ಕೊಳ್ನಾಡ್‌: ಲಾರಿಗಳು ಢಿಕ್ಕಿ; ಓರ್ವ ಚಾಲಕನಿಗೆ ಗಂಭೀರ ಗಾಯ

Team Udayavani, Oct 6, 2019, 1:28 AM IST

ಮೂಲ್ಕಿ: ಇಲ್ಲಿಗೆ ಸಮೀಪದ ಕೊಳ್ನಾಡಿನಲ್ಲಿ ಶನಿವಾರ ರಾತ್ರಿ ಲಾರಿಗಳೆರಡು ಢಿಕ್ಕಿ ಹೊಡೆದು ಓರ್ವ ಚಾಲಕ ಗಂಭೀರ ವಾಗಿ ಗಾಯಗೊಂಡಿದ್ದಾರೆ.

ಕೊಳ್ನಾಡಿನ ಪೆಟ್ರೋಲ್‌ ಪಂಪ್‌ನಲ್ಲಿ ಇಂಧನ ತುಂಬಿಸಿ ಉಡುಪಿ ಕಡೆಗೆ ಬರಲೆಂದು ಹೆದ್ದಾರಿ ದಾಟುತ್ತಿದ್ದ ಲಾರಿಗೆ ಮಂಗಳೂರು ಕಡೆಯಿಂದ ಬಂದ ಲಾರಿಯು ಢಿಕ್ಕಿ ಹೊಡೆ ದಿದೆ. ಪರಿಣಾಮ ಢಿಕ್ಕಿ ಹೊಡೆದ ಲಾರಿಯ ಚಾಲಕ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಅವರು ಕಾಲುಗಳು ಸಂಪೂರ್ಣ ಜರ್ಝರಿತವಾಗಿದೆ. ಲಾರಿಯಲ್ಲಿ ಸಿಲುಕಿಕೊಂಡಿದ್ದ ಅವ ರನ್ನು ಹೊರ ತರಲು ಸ್ಥಳೀಯರು ತೀವ್ರ ಶ್ರಮಪಟ್ಟರು.

ಲಾರಿಗಳು ಒಂದಕ್ಕೊಂದು ಸಿಲುಕಿಕೊಂಡಿದ್ದು, ಕ್ರೇನ್‌ ಬಳಸಿ ಬೇರ್ಪಡಿಸಲಾಯಿತು. ಪೊಲೀಸರು ಹಾಗೂ ಸ್ಥಳೀಯರು ಗಾಯಾಳನ್ನು ಆಸ್ಪತ್ರೆಗೆ ಕೊಂಡೊಯ್ಯಲು ಸಹಕರಿಸಿದರು. ಗಾಯಾಳುವಿನ ಬಗ್ಗೆ ಹೆಚ್ಚಿನ ಮಾಹಿತಿ ಲಭ್ಯವಾಗಿಲ್ಲ. ಸುಮಾರು ಮುಕ್ಕಾಲು ತಾಸು ಸಂಚಾರ ವ್ಯತ್ಯಯವಾಗಿತ್ತು.