Mangaluruಲಂಚ ಸ್ವೀಕಾರ ಆರೋಪ: ಮೆಸ್ಕಾಂ ಎಂಜಿನಿಯರ್‌ ಖುಲಾಸೆ

Team Udayavani, Feb 6, 2024, 9:51 PM IST

ಮಂಗಳೂರು: ವಿದ್ಯುತ್‌ ಗುತ್ತಿಗೆದಾರನಿಂದ ಲಂಚದ ಹಣ ಸ್ವೀಕರಿಸಿದ್ದಾರೆ ಎಂಬ ಆರೋಪ ಹೊತ್ತಿದ್ದ ಬೈಕಂಪಾಡಿಯ ಮೆಸ್ಕಾಂ ಜೂನಿಯರ್‌ ಎಂಜಿನಿಯರ್‌ ರಾಘವ ಡಿ. ಅವರನ್ನು ಖುಲಾಸೆಗೊಳಿಸಿ ಮಂಗಳೂರಿನ ಲೋಕಾಯುಕ್ತ ನ್ಯಾಯಾಲಯ ತೀರ್ಪು ನೀಡಿದೆ.

ತೋಟಬೆಂಗ್ರೆಯ ಜಿತೇಶ್‌ ಎನ್‌.ಎಂ. ಅವರು ವಿದ್ಯುತ್‌ ಗುತ್ತಿಗೆದಾರನಾಗಿದ್ದು ಜೂನಿಯರ್‌ ಎಂಜಿನಿಯರ್‌ ರಾಘವ ಡಿ. ಅವರಲ್ಲಿ ಲೋಬೊ ಎಂಜಿನಿಯರಿಂಗ್‌ ವರ್ಕ್ಸ್ ಗೆ ಹೆಚ್ಚುವರಿ ಲೋಡ್‌ಗಾಗಿ ಮತ್ತು ಗೊಡ್ವಿನ್‌ ಮೊಂತೇರೊ ಅವರ ಹೊಸ ಉದ್ದಿಮೆಯನ್ನು ಪ್ರಾರಂಭಿಸಲು 20 ಎಚ್‌.ಪಿ. ಲೋಡ್‌ಗಾಗಿ ಅರ್ಜಿ ಸಲ್ಲಿಸಿದಾಗ ಅವರು 5,000 ರೂ. ಲಂಚದ ಬೇಡಿಕೆ ಇಟ್ಟಿದ್ದರೆಂದು ಮಂಗಳೂರಿನ ಭ್ರಷ್ಟಾಚಾರ ನಿಗ್ರಹ ದಳದ ಉಪಾಧೀಕ್ಷಕರಿಗೆ ದೂರು ನೀಡಿದ್ದರು.

ದಾಖಲೆ ಮತ್ತು ಸಾಕ್ಷ್ಯಧಾರಗಳನ್ನು ಪರಿಶೀಲಿಸಿದ ಮಂಗಳೂರಿನ ಲೋಕಾಯುಕ್ತ ನ್ಯಾಯಾಲಯದ ನ್ಯಾಯಾಧಿಧೀಶರಾದ ಸಂಧ್ಯಾ ಎಸ್‌. ಅವರು ರಾಘವ ಡಿ. ರವರನ್ನು ಖುಲಾಸೆಗೊಳಿಸಿ ತೀರ್ಪು ನೀಡಿದ್ದಾರೆ. ಆರೋಪಿ ಪರವಾಗಿ ರಾಜೇಶ್‌ ಕುಮಾರ್‌ ಅಮಾrಡಿ ಅವರು ವಾದಿಸಿದ್ದರು.