ಮಂಗಳೂರು: ಕೋಟ್ಪಾ ಕಾಯ್ದೆಯಡಿ ಕಾರ್ಯಾಚರಣೆ

Team Udayavani, Mar 5, 2023, 6:30 AM IST

ಮಂಗಳೂರು: ರಾಷ್ಟೀಯ ತಂಬಾಕು ನಿಯಂತ್ರಣ ಕಾರ್ಯಕ್ರಮದಡಿ ಕೋಟ್ಪಾ 2003ರ ಕಾಯ್ದೆ ಉಲ್ಲಂಘನೆ ಮಾಡಿರುವ ಅಂಗಡಿ, ಮುಂಗಟ್ಟು ಮತ್ತು ಸಾರ್ವಜನಿಕ ಸ್ಥಳಗಳಲ್ಲಿ ಜಿಲ್ಲಾ ತನಿಖಾದಳದ ವತಿಯಿಂದ ಶನಿವಾರ ಕಾರ್ಯಾಚರಣೆ ನಡೆಸಲಾಯಿತು.

ಜಿಲ್ಲಾ ತಂಬಾಕು ನಿಯಂತ್ರಣ ಕೋಶದ ತಂಡವು ಜಿಲ್ಲಾ ಆರೋಗ್ಯಾಧಿಕಾರಿ ಡಾ| ಕಿಶೋರ್‌ ಮತ್ತು ಡಿ.ಎಸ್‌.ಒ. ಡಾ| ಜಗದೀಶ್‌ ಅವರ ನಿರ್ದೇಶನದಂತೆ ನಗರದ ಪಣಂಬೂರು ಪೊಲೀಸ್‌ ಠಾಣೆಯ ಬೆಂಬಲದೊಂದಿಗೆ ಪಣಂಬೂರು ಪೊಲೀಸ್‌ ಠಾಣಾ ವ್ಯಾಪ್ತಿಯ ಜೋಕಟ್ಟೆ ಪ್ರದೇಶದ ಹೊಸ ಜುಮ್ಮಾ ಮಸೀದಿ ಸಮೀಪ ಶಾಹೇನ್‌ ಜನರಲ್‌ ಸ್ಟೋರ್‌ ಮತ್ತು ಇತರ ಸುತ್ತ ಮುತ್ತಲಿನ ಅಂಗಡಿಗಳಿಗೆ ತೆರಳಿ ಅವರ ವಿರುದ್ಧ ದಂಡ ವಿಧಿಸಿ ತಿಳಿವಳಿಕೆ ನೋಟಿಸ್‌ ನೀಡಿ ಎಚ್ಚರಿಸಲಾಯಿತು. ಈ ಸಂದರ್ಭ ಒಟ್ಟು 19 ಪ್ರಕರಣ ದಾಖಲಿಸಿ 2,900 ರೂ.ಗಳ ದಂಡ ಸಂಗ್ರಹಿಸಲಾಯಿತು.

ಎಎಸ್‌ಐ ಬಿ.ಕೆ. ಕೃಷ್ಣ, ಜಿಲ್ಲಾ ತಂಬಾಕು ನಿಯಂತ್ರಣ ಕೋಶದ ಸಿಬಂದಿ ಪುಂಡಲೀಕ್‌ ಲಕಾಟಿ, ಶ್ರುತಿ ಜೆ. ಸಾಲಿಯಾನ್‌ ಭಾಗವಹಿಸಿದ್ದರು ಎಂದು ಜಿಲ್ಲಾ ತಂಬಾಕು ನಿಯಂತ್ರಣ ಕೋಶ ಮತ್ತು ಜಿಲ್ಲಾ ಕಣ್ಗಾವಲು ಘಟಕ ತಿಳಿಸಿದೆ.