“ದೀನದಯಾಳ್‌ ಉಪಾಧ್ಯಾಯರ ಸಂದೇಶಗಳು ಅಜರಾಮರ’

Team Udayavani, Sep 26, 2019, 5:19 AM IST

ಬೆಳ್ತಂಗಡಿ : ಬಿಜೆಪಿ ಬೆಳ್ತಂಗಡಿ ಮಂಡಲ ವತಿಯಿಂದ ಪಂಡಿತ್‌ ದೀನ ದಯಾಳ್‌ ಉಪಾಧ್ಯಾಯ ಜನ್ಮದಿನವನ್ನು ಪಕ್ಷದ ಕಚೇರಿಯಲ್ಲಿ ಆಚರಿಸಲಾಯಿತು.

ಬಿಜೆಪಿ ಹಿರಿಯ ಮುಖಂಡ ಪ್ರತಾಪ ಸಿಂಹ ನಾಯಕ್‌ ದೀನದಯಾಳ್‌ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಸಲ್ಲಿಸಿ, ಸನಾತನ ಪರಂಪರೆಯ ಸಾಧು ಸಂತರ ನಡುವೆ ಪಂಡಿತ್‌ ದೀನದಯಾಳ್‌ ಉಪಾ ಧ್ಯಾಯರು ರಾಜಕೀಯ ಸಂತನಾಗಿಯೂ ಪ್ರಬುದ್ಧ ನಾಯಕತ್ವ ಹೊಂದಿದ್ದರು. ದೇಶದ ಸೇವೆಗಾಗಿ ಕಂಕಣಬದ್ಧರಾಗಿದ್ದ ಅವರ ಸಂದೇಶಗಳು ಅಜರಾಮರ. ನಾವೆಲ್ಲರೂ ದೇಶ ಸೇವೆಗಾಗಿ ಕಾಯಕ ಯೋಗಿಯಾಗೋಣ ಎಂದರು.

ಮಂಡಲ ಅಧ್ಯಕ್ಷ ಜಯಂತ್‌ ಕೋಟ್ಯಾನ್‌, ಮಾಜಿ ಶಾಸಕ ಪ್ರಭಾಕರ ಬಂಗೇರ, ಮಂಡಲ ಮಾಜಿ ಅಧ್ಯಕ್ಷ ಬಾಲಕೃಷ್ಣ ಶೆಟ್ಟಿ, ಜಿಲ್ಲಾ ಉಪಾಧ್ಯಕ್ಷೆ ಶಾರದಾ ರೈ, ಜಿಲ್ಲಾ ಕಾರ್ಯದರ್ಶಿ ಕೊರಗಪ್ಪ ನಾಯ್ಕ, ಮಂಡಲ ಪ್ರಧಾನ ಕಾರ್ಯದರ್ಶಿಗಳಾದ ಸೀತಾರಾಮ ಬಿ.ಎಸ್‌., ಪ್ರಭಾಕರ ಶೆಟ್ಟಿ ಉಪ್ಪಡ್ಕ, ತಾಲೂಕು ಪಂಚಾಯತ್‌ ಸದಸ್ಯರಾದ ಸುಧೀರ್‌ ಸುವರ್ಣ, ಶಶಿಧರ್‌ ಶೆಟ್ಟಿ, ಹಿರಿಯರಾದ ಸದಾನಂದ ಉಂಗಿಲಬೈಲು ಉಪಸ್ಥಿತರಿದ್ದರು.