ಕೋರಿ ರೊಟ್ಟಿ ರೆಡಿ 

Team Udayavani, Jun 7, 2018, 3:07 PM IST

ರಾಕೇಟ್‌ ಕ್ರಿಯೇಷನ್ಸ್‌ ನಿರ್ಮಾಣದಲ್ಲಿ ಸಿದ್ಧಗೊಂಡಿರುವ ರಜನೀಶ್‌ ನಿರ್ದೇಶನದ ‘ಕೋರಿ ರೊಟ್ಟಿ’ ಸಿನೆಮಾ ಇದೀಗ ತೆರೆಗೆ ಬರುವ ಕಾತುರದಲ್ಲಿದೆ. ಎಲ್ಲ ಹಂತದ ಸಿದ್ಧತೆ ಮುಗಿಸಿದ ಚಿತ್ರತಂಡ ಒಳ್ಳೆ ಮುಹೂರ್ತ ನೋಡಿ ರಿಲೀಸ್‌ನ ಕಾತುರದಲ್ಲಿದೆ.

ಖ್ಯಾತ ನಿರೂಪಕಿ ಅನುಶ್ರೀ ಕೋರಿ ರೊಟ್ಟಿಯಲ್ಲಿ ಮುಖ್ಯ ಪಾತ್ರದಲ್ಲಿರುವುದರಿಂದ ಸಿನೆಮಾದ ಬಗ್ಗೆ ವಿಶೇಷ ಕುತೂಹಲ ಕೂಡ ಇದೆ. ಜತೆಗೆ ನವೀನ್‌ ಡಿ.ಪಡೀಲ್‌, ಅರವಿಂದ ಬೋಳಾರ್‌, ಭೋಜರಾಜ್‌ ವಾಮಂಜೂರು ಅವರ ಕಾಮಿಡಿ ಕಮಾಲ್‌ ಈ ಚಿತ್ರಕ್ಕಿದೆ. ವಿಭಿನ್ನ ಕಥೆಯಾ ಧಾರಿತವಾಗಿ ಮೂಡಿಬರುವ ಈ ಸಿನೆಮಾ ಕೋಸ್ಟಲ್‌ವುಡ್‌ ನಲ್ಲಿ ಸಾಕಷ್ಟು ಸದ್ದು ಮಾಡಿರುವುದು ನಿಜ. ಕೋರಿ ರೊಟ್ಟಿ ಕರಾವಳಿ ಭಾಗದ ಇಷ್ಟದ ಖಾದ್ಯವಾಗಿರುವುದರಿಂದ ಅದೇ ಹೆಸರನ್ನು ಸಿನೆಮಾಕ್ಕೆ ಇಡಲಾಗಿದೆ. ಈ ಮೂಲಕ ಸಿನೆಮಾವನ್ನು ಜನರ ಬಳಿಗೆ ತಲುಪಿಸುವ ಯೋಚನೆ ಚಿತ್ರತಂಡದ್ದು. ಶೂಟಿಂಗ್‌ ಮುಗಿಸಿ ಹಲವು ತಿಂಗಳುಗಳೇ ಕಳೆದ ಅನಂತರ, ಇದೀಗ ಕೋರಿ ರೊಟ್ಟಿ ಕಥೆ ಜನರ ಮುಂದೆ ಬರುವ ಸಿದ್ಧತೆಯಲ್ಲಿರುವುದು ಕೋರಿ ಸಹಜವಾಗಿಯೇ ಕುತೂಹಲ ಮೂಡಿಸಿದೆ.