ಕೋಡಿ ಮಠದ ಶ್ರೀಗಳ ಭೇಟಿಯಾದ ಶಾಸಕ ಬಾವಾ

Team Udayavani, Jan 19, 2018, 11:02 AM IST

ಸುರತ್ಕಲ್‌ : ಮಂಗಳೂರು ಉತ್ತರ ಕ್ಷೇತ್ರದ ಶಾಸಕ ಮೊಯಿದಿನ್‌ ಬಾವಾ ಕೋಡಿ ಮಠದ ಶ್ರೀ ಶಿವಯೋಗಿ ಶಿವಾನಂದ ರಾಜೇಂದ್ರಮಹಾ ಸ್ವಾಮೀಜಿ ಅವರನ್ನು ಭೇಟಿ ಮಾಡಿ ಆಶೀರ್ವಾದ ಪಡೆದರು. ಸುರತ್ಕಲ್‌ ವ್ಯಾಪ್ತಿಯಲ್ಲಿ ಇತ್ತೀಚೆಗೆ ನಡೆದ ಅಹಿತಕರ ಘಟನೆಗಳು ಇದರಿಂದಾಗಿ ರಾಜಕೀಯ ಜೀವನದ ಮೇಲೆ ಆಗುವ ವ್ಯತಿರಿಕ್ತ ಪರಿಣಾಮದ ಕುರಿತು ಸ್ವಾಮೀಜಿ ಅವರಲ್ಲಿ ಚರ್ಚಿಸಿದರು.

ಇದೇ ಸಂದರ್ಭ ರಾಜ್ಯ ರಾಜಕೀಯದಲ್ಲಿ ಆಗುತ್ತಿರುವ ಬದಲಾವಣೆ ಪರ್ವ ಕುರಿತು ಭವಿಷ್ಯ ನುಡಿಯುವುದರಲ್ಲಿ ಪ್ರಸಿದ್ಧಿ ಪಡೆದಿರುವ ಸ್ವಾಮೀಜಿ ಅವರಲ್ಲಿ ಈ ಬಗ್ಗೆಯೂ ಚರ್ಚಿಸಿದರು. ಜನವರಿ ಮೊದಲ ವಾರದಲ್ಲಿ ಕ್ಷೇತ್ರದಲ್ಲಿ ನಡೆದ ಅಹಿತಕರ ಘಟನೆಯಿಂದ ಕೋಮು ಸಾಮರಸ್ಯಕ್ಕೆ ಧಕ್ಕೆಯಾಗಿತ್ತು, ಮಾತ್ರವಲ್ಲ ಚುನಾವಣೆ ಪ್ರಕ್ರಿಯೆ ಆರಂಭಗೊಳ್ಳಲು ಇನ್ನು ಮೂರು ತಿಂಗಳು ಬಾಕಿ ಇರುವ ಸಂದರ್ಭ ಶಾಸಕ ಮೊಯಿದಿನ್‌ ಬಾವಾ ಅವರ ಈ ಭೇಟಿ ಮಹತ್ವ ಪಡೆದುಕೊಂಡಿದೆ.