ಇರ್ವತ್ತೂರು ಗ್ರಾಮ ಪಂಚಾಯತ್‌: ಸ್ವಚ್ಛತಾ ಕಾರ್ಯಕ್ರಮ

Team Udayavani, Dec 21, 2017, 4:59 PM IST

ಪುಂಜಾಲಕಟ್ಟೆ: ರಾಮಕೃಷ್ಣ ಮಿಷನ್‌ ಮಂಗಳೂರು, ದ.ಕ.ಜಿ.ಪಂ., ಮತ್ತು ಇರ್ವತ್ತೂರು ಗ್ರಾ. ಪಂ. ಇದರ ಸಹಯೋಗದಲ್ಲಿ ಸ್ವಚ್ಛ ಭಾರತ ಅಭಿಯಾನ ಕಾರ್ಯಕ್ರಮದಡಿ ಸ್ವಚ್ಛ ಇರ್ವತ್ತೂರು – ಮೂಡುಪಡುಕೋಡಿ ಮೂರನೇ ಸ್ವಚ್ಛತಾ ಶ್ರಮದಾನ ಕಾರ್ಯಕ್ರಮ ಜರಗಿತು.

ಮೂಡುಪಡುಕೋಡಿ ಹಿ.ಪ್ರಾ. ಶಾಲಾಭಿವೃದ್ದಿ ಸಮಿತಿಯ ಅಧ್ಯಕ್ಷ ಶ್ರೀನಿವಾಸ ಪೂಜಾರಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಇರ್ವತ್ತೂರು ಗ್ರಾ. ಪಂ. ಅಧ್ಯಕ್ಷೆ ಸುಜಾತಾ, ಉಪಾಧ್ಯಕ್ಷ ಬಿ. ಶಂಕರ ಶೆಟ್ಟಿ ಬೆದ್ರಮಾರ್‌, ಪಂ. ಅ.ಅಧಿಕಾರಿ ಗಣೇಶ್‌ ಶೆಟ್ಟಿಗಾರ್‌, ಜಿಲ್ಲಾ ಹಾಪ್ಸ್‌ ಕಾಮ್‌ಅಧ್ಯಕ್ಷ ಕೆ. ಲಕ್ಷ್ಮೀನಾರಾಯಣ ಉಡುಪ ಪಿಲಾತಬೆಟ್ಟು, ಸೇವಾ ಸಹಕಾರಿ ಬ್ಯಾಂಕ್‌ ಅಧ್ಯಕ್ಷ ಸುಂದರ ನಾಯ್ಕ, ಅಕ್ಷರ ಪ್ರತಿಷ್ಠಾನ ಆಲದಪದವು, ಅಧ್ಯಕ್ಷ ಡಾ| ರಾಮಕೃಷ್ಣ ಎಸ್‌., ಗ್ರಾ. ಪಂ. ಸದಸ್ಯರಾದ ನಾರಾಯಣ ಪೂಜಾರಿ, ಪ್ರಶಾಂತ ಕೋಟ್ಯಾನ್‌, ಸುನಂದಾ, ದಯಾನಂದ ಕುಲಾಲ್‌, ಮಾದರಿ ವಿಕಾಸ ಕೇಂದ್ರದ ಪ್ರೇರಕ ಎಸ್‌. ಅಬ್ದುಲ್‌ ರಹಿಮಾನ್‌ ಹಾಗೂ ಶಿವಾಜಿ ಫ್ರೆಂಡ್ಸ್‌ ಕ್ಲಬ್‌ನ ಅಧ್ಯಕ್ಷ ಹರೀಶ್‌ಮತ್ತು ಸದಸ್ಯರು, ಇರ್ವತ್ತೂರುಪದವು ಜುಮ್ಮಾ ಮಸೀದಿ ಮತ್ತು ಒಡಿಯೂರು ಗ್ರಾಮ ವಿಕಾಸ ಸ್ವಸಹಾಯ ಸಂಘದ ಸದಸ್ಯರು, ಇರ್ವತ್ತೂರು ತುಳುನಾಡ ರಕ್ಷಣಾ ವೇದಿಕೆ ಅಧ್ಯಕ್ಷ ಗಣೇಶ್‌ ಶೆಟ್ಟಿ ನರ್ವಲ್ದಡ್ಡ , ಗ್ರಾ. ಪಂ. ಮಾಜಿ ಸದಸ್ಯ ಅಬ್ದುಲ್‌ ನಜೀರ್‌ ಸಾಹೇಬ್‌ ಮತ್ತಿತರರು ಉಪಸ್ಥಿತರಿದ್ದರು. ಇರ್ವತ್ತೂರು ಪದವುನಿಂದ ಕಲಾಬಾಗಿಲು ವರೆಗೆ ರಸ್ತೆಯ ಇಕ್ಕೆಲಗಳನ್ನು ಸ್ವಚ್ಛಗೊಳಿಸಲಾಯಿತು. ಪ್ರತಿ 15 ದಿನಗಳಿಗೊಮ್ಮೆ ಸ್ವಚ್ಛತಾ ಶ್ರಮದಾನ ಕಾರ್ಯಕ್ರಮ ಜರಗಲಿದೆ.