ಪಿಲಿ ಚಾಮುಂಡಿ ಕಲ್ಲಿನ ಬೇಲಿ ತೆರವು; ಬೆಳ್ತಂಗಡಿಯಲ್ಲಿ ಆಕ್ರೋಶ 

Team Udayavani, Jan 9, 2018, 1:26 PM IST

ಬೆಳ್ತಂಗಡಿ: ಇಲ್ಲಿನ ಗುರುವಾಯನಕೆರೆಯಲ್ಲಿರುವ ಅಪಾರ ಭಕ್ತರ ನಂಬಿಕೆಯ ಸ್ಥಳವಾದ ಪಿಲಿ ಚಾಮುಂಡಿ ಕಲ್ಲಿನ ಬೇಲಿ ತೆರವು ಮಾಡಿರುವುದನ್ನು ಖಂಡಿಸಿ ಹಿಂದೂ ಪರ ಸಂಘಟನೆಯ ಸಾವಿರಾರು ಕಾರ್ಯಕರ್ತರು ಮಂಗಳವಾರ ಬೆಳ್ತಂಗಡಿಯಿಂದ ಗುರುವಾಯನಕರೆಯ ವರೆಗೆ ಬೃಹತ್‌ ಪ್ರತಿಭಟನಾ ಮೆರವಣಿಗೆ ನಡೆಸಿ ಆಕ್ರೋಶ ಹೊರ ಹಾಕಿದ್ದಾರೆ.

‘ನಮ್ಮ ನಡಿಗೆ ಪಿಲಿ ಚಾಮುಂಡಿ ಕಲ್ಲಿನೆಡೆ’ ಎಂಬ ಹೆಸರಿನಲ್ಲಿ ಪ್ರತಿಭಟನಾ ಮೆರವಣಿಗೆ ನಡೆಸಲಾಗಿದ್ದು, ಮಹಿಳೆಯರೂ  ಸೇರಿದಂತೆ ಹಿಂದೂ ಪರ ಸಂಘಟನೆಯ ಸಾವಿರಾರು ಕಾರ್ಯಕರ್ತರು ಭಾಗಿಯಾಗಿದ್ದಾರೆ.   

ಡಿಸೆಂಬರ್‌ ತಿಂಗಳಿನಲ್ಲಿ ಇಲ್ಲಿ ನೇಮ ನಡೆದ ಬಳಿಕ ಕಲ್ಲಿಗೆ ಚಪ್ಪಲಿಗಳನ್ನು ಇಟ್ಟು ಅಪವಿತ್ರಗೊಳಿಸಲಾಗಿತ್ತು. 

ಪ್ರತಿಭಟನೆ ಹಿನ್ನಲೆಯಲ್ಲಿ ಗುರುವಾಯನಕೆರೆ ಮತ್ತು ಬೆಳ್ತಂಗಡಿಯಲ್ಲಿ ವ್ಯಾಪಕ ಬಿಗಿ ಬಂದೋಬಸ್ತ್ ಕೈಗೊಳ್ಳಲಾಗಿದೆ. 



ಚಿತ್ರಗಳು: ಲಕ್ಷ್ಮೀ ಮಚ್ಚಿನ