ಜಪ್ಪಿನಮೊಗರು ಕೊಲೆ ಯತ್ನ ಪ್ರಕರಣ: ಇಬ್ಬರು ಆರೋಪಿಗಳ ಬಂಧನ

Team Udayavani, Mar 10, 2017, 7:09 AM IST

ಮಂಗಳೂರು: ಜಪ್ಪಿನ ಮೊಗರುವಿನಲ್ಲಿ  ಮಾ. 7ರಂದು ಸ್ಥಳೀಯ ಕಾಡಬರೆಗದ್ದೆಯ ನೌಫಾಲ್‌ ಇಬ್ರಾಹಿಂ (22) ಮೇಲೆ ಹಲ್ಲೆ ಮಾಡಿ ಕೊಲೆಗೆ ಯತ್ನಿಸಿದ ಪ್ರಕರಣಕ್ಕೆ ಸಂಬಂಧಿಸಿ ಇಬ್ಬರು ಆರೋಪಿಗಳನ್ನು  ಮಂಗಳೂರು ಸಿಸಿಬಿ  ಪೊಲೀಸರು ಬಂಧಿಸಿದ್ದಾರೆ. 

ಜಪ್ಪಿನಮೊಗರು ತಾರ್ದೊಲ್ಯ ಗುಡ್ಡೆ ಮನೆಯ ಶಿವರಾಮ ರೈ (45) ಮತ್ತು ತಂದೊಳಿಗೆ ಪಡು³ವಿನ ಸುಶಾನ್‌ ರೈ (29) ಬಂಧಿತರು. ಅವರನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ. 
ಕಾಡಬರೆಗದ್ದೆ  ಕ್ರಿಕೆಟ್‌ ಮೈದಾನಿ ನಲ್ಲಿ ಮಂಗಳವಾರ ಸಂಜೆ ನೌಫಲ… ಇಬ್ರಾಹಿಂ ಅವರನ್ನು ಆರೋಪಿಗಳು ಕ್ಷುಲಕ ಕಾರಣಕ್ಕೆ ಚೂರಿಯಿಂದ ಇರಿದು, ವಿಕೆಟ್‌ನಿಂದ ಹಲ್ಲೆನಡೆಸಿ ದ್ದರು. ಈ ಬಗ್ಗೆ  ಕಂಕನಾಡಿ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.

ಕಾರ್ಯಾಚರಣೆ ನಡೆಸಿದ ಸಿಸಿಬಿ ಪೊಲೀಸರು ಆರೋಪಿಗಳನ್ನು ಪಂಪ್‌ವೆಲ್‌ ಬಳಿ ಬಂಧಿಸಿದ್ದಾರೆ.
ಹಳೆ ಆರೋಪಿ: ಶಿವರಾಮ ರೈ ಹಳೆ ಆರೋಪಿಯಾಗಿದ್ದು, 20 ವರ್ಷಗಳ ಹಿಂದೆ ಕೊಲೆ, ಕೊಲೆ ಯತ್ನ, ಬೆದರಿಕೆ ಹಾಗೂ ಇತರ ಒಟ್ಟು 7 ಪ್ರಕರಣ ಗಳಲ್ಲಿ ಭಾಗಿ ಯಾಗಿ ದ್ದನು. ಕದ್ರಿ ಠಾಣೆ ಯಲ್ಲಿ ರೌಡಿ ಶೀಟ್‌ ತೆರೆಯಲಾಗಿತ್ತು. ಆರೋಪಿ ಗಳನ್ನು ಮುಂದಿನ ಕ್ರಮಕ್ಕಾಗಿ ಕಂಕನಾಡಿ ನಗರ ಪೊಲೀಸ್‌ ಠಾಣೆಗೆ ಹಸ್ತಾಂತರಿಸಲಾಗಿದ್ದು, ಗುರುವಾರ ನ್ಯಾಯಾಲಯಕ್ಕೆ ಹಾಜರುಪಡಿಸಿದರು. 

ಕಾರ್ಯಾಚರಣೆಯಲ್ಲಿ ಸಿಸಿಬಿ ಇನ್ಸ್‌ಸ್ಪೆಕ್ಟರ್‌ ಸುನಿಲ… ವೈ. ನಾಯ್ಕ… ಮತ್ತು ಪಿಎಸ್‌ಐ ಶ್ಯಾಂ ಸುಂದರ್‌ ಹಾಗೂ ಸಿಬಂದಿ ಭಾಗವಹಿಸಿದ್ದರು.