ವೀರ ಮರಣವನ್ನಪ್ಪಿದ ಯೋಧರಿಗೆ ಶ್ರದ್ದಾಂಜಲಿ ಅರ್ಪಣೆ

Team Udayavani, Jul 26, 2021, 10:29 PM IST

ಪಣಂಬೂರು: ಇಂಟಕ್ ದ.ಕ‌ ಜಿಲ್ಲಾ ಘಟಕದ ವತಿಯಿಂದ  ಕಾರ್ಗಿಲ್ ವಿಜಯೋತ್ಸವ ಆಚರಣೆ ಹಾಗೂ ಯುದ್ದದಲ್ಲಿ ವೀರ ಮರಣವನ್ನಪ್ಪಿದ  ಯೋಧರಿಗೆ ಶ್ರದ್ದಾಂಜಲಿ ಅರ್ಪಣೆ ಕಾರ್ಯಕ್ರಮ  ಬಾವುಟಗುಡ್ಡೆಯಲ್ಲಿರುವ ಇಂಟಕ್ ಕಚೇರಿಯಲ್ಲಿ ಸೋಮವಾರ ಜರಗಿತು.

ಕೆಪಿಸಿಸಿ ಕಾರ್ಯದರ್ಶಿ ಐವನ್ ಡಿಸೋಜ,ಪಿ ವಿ ಮೋಹನ್, ಇಂಟಕ್ ರಾಷ್ಟ್ರೀಯ ಕಾರ್ಯದರ್ಶಿ ರಾಕೇಶ್ ಮಲ್ಲಿ, ಜಿಲ್ಲಾ ಅಧ್ಯಕ್ಷ ಮನೋಹರ್ ಶೆಟ್ಟಿ ,ಇಂಟಕ್ ಮುಖಂಡರಾದ ಅಬೂಬಕರ್ ಎನ್ ಎಂ ಪಿಟಿ, ಪಿ‌.ಕೆ ಸುರೇಶ್, ಯುವ ಇಂಟಕ್ ಕಾರ್ಯದರ್ಶಿ ದಿನಕರ್ ಶೆಟ್ಟಿ,ಬೊಂಡಾಲ ಚಿತ್ತರಂಜನ್ ಶೆಟ್ಟಿ, ಮತ್ತಿತರರು ಉಪಸ್ಥಿತರಿದ್ದರು.

ಐವನ್ ಡಿಸೋಜ ಮಾತನಾಡಿ ಪಾಕಿಸ್ತಾನದ ಕುತಂತ್ರದ ಆಕ್ರಮಣಕ್ಕೆ ದೇಶದ ವೀರ ಯೋಧರು ತಕ್ಕ ಪ್ರತ್ಯುತ್ತರ  ನೀಡಿ ಒಂದಿಂಚು ಭೂಮಿಯನ್ನು ಬಿಟ್ಟುಕೊಡದೆ ವಿಜಯವನ್ನು ತಂದಿದ್ದಾರೆ.ಅನೇಕ ವೀರ ಯೋಧರು ಇದಕ್ಕಾಗಿ ಬಲಿದಾನವಾಗಿದ್ದಾರೆ.ಅವರಿಗೆ ದೇಶದ ಪ್ರಜೆಗಳಾದ ನಾವು ಸ್ಮರಿಸುವುದರೊಂದಿಗೆ ಶ್ರದ್ದಾಂಜಲಿ ಅರ್ಪಿಸುತ್ತಿದ್ದೇವೆ ಎಂದರು