ಗಾಳಿ-ಮಳೆ: ರಸ್ತೆಗುರುಳಿದ ಮರಗಳು

Team Udayavani, Apr 28, 2019, 6:00 AM IST

ಬೆಳ್ತಂಗಡಿ: ಗೇರುಕಟ್ಟೆ - ಕೊಯ್ಯೂರು ರಸ್ತೆಯ ಪರಪ್ಪುವಿನಲ್ಲಿ ರಸ್ತೆಗೆ ಅಡ್ಡಿ ಬಿದ್ದ ವಿದ್ಯುತ್‌ ಕಂಬ.

ಮಂಗಳೂರು/ ಬೆಳ್ತಂಗಡಿ:ಜಿಲ್ಲೆಯ ಅಲ್ಲಲ್ಲಿ ಶನಿವಾರದಂದು ಮಳೆ ಯಾಗಿದೆ.
ಬೆಳ್ತಂಗಡಿ ತಾಲೂಕಿನಲ್ಲಿ ಭಾರೀ ಗಾಳಿ-ಮಳೆಯಿಂದಾಗಿ ಎರಡು ಕಡೆ ಹೆದ್ದಾರಿ ಬದಿ ರಸ್ತೆಗೆ ಮರ ಬಿದ್ದು ಸಂಚಾರಕ್ಕೆ ಅಡಚಣೆಯಾಯಿತು.

ಧರ್ಮಸ್ಥಳ – ಬೆಂಗಳೂರು ಸಂಪರ್ಕಿಸುವ ರಾಜ್ಯ ಹೆದ್ದಾರಿ ಕುದ್ರಾಯದಲ್ಲಿ ರಸ್ತೆಗೆ ಮರ ಬಿದ್ದು 1 ತಾಸಿಗೂ ಹೆಚ್ಚುಕಾಲ ವಾಹನಗಳ ಸಾಲು ನಿಂತಿತ್ತು. ಧರ್ಮಸ್ಥಳ ಪೊಲೀ ಸರು ಮರ ತೆರವುಗೊಳಿಸಿ ಸುಗಮ ಸಂಚಾರಕ್ಕೆ ಕ್ರಮ ಕೈಗೊಂಡರು.

ಚಾರ್ಮಾಡಿ-ಉಜಿರೆ ರಸ್ತೆಯ ಮುಂಡಾಜೆ ಪಿಲಿತಡ್ಕ ಸಮೀಪ ರಸ್ತೆಗೆಮರ ಬಿದ್ದು ಅರ್ಧ ತಾಸು ಸಮಸ್ಯೆ ಯಾಗಿತ್ತು. ಗೇರುಕಟ್ಟೆ ಮನÒರ್‌ ಪಬ್ಲಿಕ್‌ ಶಾಲೆ ಮಹಡಿಗೆ ಹಾನಿಯಾಗಿದೆ. ಸಂಜೆ ಸುಮಾರು 6 ಗಂಟೆ ಬಳಿಕ ಗಾಳಿ ಮಳೆ ಪರಿಣಾಮ ಹಲವೆಡೆ ಮರ, ಅಡಿಕೆ ತೋಟಗಳಿಗೆ ಹಾನಿಯಾದ ಕುರಿತು ವರದಿಯಾಗಿದೆ.

ಅಲ್ಲಲ್ಲಿ ಮಳೆ
ಮಂಗಳೂರಿನಲ್ಲಿ ಸಂಜೆ 7.30ಕ್ಕೆ ತುಂತುರು ಮಳೆಯಾಗಿದೆ. ಮದ್ದಡ್ಕ, ಗುರುವಾಯನಕೆರೆ, ಮೂರ್ಜೆ, ಪುಂಜಾಲಕಟ್ಟೆ, ವಾಮದಪದವು, ಕಾವಳಕಟ್ಟೆ, ವಗ್ಗ, ವೇಣೂರು, ಸುಬ್ರಹ್ಮಣ್ಯ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಗುಡುಗು ಸಹಿತ ಮಳೆಯಾಗಿದೆ.ಶನಿವಾರ ಜಿಲ್ಲೆಯಲ್ಲಿ 36 ಡಿ.ಸೆ. ಗರಿಷ್ಠ ಉಷ್ಣಾಂಶ ಮತ್ತು 27 ಡಿ.ಸೆ. ಕನಿಷ್ಠ ಉಷ್ಣಾಂಶ ಇತ್ತು.