ಖಾತೆಯಿಂದ ಹಣ ನಗದೀಕರಿಸಿ ವಂಚನೆ ನಗರದಲ್ಲಿ ಮತ್ತೂಂದು ಪ್ರಕರಣ

Team Udayavani, Jan 14, 2021, 1:42 AM IST

ಮಂಗಳೂರು: ಬ್ಯಾಂಕ್‌ವೊಂದರ ಗಾಂಧಿನಗರ ಶಾಖೆಯ ಖಾತೆಯಿಂದ ಖಾತೆದಾರರ ಗಮನಕ್ಕೆ ಬಾರದಂತೆ ಅಪರಿಚಿತರು ಜ.11ರಂದು ರಾತ್ರಿ 9.26ರಿಂದ 9.29ರ ನಡುವೆ ಹಂತ ಹಂತವಾಗಿ ಒಟ್ಟು 40,000 ರೂ.ಗಳನ್ನು ವಿದ್‌ಡ್ರಾ ಮಾಡಿ ವಂಚಿಸಿದ್ದಾರೆ. ಖಾತೆದಾರರು ಈ ಬಗ್ಗೆ ಸೈಬರ್‌ ಕ್ರೈಂ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.  ಜ. 11ರಂದು ಗಾಂಧಿನಗರ, ಉರ್ವಸ್ಟೋರ್‌ ಶಾಖೆಗಳಿಂದ ಇದೇ ರೀತಿ ಹಣ ನಗದೀಕರಿಸಿ ವಂಚಿಸಿರುವ ಬಗ್ಗೆ ಪ್ರತ್ಯೇಕ ಪ್ರಕರಣಗಳು ಈಗಾಗಲೇ ದಾಖಲಾಗಿವೆ. ಈ ಪ್ರಕರಣಗಳಲ್ಲಿ ಅಪರಿಚಿತರು ಅನುಕ್ರಮವಾಗಿ 60 ಮತ್ತು 40 ಸಾವಿರ ರೂ. ವಿದ್‌ಡ್ರಾ ಮಾಡಿದ್ದರು. ಮರುದಿನ ಕುಲಶೇಖರ ಪೋಸ್ಟಲ್‌ ಎಟಿಎಂ ಮೂಲಕ ವ್ಯಕ್ತಿಯೊಬ್ಬರ ಖಾತೆಯಿಂದ 40 ಸಾವಿರ ರೂ. ವಿದ್‌ಡ್ರಾ ಮಾಡಿದ ಘಟನೆ ನಡೆದಿತ್ತು.