ಕೆವಿಜಿ ವೈದ್ಯ ಕಾಲೇಜಿಗೆ: ನವಜಾತ ಶಿಶು ರಕ್ಷಣಾ ಘಟಕಕ್ಕೆ 25 ಲ.ರೂ.

Team Udayavani, Mar 8, 2017, 11:41 AM IST

ಮಂಗಳೂರು: ಕರ್ಣಾಟಕ ಬ್ಯಾಂಕ್‌ ತನ್ನ ಕಾರ್ಪೊರೇಟ್‌ ಸಾಮಾಜಿಕ ಹೊಣೆಗಾರಿಕೆ ಯೋಜನೆಯಲ್ಲಿ ಸುಳ್ಯದ ಕುರುಂಜಿ ವೆಂಕಟರಮಣ ಗೌಡ ಮೆಡಿಕಲ್‌ ಕಾಲೇಜಿನಲ್ಲಿ “ನವಜಾತ ಶಿಶುಗಳ ನಿರ್ವಹಣ ಘಟಕ’ ಸ್ಥಾಪನೆಗೆ 25 ಲಕ್ಷ ರೂ. ನೆರವು ನೀಡಿದೆ. ಅವಧಿಗೆ ಮುನ್ನ ಜನಿಸುವ ಶಿಶುಗಳನ್ನು ಈ ಅತ್ಯಾಧುನಿಕ ತಂತ್ರಜ್ಞಾನದ ಘಟಕದಲ್ಲಿ ಸಂರಕ್ಷಣೆ ಮಾಡಲಾಗುತ್ತಿದೆ.

ಘಟಕವನ್ನು ಬ್ಯಾಂಕಿನ ವ್ಯವಸ್ಥಾಪಕ ನಿರ್ದೇಶಕ ಪಿ. ಜಯರಾಮ ಭಟ್‌ ಉದ್ಘಾಟಿಸಿದರು. “ಕಾರ್ಪೊರೇಟ್‌ ಸಾಮಾಜಿಕ ಹೊಣೆಗಾರಿಕೆ ಯೋಜನೆಯಲ್ಲಿ ಶಾಲಾ ಕಾಲೇಜುಧಿಗಳ ಕೊಠಡಿಗಳ ನಿರ್ಮಾಣ, ಕುಡಿಯುವ ನೀರು, ಹಸುರೀಕರಣ, ಆರೋಗ್ಯ ರಕ್ಷಣೆ ಮುಂತಾದ ಕಾರ್ಯಗಳಿಗೆ ಈ ವರ್ಷ 6 ಕೋಟಿ ರೂ.ಗೂ ಅಧಿಕ ಮೊತ್ತ ಒದಗಿಸಲಾಗಿದೆ’ ಎಂದು ತಿಳಿಸಿದರು.

ಅಕಾಡೆಮಿ ಆಫ್‌ ಲಿಟರಲ್‌ ಎಜುಕೇಶನ್‌ ಸಂಸ್ಥೆಯ ಅಧ್ಯಕ್ಷ- ಕಾಲೇಜಿನ ವೈದ್ಯಕೀಯ ನಿರ್ದೇಶಕ ಡಾ| ಕೆ. ವಿ. ಚಿದಾನಂದ, ಪ್ರಾಂಶುಪಾಲೆ ಡಾ| ರೂಪಾ ಕುಲಕರ್ಣಿ, ಸಂಸ್ಥೆಯ ಖಜಾಂಚಿ ಶೋಭಾ ಚಿದಾನಂದ, ಡಾ| ಶಿವನ ಗೌಡ, ಪದ್ಮಶ್ರೀ ಪುರಸ್ಕೃತ ಗಿರೀಶ್‌ ಭಾರದ್ವಾಜ್‌, ಬ್ಯಾಂಕಿನ ಎಜಿಎಂ ನಾಗರಾಜ ಆರ್‌. ಹೆಬ್ಟಾರ್‌, ಚೀಫ್‌ ಮ್ಯಾನೇಜರ್‌ ಶ್ರೀನಿವಾಸ ದೇಶಪಾಂಡೆ ಉಪಸ್ಥಿತರಿದ್ದರು.