಟೆಗೆ ಬರಲಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ. ನೂತನ ಆವೃತ್ತಿಯ ಈ ಕಾರು ಬಹುನಿರೀಕ್ಷೆಗಳನ್ನು ಇಟ್ಟುಕೊಂಡಿದೆ. ಅದಕ್ಕಾಗಿ ಹಲವಾರು ಪರೀಕ್ಷೆಗಳನ್ನು ಮಾಡಲಾಗುತ್ತಿದೆ.

ರಸ್ತೆ, ಪ್ರಯಾಣ ವ್ಯವಸ್ಥೆ , ದೇಶದ ವಾತಾವರಣಕ್ಕೆ ಅನುಗುಣವಾಗಿ ಕಾರನ್ನು ಸಿದ್ಧಪಡಿಸಲಾಗಿತ್ತಿರುವ ಕಾರಣ ಕಾರು ಮಾರುಕಟ್ಟೆಗೆ ಬರಲು ಸಮಯ ತೆಗೆದುಕೊಳ್ಳುತ್ತಿದೆ ಎಂದು ಕಂಪೆನಿಯ ಮೂಲಗಳು ತಿಳಿಸಿವೆ. ಎಂಡೋವೆರ್‌ ಫೇಸ್‌ಲಿಫ್ಟ್ ಕಾರಿನಲ್ಲಿ ಹಲವಾರು ವಿಶೇಷತೆಗಳನ್ನು ಅಳವಡಿಸಲಾಗಿದ್ದು, ಹಾರಿಜೆಂಟಲ್‌ ಸ್ಲಾಟ್ಸ್‌, ಹಗಲಿನಲ್ಲಿ ಕೂಡ ಹೊತ್ತಿಸುವ ಎಲ್‌ಇಡಿ ಬಲ್ಬ್, ಬಂಪರ್‌, ಆಲೈ ವಿನ್ಯಾಸದ ನೂತನ ಆವೃತ್ತಿಯಲ್ಲಿ ಬಳಸಲಾಗಿದೆ ಎನ್ನಲಾಗಿದೆ.