Mangaluru ಅವಾಚ್ಯವಾಗಿ ಬೈದು ನಿಂದನೆ: ಇಬ್ಬರ ಬಂಧನ

Team Udayavani, Jul 31, 2023, 10:00 PM IST

ಮಂಗಳೂರು: ಸ್ನೇಹಿತೆ ಜತೆ ಹೊಟೇಲ್‌ನಲ್ಲಿ ಊಟ ಮುಗಿಸಿ ಬರುತ್ತಿದ್ದ ಯುವಕನಿಗೆ ಅವಾಚ್ಯವಾಗಿ ಬೈದು ನಿಂದಿಸಿದ ಘಟನೆ ಕಾವೂರು ಜಂಕ್ಷನ್‌ ಸಮೀಪ ಜು.26ರಂದು ಸಂಭವಿಸಿದ್ದು, ಘಟನೆಗೆ ಸಂಬಂಧಿಸಿದಂತೆ ಇಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ.

ಪತ್ರಕರ್ತ ಅಭಿಜಿತ್‌ ಎನ್‌.ಕೊಲ್ಪೆ ಅವರು ಸಂಜೆ ತನ್ನ ಗೆಳತಿಯೊಂದಿಗೆ ಹೊಟೇಲ್‌ಗೆ ತೆರಳಿ ಊಟ ಮುಗಿಸಿ ಹೊರಗೆ ಬಂದಾಗ ಓರ್ವ ವ್ಯಕ್ತಿ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾನೆ. ಅಭಿಜಿತ್‌ನ ಗೆಳತಿಗೂ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾನೆ.

ಘಟನೆಗೆ ಸಂಬಂಧಿಸಿದಂತೆ ಆರೋಪಿಗಳಾದ ಕೋಟೆಕಾರಿನ ಚೇತನ್‌ ಕುಮಾರ್‌(38) ಮತ್ತು ಯೆಯ್ಯಾಡಿಯ ನವೀನ್‌(39)ನನ್ನು ಬಂಧಿಸಲಾಗಿದೆ ಎಂದು ಪೊಲೀಸ್‌ ಆಯುಕ್ತರು ತಿಳಿಸಿದ್ದಾರೆ.