Mangaluru: ಅಪರಿಚಿತ ವ್ಯಕ್ತಿ ಸಾವು

Team Udayavani, Dec 28, 2023, 12:33 AM IST

ಮಂಗಳೂರು: ನಗರದ ನೆಲ್ಲಿಕಾಯಿ ರಸ್ತೆಯ ಬಳಿ ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದ ಸುಮಾರು 40-45 ವರ್ಷ ವಯಸ್ಸಿನ ಅಪರಿಚಿತ ಗಂಡಸನ್ನು ಸಾರ್ವಜನಿಕರು ವೆನ್ಲಾಕ್‌ ಆಸ್ಪತ್ರೆಗೆ ದಾಖಲಿಸಿದ್ದು, ಅವರು ಅಲ್ಲಿ ಮೃತಪಟ್ಟಿದ್ದಾರೆ.

ಸುಮಾರು 5. 11 ಅಡಿ ಎತ್ತರ, ಎಣ್ಣೆಕಪ್ಪು ಮೈಬಣ್ಣ, ಕಪ್ಪು ಬಿಳಿ ಮಿಶ್ರಿತ ಕೂದಲು, ಕುರುಚಲು ಗಡ್ಡ ಹೊಂದಿದ್ದು ಹೊಟ್ಟೆ, ಎದೆಯ ಮೇಲೆ ಮಚ್ಚೆ ಇದೆ. ಕಂದು ಬಣ್ಣದ ಉದ್ದ ತೋಳಿನ ಅಂಗಿ ಮತ್ತು ಕಪ್ಪು ಬಣ್ಣದ ಪ್ಯಾಂಟ್‌ ಧರಿಸಿದ್ದರು. ವಾರಸುದಾರರಿದ್ದರೆ ಮಂಗಳೂರು ದಕ್ಷಿಣ ಪೊಲೀಸ್‌ ಠಾಣೆ (0824-2220518) ಸಂಪರ್ಕಿಸುವಂತೆ ಪೊಲೀಸರು ತಿಳಿಸಿದ್ದಾರೆ.

ಅಕ್ರಮವಾಗಿ ದಾಸ್ತಾನಿರಿಸಿದ್ದ ಮರಳು ವಶ
ಮಂಗಳೂರು: ಕಣ್ಣೂರು ಗ್ರಾಮದ ಬಡ್ಲಗುತ್ತುವಿನಲ್ಲಿ ಅನಧಿಕೃತವಾಗಿ ದಾಸ್ತಾನು ಮಾಡಿದ್ದ ಸುಮಾರು 750 ಮೆಟ್ರಿಕ್‌ ಟನ್‌ ಮರಳನ್ನು ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ಅಧಿಕಾರಿಗಳು ಬುಧವಾರ ವಶಕ್ಕೆ ಪಡೆದಿದ್ದಾರೆ.

ಮನೆಗೆ ಬೆಂಕಿ: ಹಾನಿ
ಸುಳ್ಯ:ಮನೆಗೆ ಬೆಂಕಿ ತಗಲಿ ಅಪಾರ ನಷ್ಟ ಉಂಟಾದ ಘಟನೆ ಸುಳ್ಯ ತಾಲೂಕಿನ ಕಳಂಜದಲ್ಲಿ ಸೋಮವಾರ ರಾತ್ರಿ ಸಂಭವಿಸಿದೆ.ಕಳಂಜ ಗ್ರಾಮದ ವಿಷ್ಣುನಗರ ನಿವಾಸಿ ವಿಶ್ವನಾಥ ರೈ ಅವರ ಮನೆಯಲ್ಲಿ ವಿದ್ಯುತ್‌ ಶಾರ್ಟ್‌ ಸಕೀìಟ್‌ ಆಗಿ ಬೆಂಕಿ ಅವಘಡ ಸಂಭವಿಸಿತು. ಅದೃಷ್ಟವಷಾತ್‌ ಮನೆಯಲ್ಲಿ ಯಾರೂ ಇಲ್ಲದ ಕಾರಣ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ. ಘಟನೆಯಿಂದ ಮನೆಯಲ್ಲಿದ್ದ ಕಪಾಟು ಹಾಗೂ ಮತ್ತಿತರರ ಸೊತ್ತುಗಳು ನಾಶವಾಗಿವೆ. ಸ್ಥಳೀಯರ ಸಹಕಾರದಲ್ಲಿ ಬೆಂಕಿ ನಂದಿಸಲಾಗಿದೆ.

ಯುವಕ ಸಾವು
ಸುಳ್ಯ: ಅಸೌಖ್ಯದಿಂದ ಪಂಜದ ಯುವಕ ಮೃತಪಟ್ಟ ಘಟನೆ ಡಿ. 26ರಂದು ಸಂಭವಿಸಿದೆ. ಕೂತ್ಕುಂಜ ಗ್ರಾಮದ ಕಲ್ಕ ದಿ| ಪದ್ಮಯ್ಯ ಗೌಡರ ಪುತ್ರ ಪ್ರಶಾಂ ತ್‌ (39) ಮೃತಪಟ್ಟವರು. ಬೆಂಗ ಳೂರಿನಲ್ಲಿ ಉದ್ಯೋಗದಲ್ಲಿದ್ದ ಪ್ರಶಾಂತ್‌ ಅಸೌಖ್ಯ ಕಾರಣಕ್ಕೆ ಮಂಗಳೂರಿನ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದರು. ಡಿ. 25ರಂದು ದಿಢೀರ್‌ ಅನಾರೋಗ್ಯಕ್ಕೆ ತುತ್ತಾದ ಕಾರಣ ಸುಳ್ಯದ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.