![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
ಅರ್ಧ ಶೈಕ್ಷಣಿಕ ವರ್ಷ ಕಳೆದರೂ ಸೈಕಲ್ ಭಾಗ್ಯವಿಲ್ಲ!
Team Udayavani, Oct 29, 2018, 10:11 AM IST
![29-october-2.gif](https://www.udayavani.com/wp-content/uploads/2018/10/29/29-october-2.gif)
ನರಿಮೊಗರು: ಸರಕಾರಿ ಶಾಲೆಯ 8ನೇ ತರಗತಿ ಮಕ್ಕಳಿಗೆ ಶಾಲೆಗೆ ಬರಲು ಅನುಕೂಲವಾಗಲೆಂದು ನೀಡಲಾಗುವ ಸೈಕಲ್ಗಳ ವಿತರಣೆ ಅರ್ಧ ಶೈಕ್ಷಣಿಕ ವರ್ಷ ಕಳೆದರೂ ಇನ್ನೂ ವಿತರಣೆಯಾಗಿಲ್ಲ. ಈ ಹಿಂದೆ ಶಾಲೆಯ ಆರಂಭದ ದಿನಗಳಲ್ಲಿಯೇ ಸೈಕಲ್ಗಳನ್ನು ಪೂರೈಸಲಾಗುತ್ತಿತ್ತು. ಈ ಬಾರಿ ಶಾಲೆ ಆರಂಭವಾಗಿ ಐದು ತಿಂಗಳು ಕಳೆದರೂ ಸೈಕಲ್ಗಳು ಬಂದಿಲ್ಲ. ಸೈಕಲ್ ಸಿಗುವ ನಿರೀಕ್ಷೆಯಲ್ಲಿದ್ದ ವಿದ್ಯಾರ್ಥಿಗಳಿಗೆ ಶಿಕ್ಷಣ ಇಲಾಖೆ ನಿರಾಶೆಯುಂಟು ಮಾಡಿದೆ.
2007-08ನೇ ಸಾಲಿನಿಂದ ರಾಜ್ಯ ಸರಕಾರ ಪ್ರತಿ ವರ್ಷ ಸರಕಾರಿ ಪ್ರೌಢಶಾಲೆಗಳಲ್ಲಿ 8ನೇ ತರಗತಿ ಓದುವ ವಿದ್ಯಾರ್ಥಿಗಳಿಗೆ ಉಚಿತವಾಗಿ ಬೈಸಿಕಲ್ ವಿತರಿಸುತ್ತಿದೆ. ಇದರಿಂದ ಗ್ರಾಮೀಣ ಭಾಗದ, ಅದರಲ್ಲೂ ಸಾರಿಗೆ ಸೌಕರ್ಯ ಇಲ್ಲದ ವಿದ್ಯಾರ್ಥಿಗಳಿಗೆ ಉಚಿತ ಸೈಕಲ್ ಭಾಗ್ಯ ವರದಾನವಾಗಿದೆ. 2017-18 ಶೈಕ್ಷಣಿಕ ವರ್ಷದ ಆರಂಭದಲ್ಲಿಯೇ ವಿದ್ಯಾರ್ಥಿಗಳಿಗೆ ಸರಕಾರ ಸೈಕಲ್ಗಳನ್ನು ವಿತರಿಸಿತ್ತು. ಈ ವರ್ಷ ಐದು ತಿಂಗಳೂ ಕಳೆದರೂ ಶಾಲೆಗಳಿಗೆ ಸೈಕಲ್ ಗಳು ಬಂದಿಲ್ಲ. ಮಕ್ಕಲು ನಡೆದೇ ಶಾಲೆಗೆ ಹೋಗುತ್ತಿದ್ದಾರೆ. ರಾಜ್ಯ ಮಟ್ಟದಲ್ಲಿ ಸೈಕಲ್ ಖರೀದಿಗೆ ಟೆಂಡರ್ ಪ್ರಕ್ರಿಯೆ ವಿಳಂಬವಾದ ಕಾರಣ ಸೈಕಲ್ ವಿತರಣೆ ತಡವಾಗಿದೆ ಎಂಬ ಮಾಹಿತಿ ಲಭ್ಯವಾಗಿದೆ.
ಕಳೆದ ವರ್ಷ 8ನೇ ತರಗತಿಯವರಿಗೆ ಆರಂಭದಲ್ಲೇ ಸೈಕಲ್ ದೊರಕಿದೆ. ಆದರೆ, ಈ ಬಾರಿಯ ವಿದ್ಯಾರ್ಥಿಗಳಾದ ನಮಗೆ ಈ ವರೆಗೂ ಸೈಕಲ್ ಬಂದಿಲ್ಲ. ಸೈಕಲ್ ಸಿಕ್ಕರೆ ಶಾಲೆಗೆ ಹೋಗಿ ಬರಲು ಅನುಕೂಲವಾಗಲಿದೆ ಎಂದು ವಿದ್ಯಾರ್ಥಿ ಅಭಿಷೇಕ್ ಎ. ಹೇಳಿದ್ದಾರೆ.
ಶೀಘ್ರ ಪೂರೈಕೆ
ಜಿಲ್ಲೆಗೆ ಸೈಕಲ್ಗಳ ಬಿಡಿ ಭಾಗಗಳು ಸರಬರಾಜಾಗಿದ್ದು, ಜೋಡಣೆ ಕಾರ್ಯ ನಡೆಯುತ್ತಿದೆ. ಅವು ಗಳನ್ನು ಸಿದ್ಧಪಡಿಸಿದ ಬಳಿಕ ನೇರವಾಗಿ ಶಾಲೆಗಳಿಗೆ ಕಳುಹಿಸಲಾಗುವುದು. ಎಲ್ಲ ತಾಲೂಕುಗಳಿಗೆ 15 ದಿನದೊಳಗೆ ಸೈಕಲ್ ವಿತರಣೆಯಾಗಲಿದೆ.
-ವೈ. ಶಿವರಾಮಯ್ಯ ಉಪನಿರ್ದೇಶಕ,
ಸಾರ್ವಜನಿಕ ಶಿಕ್ಷಣ ಇಲಾಖೆ, ಮಂಗಳೂರು
ಪ್ರವೀಣ್ ಚೆನ್ನಾವರ
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.