ಕೆಎಂಸಿ – ಇಥಿಯೋಪಿಯ ಕಾಲೇಜು ಒಡಂಬಡಿಕೆ

Team Udayavani, Jul 31, 2018, 7:40 AM IST

ಮಂಗಳೂರು: ಕೆಎಂಸಿ-ಇಥಿಯೋಪಿಯ ವೈದ್ಯಕೀಯ ಕಾಲೇಜು ನಡುವೆ ಒಡಂಬಡಿಕೆ ಮಾಡಿಕೊಳ್ಳಲಾಯಿತು. 
ಮಂಗಳೂರು: ಮಂಗಳೂರು ಕೆಎಂಸಿ ವಿಧಿವಿಜ್ಞಾನ (ಫೋರೆನ್ಸಿಕ್‌) ವಿಭಾಗ ಹಾಗೂ ಇಥಿಯೋಪಿಯ ಸೈಂಟ್‌ ಪೌಲ್ಸ್‌ ಹಾಸ್ಪಿಟಲ್‌ ಮಿಲೇನಿಯಂ ಮೆಡಿಕಲ್‌ ಕಾಲೇಜು ನಡುವೆ ವಿಧಿವಿಜ್ಞಾನ ವಿಷಯಕ್ಕೆ ಸಂಬಂಧಿಸಿ ಒಡಂಬಡಿಕೆ ಮಾಡಿಕೊಳ್ಳಲಾಗಿದೆ.

ಮಾಹೆಯಲ್ಲಿ ಇತ್ತೀಚೆಗೆ ಒಡಂಬಡಿಕೆಗೆ ಸಹಿ ಮಾಡಲಾಯಿತು. ಸೈಂಟ್‌ ಪೌಲ್ಸ್‌ ಹಾಸ್ಪಿಟಲ್‌ ಮಿಲೇನಿಯಂ ಮೆಡಿಕಲ್‌ ಕಾಲೇಜಿನ ಕಾರ್ಯಕ್ರಮ ನಿರ್ದೇಶಕ ಬಾಲ್ಕಾಚೌ ನಿಗಟು, ಫೋರೆನ್ಸಿಕ್‌ ವಿಭಾಗದ ಮುಖ್ಯಸ್ಥ ಎನ್ಯುಡೆಬಾಸ್‌, ಮಾಹೆ ಸಹ ಕುಲಾಧಿಪತಿ ಡಾ| ಎಚ್‌.ಎಸ್‌. ಬಲ್ಲಾಳ್‌, ಮಂಗಳೂರು ಕೆಎಂಸಿ ಡೀನ್‌ ಡಾ| ಎಂ. ವೆಂಕಟ್ರಾಯ ಪ್ರಭು, ಮಾಹೆ ಅಂತಾರಾಷ್ಟ್ರೀಯ ಸಹಯೋಗದ ನಿರ್ದೇಶಕ ಡಾ| ರಘು ರಾಧಾಕೃಷ್ಣನ್‌, ಅಸೋಸಿಯೇಟೆಡ್‌ ಡೀನ್‌ ಡಾ| ಅಲ್ಫ್ರೆಡ್‌ ಜೆ. ಆಗಸ್ಟಿನ್‌, ಮಂಗಳೂರು ಕೆಎಂಸಿ ವಿಧಿವಿಜ್ಞಾನ ವಿಭಾಗದ ಡಾ| ಬಿ. ಸುರೇಶ್‌ ಕುಮಾರ್‌ ಶೆಟ್ಟಿ , ಡಾ| ಜಗದೀಶ್‌ ರಾವ್‌ ಉಪಸ್ಥಿತರಿದ್ದರು.

ಇಥಿಯೋಪಿಯ ಸೈಂಟ್‌ ಪೌಲ್ಸ್‌ ಹಾಸ್ಪಿಟಲ್‌ ಮಿಲೇನಿಯಂ ಮೆಡಿಕಲ್‌ ಕಾಲೇಜಿನ ವಿಧಿವಿಜ್ಞಾನ ವಿಭಾಗವನ್ನು ಸದೃಢಗೊಳಿಸುವ ನಿಟ್ಟಿನಲ್ಲಿ ವಿವಿಧ ಕಾರ್ಯಯೋಜನೆಗಳು ಒಡಂಬಡಿಕೆಯಲ್ಲಿ ಒಳಗೊಂಡಿವೆ. ಅಲ್ಲಿನ ಫೋರೆನ್ಸಿಕ್‌ ವಿಭಾಗದ ವಿದ್ಯಾರ್ಥಿಗಳಿಗೆ ವಿವಿಧ ಬ್ಯಾಚ್‌ಗಳಂತೆ ಮಂಗಳೂರು ಕೆಎಂಸಿಯಲ್ಲಿ ತರಬೇತಿ, ಇಲ್ಲಿನ ಫೋರೆನ್ಸಿಕ್‌ ವಿಭಾಗದ ಉಪನ್ಯಾಸಕರು ಇಥಿಯೋಪಿಯಕ್ಕೆ ತೆರಳಿ ತರಬೇತಿ ಹಮ್ಮಿಕೊಳ್ಳುವುದು ಯೋಜನೆಗಳಲ್ಲಿ ಒಳಗೊಂಡಿವೆ.