ಸಂಪಾಜೆ – ಮಡಿಕೇರಿ ಮಾರ್ಗದಲ್ಲಿ ಮತ್ತೆ ಕುಸಿದ ಗುಡ್ಡ

Team Udayavani, Aug 13, 2018, 2:44 PM IST

ಸುಳ್ಯ: ಕರಾವಳಿಯಲ್ಲಿ ಹಲವು ದಿನಗಳಿಂದ ಸುರಿಯುತ್ತಿರುವ ಭಾರಿ ಮಳೆಯಿಂದಾಗಿ ಸಂಪಾಜೆ ಘಾಟಿಯಲ್ಲಿ ಮತ್ತೆ  ಗುಡ್ಡ ಕುಸಿದಿದ್ದು, ಸುಳ್ಯ – ಮಡಿಕೇರಿ ರಸ್ತೆಯಲ್ಲಿ ಸೋಮವಾರ ಸಂಚಾರ ಸ್ಥಗಿತಗೊಂಡಿದೆ. 

ಸಂಪಾಜೆ ಪ್ರದೇಶದಲ್ಲಿ ನಿರಂತರ ಗುಡ್ಡ ಕುಸಿದು ರಸ್ತೆಗೆ ಬೀಳುತ್ತಿದೆ. ತಾಳತ್ತಮನೆ ಮತ್ತು ಮಡಿಕೇರಿ ಮಧ್ಯೆ ರಸ್ತೆ ಸಂಪೂರ್ಣ ಕುಸಿದು ಹೋಗಿದೆ. ಈ ಪ್ರದೇಶದಲ್ಲಿ ಸಂಚಾರ ಮಾರ್ಗವನ್ನು ಬದಲಾಯಿಸಲಾಗಿದೆ.   ಆದರೆ ನಿನ್ನೆ ತಡರಾತ್ರಿಯಿಂದಲೇ ಮದನಾಡಿನಲ್ಲಿ ಗುಡ್ಡ ಕುಸಿದು ರಸ್ತೆಗೆ ಬೀಳುತ್ತಿದೆ . ಇಂದು ಮುಂಜಾನೆ ಅಧಿಕಾರಿಗಳು ಜೆಸಿಬಿ ಮೂಲಕ ರಸ್ತೆಗೆ ಬಿದ್ದಿರುವ ಮಣ್ಣನ್ನು ತೆರವುಗೊಳಿಸುತ್ತಿದ್ದಾಗ ಮತ್ತೆ ದೊಡ್ಡ ಮಟ್ಟದಲ್ಲಿ ಗುಡ್ಡ ಕುಸಿಯಲು ಆರಂಭಿಸಿದೆ. 

ಸದ್ಯ ಸುಳ್ಯ – ಮಡಿಕೇರಿ ರಸ್ತೆಯಲ್ಲಿ ಸಂಚಾರ ಸಂಪೂರ್ಣ ಬಂದ್  ಆಗಿದ್ದು ರಸ್ತೆಯ ಎರಡೂ ಭಾಗದಲ್ಲಿ ವಾಹನಗಳು ಸಾಲು ಕಟ್ಟಿ ನಿಂತಿವೆ