ಮರಾಠಾಸ್‌ ಪ್ರೊ ಕಬಡ್ಡಿ; ಆಟಗಾರರ ಜೆರ್ಸಿ ಅನಾವರಣ

Team Udayavani, Feb 5, 2018, 2:05 PM IST

ಮಹಾನಗರ : ಮರಾಠಾಸ್‌ ನ್ಪೋರ್ಟ್ಸ್ ಅಸೋಸಿಯೇಶನ್‌ ನೇತೃತ್ವದಲ್ಲಿ ಫೆ.11ರಂದು ನಗರದ ನೆಹರೂ ಮೈದಾನಿದಲ್ಲಿ ಆಯೋಜಿಸಲಾಗಿರುವ ಮರಾಠಾಸ್‌ ಪ್ರೊ ಕಬಡ್ಡಿ ತಂಡದ ಆಟಗಾರರ ಜೆರ್ಸಿ ಹಾಗೂ ಟ್ರೋಫಿ ಅನಾವರಣ ರವಿವಾರ ಸಂಜೆ ನಗರದ ಪಾಂಡೇಶ್ವರದ ಫಾರಂ ಫಿಝಾ ಮಾಲ್‌ನಲ್ಲಿ ನಡೆಯಿತು.

‘ಯುಪಿ ಯೋಧಾಸ್‌’ ಪ್ರೋ ಕಬಡ್ಡಿ ತಂಡದ ಆಟಗಾರ ಸಾಗರ್‌ ಕೃಷ್ಣ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದರು. ಶಾಸಕ ಬಿ.ಎ. ಮೊದಿನ್‌ ಬಾವಾ ಮಾತನಾಡಿ, ಸಮಾಜದಲ್ಲಿ ಶಾಂತಿ ಮೂಡಿಸಲು ಕ್ರೀಡೆ ಮುಖ್ಯ ಅಸ್ತ್ರವಾಗಿದೆ. ಇದರಿಂದ ಸಮಾಜವನ್ನು ಒಗ್ಗೂಡಿಸುವ ಮರಾಠಾಸ್‌ ನ್ಪೋರ್ಟ್ಸ್ ಅಸೋಸಿಯೇಶನ್‌ ಪ್ರಯತ್ನ ಶ್ಲಾಘನೀಯ ಎಂದರು.

ಅಮೆಚೂರು ಕಬಡ್ಡಿ ಅಸೋಸಿಯೇಶನ್‌ ಕಾರ್ಯದರ್ಶಿ ಪುರುಷೋತ್ತಮ ಪೂಜಾರಿ, ಪಾಲಿಕೆ ಸದಸ್ಯ ಅಬ್ದುಲ್‌ ಲತೀಫ್,
ಸುರೇಂದ್ರ ಕಾಂಬಳಿ ಮುಖ್ಯ ಅತಿಥಿಗಳಾಗಿದ್ದರು. ಕಾರ್ಯಕ್ರಮದ ಅಂಗವಾಗಿ ರ್‍ಯಾಂಪ್‌ ವಾಕ್‌, ನೃತ್ಯ ಸಹಿತ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು. ಲೋಕೇಶ್‌ ಎಸ್‌. ಚಂದ್ರಮಾನ್‌, ಗಿರೀಶ್‌ ರಾವ್‌ ಭೋಂಸ್ಲೆ, ಶೈಲೇಶ್‌ ಪಿ. ಬಹುಮಾನ್‌, ಪ್ರಶಾಂತ್‌ ಬಹುಮಾನ್‌, ಶ್ಯಾಮರಾಜ್‌ ಜಾಧವ್‌ ಉಪಸ್ಥಿತರಿದ್ದರು.