ಮಂಗಳೂರು – ಬೆಂಗಳೂರು ರೈಲು : ಜು. 7ರಿಂದ ವಿಸ್ಡಾಡೋನ್‌ ಬೋಗಿ ಜೋಡಣೆ

Team Udayavani, Jul 2, 2021, 6:30 AM IST

ಮಂಗಳೂರು: ಮಂಗಳೂರು – ಯಶವಂತಪುರ ವಿಶೇಷ ರೈಲಿಗೆ  ಉದ್ದೇಶಿತ ಗಾಜಿನ ಛಾವಣಿಯನ್ನು ಹೊಂದಿರುವ ಆಕರ್ಷಕ ವಿಸ್ಡಾಡೋನ್‌ ಬೋಗಿಗಳನ್ನು ಜು. 7ರಿಂದ ಸೇರ್ಪಡೆಗೊಳಿಸಲಾಗುತ್ತಿದೆ.

ವಾರಕ್ಕೆ 3 ಬಾರಿ ಚಲಿಸುವ ನಂ. 06211 /06212 ಯಶವಂತಪುರ- ಕಾರವಾರ ವಿಶೇಷ ರೈಲು ಜು. 7ರಿಂದ ಯಶವಂತಪುರದಿಂದ ಹಾಗೂ ಜು. 8ರಿಂದ ಮಂಗಳೂರು ಜಂಕ್ಷನ್‌ನಿಂದ ವಿಸ್ಡಾಡೋನ್‌ ಬೋಗಿಯೊಂದಿಗೆ ಸಂಚರಿಸಲಿದೆ.

ವಾರಕ್ಕೆ 3 ಬಾರಿ ಚಲಿಸುವ ನಂ. 06575/06576 ಯಶವಂತಪುರ- ಮಂಗಳೂರು ಜಂಕ್ಷನ್‌-ಯಶವಂತಪುರ ವಿಶೇಷ ರೈಲಿಗೆ ಜು. 8ರಿಂದ ಯಶವಂತಪುರದಿಂದ ಹಾಗೂ ಜು. 9ರಿಂದ ಮಂಗಳೂರು ಜಂಕ್ಷನ್‌ನಿಂದ ವಿಸ್ಡಾಡೋನ್‌ ಬೋಗಿ ಜೋಡಿಸಲಾಗುತ್ತಿದೆ.

ನಂ. 06539 ಯಶವಂತಪುರ -ಮಂಗಳೂರು ಜಂಕ್ಷನ್‌ ರೈಲಿಗೆ ಯಶವಂತಪುರದಿಂದ ಜು. 10ರಿಂದ ಹಾಗೂ ನಂ. 06540 ಮಂಗಳೂರು ಜಂಕ್ಷನ್‌-ಯಶವಂತಪುರ ಎಕ್ಸ್‌ಪ್ರೆಸ್‌ಗೆ ಜು. 11ರಿಂದ ವಿಸ್ಡಾಡೋನ್‌ ಬೋಗಿ ಸೇರ್ಪಡೆಯಾಗಲಿದೆ.

ನಾಳೆಯಿಂದ ಬುಕಿಂಗ್‌ :

ವಿಸ್ಡಾಡೋನ್‌ ಬೋಗಿಗೆ ಬುಕ್ಕಿಂಗ್‌ ಜು. 3ರಿಂದ ಪ್ರಾರಂಭವಾಗಲಿದೆ. ವಿಸ್ಡಾಡೋನ್ ಬೋಗಿಯು 40 ಸುಖಾಸೀನ ಹಾಗೂ 360 ಡಿಗ್ರಿ ತಿರುಗುವ ಕುರ್ಚಿಗಳನ್ನು ಹೊಂದಿರುತ್ತದೆ. ಇದು ಹಗಲಿನ ವೇಳೆಯ ಸಂಚಾರದಲ್ಲಿ ಪ್ರಕೃತಿಯ ವಿಹಂಗಮ ನೋಟವನ್ನು ಸವಿಯಲು ಪೂರಕವಾಗಿದೆ.