ಶೆಟ್ಟಿ  ಆಶೀರ್ವಾದ ಕೇಳಿದ ಮಠಂದೂರು

Team Udayavani, Apr 24, 2018, 12:43 PM IST

ಪುತ್ತೂರು: ಬಿಜೆಪಿ ಹಾಗೂ ಕಾಂಗ್ರೆಸ್‌ ಅಭ್ಯರ್ಥಿಗಳು ಚುನಾವಣಾಧಿಕಾರಿ ಕಚೇರಿ ಬಳಿ ಸೋಮವಾರ ಮುಖಾಮುಖಿಯಾದರು.

ಶಾಸಕಿ ಶಕುಂತಳಾ ಶೆಟ್ಟಿ ಅವರು ಚುನಾವಣಾಧಿಕಾರಿ ಕಚೇರಿಗೆ ಮೊದಲು ತೆರಳಿ ನಾಮಪತ್ರ ಸಲ್ಲಿಸಿದರು. ಹಿಂದಿರುಗುವ ವೇಳೆ ಬಿಜೆಪಿ ಅಭ್ಯರ್ಥಿ ಸಂಜೀವ ಮಠಂದೂರು ನಾಮಪತ್ರ ಸಲ್ಲಿಸಲು ಆಗಮಿಸಿದ್ದರು. ‘ನೀವು ಹಿರಿಯರು. ಆಶೀರ್ವಾದ ಮಾಡಿ’ ಎಂದು ಶಕುಂತಳಾ ಶೆಟ್ಟಿ ಅವರಿಗೆ ಸಂಜೀವ ಮಠಂದೂರು ಕೈ ಮುಗಿದರು. ಪ್ರತಿಕ್ರಿಯಿಸಿದ ಶಕುಂತಳಾ ಶೆಟ್ಟಿ, ‘ಎಲ್ಲ ಮಹಾಲಿಂಗೇಶ್ವರನ ದಯೆ’ ಎಂದು ಹೇಳುತ್ತಾ ಮುಂದುವರಿದರು.

ಸೋಮವಾರ ಬಿಜೆಪಿ ಹಾಗೂ ಕಾಂಗ್ರೆಸ್‌ ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಸಿದರು. ಮೆರವಣಿಗೆಯಲ್ಲಿ ಆಗಮಿಸಿದ ಎರಡೂ ಪಕ್ಷದವರು ಹೆಚ್ಚು- ಕಡಿಮೆ ಒಂದೇ ಸಮಯಕ್ಕೆ ಆಗಮಿಸಿದ್ದರು. ಸ್ವಲ್ಪ ಮೊದಲು ಆಗಮಿಸಿದ್ದ ಶಕುಂತಳಾ ಶೆಟ್ಟಿ ಮೊದಲು ನಾಮಪತ್ರ ಸಲ್ಲಿಸಿದರು.