ಸೈಂಟ್‌ ಥೋಮಸ್‌ ಕಾಲೇಜು: ಎನ್ನೆಸೆಸ್‌ ಘಟಕ ಉದ್ಘಾಟನೆ

Team Udayavani, Jul 28, 2017, 8:40 AM IST

ಬೆಳ್ತಂಗಡಿ: ಬೆಳ್ತಂಗಡಿಯ ಸೈಂನ್ಟ್ಟ್‌ ಥೋಮಸ್‌ ಕಾಲೇಜಿನಲ್ಲಿ ಎನ್ನೆಸೆಸ್‌ ಘಟಕದ ಉದ್ಘಾಟನಾ ಸಮಾರಂಭ ಹಮ್ಮಿಕೊಳ್ಳಲಾಯಿತು. ಬೆಳ್ತಂಗಡಿ ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷ ಲಾರೆನ್ಸ್‌ ಮುಕ್ಕುಯಿ ಕಾರ್ಯಕ್ರಮ ಉದ್ಘಾಟಿಸಿ,  ಇದರ  ಇತಿಹಾಸವನ್ನು ವಿವರಿಸುವುದರೊಂದಿಗೆ ಸೇವೆಯಿಂದ ಸಿಗುವ ಆತ್ಮತೃಪ್ತಿಯೇ ಸಾಧನೆ ಈ ವಿದ್ಯಾರ್ಥಿಗಳ ತೊಡಕುಗಳನ್ನು ದೂರಮಾಡಿ, ಒಳ್ಳೆಯ ಗುಣಗಳನ್ನು ಸ್ವೀಕರಿಸುವುದೇ ಆಗಿದೆ ಎಂದರು.

ಸಂಸ್ಥೆಯ ಅಧ್ಯಕ್ಷ ಫಾ| ಜೋಸ್‌ ವಲಿಯಪರಂಬಿಲ್‌ ಅಧ್ಯಕ್ಷತೆ ವಹಿಸಿದ್ದರು. ವೇದಿಕೆಯಲ್ಲಿ ಕಾಲೇಜಿನ ಪ್ರಾಂಶುಪಾಲ ಪ್ರೊ| ಜೋಸೆಫ್‌ ಪಿ. ಪಿ., ಬದ್ರಿಯಾ ಕಾಲೇಜಿನ ನಿವೃತ್ತ ಪ್ರಾಂಶುಪಾಲ ಪ್ರೊ| ಇಸ್ಮಾಯಿಲ್‌, ಯೋಜನಾಧಿಕಾರಿ ಪ್ರೊ| ಪ್ರಶಾಂತಾ ಎಂ. ಹಾಗೂ ಯೋಜನೆ ಘಟಕದ ನಾಯಕ ಜೆರಿನ್‌ ಥೋಮಸ್‌, ನಾಯಕಿ ಶೃಂಗಾ ಬಿ.ಸಿ.  ಮತ್ತಿತರರು ಉಪಸ್ಥಿತರಿದ್ದರು. ರೋಸ್‌ ಪೌಲ್‌ ಕಾರ್ಯಕ್ರಮ ನಿರೂಪಿಸಿ, ರುಕ್ಸಾನಾ ಸ್ವಾಗತಿಸಿ, ಜೆರಿನ್‌ ಥೋಮಸ್‌ ವಂದಿಸಿದರು.