Mangaluru ಡ್ರಗ್ಸ್ ಸೇವನೆ ಆರೋಪ; ಇಬ್ಬರ ಬಂಧನ

Team Udayavani, Jan 28, 2024, 1:04 AM IST

ಮಂಗಳೂರು: ನಿಷೇಧಿತ ಮಾದಕ ವಸ್ತು ಗಾಂಜಾ ಸೇವನೆ ಮಾಡಿದ ಇಬ್ಬರು ಯುವಕರನ್ನು ಮಂಗಳೂರು ಪೊಲೀಸರು ಶುಕ್ರವಾರ ಬಂಧಿಸಿದ್ದಾರೆ.

ಶುಕ್ರವಾರ ಸಂಜೆ ಬಲ್ಮಠ ಬಳಿ ಗಾಂಜಾ ಸೇವನೆ ಮಾಡಿ ತೂರಾಡುತ್ತಿದ್ದ ಕೇರಳ ಎರ್ನಾಕುಲಂನ ಎಲ್ವಿನ್‌ ಶಿಜು (19)ನನ್ನು ಕದ್ರಿ ಪೊಲೀಸರು ಹಾಗೂ ಶುಕ್ರವಾರ ಬೆಳಗ್ಗೆ ಸೆಂಟ್ರಲ್‌ ಮಾರ್ಕೆಟ್‌ ಬಳಿ ಎರ್ನಾಕುಲಂನ ಆಡ್ಸನ್‌ ಜಾರ್ಜ್‌ (19)ನನ್ನು ಬಂದರು ಠಾಣೆಯ ಪೊಲೀಸರು ಬಂಧಿಸಿದ್ದಾರೆ.

7 ಲಕ್ಷ ರೂ.
ಮೌಲ್ಯದ ಚಿನ್ನ ಕಳವು
ಮಂಗಳೂರು: ಶುಕ್ರವಾರ ರಾತ್ರಿ ನಗರದ ಜೋಡುಮಠ ರಸ್ತೆಯ ಚಿನ್ನ ಮೆಲ್ಟಿಂಗ್‌ ಶಾಪ್‌ವೊಂದರ ಬಾಗಿಲಿನ ಬೀಗ ಮುರಿದು ಅಂದಾಜು 7 ಲಕ್ಷ ರೂ. ಮೌಲ್ಯದ 150 ಗ್ರಾಂ ತೂಕದ ಚಿನ್ನದ ಗಟ್ಟಿಯನ್ನು ಕಳವು ಮಾಡಿರುವ ಬಗ್ಗೆ ಮಂಗಳೂರು ಉತ್ತರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.