ನಿಧನ ವಾರ್ತೆಗಳು : August 03 Wednesday

Team Udayavani, Aug 2, 2017, 8:20 AM IST

ತೊಡಿಕಾನ ನಿವಾಸಿ ಉರಿಮಜಲು ಶ್ರೀನಿವಾಸ ಭಟ್‌

ಸುಳ್ಯ: ತೊಡಿಕಾನ ಗ್ರಾಮದ ಉರಿಮಜಲು ಶ್ರೀನಿವಾಸ ಭಟ್‌ (86) ಅವರು  ಆ. 1ರಂದು ನಿಧನ ಹೊಂದಿದರು. ಮೃತರು ಮೂವರು ಪುತ್ರರು ಹಾಗೂ  ಮೂವರು ಪುತ್ರಿಯರನ್ನು ಅಗಲಿದ್ದಾರೆ. ಅವರು ಪುತ್ತೂರಿನ ಮಾಜಿ ಶಾಸಕ ಉರಿಮಜಲು ರಾಮ ಭಟ್‌ ಅವರ ಸಹೋದರ. ತೊಡಿಕಾನ ದೇವಸ್ಥಾನದ ಭಜನಾ ಮಂಡಳಿ ಸ್ಥಾಪಕಾಧ್ಯಕ್ಷರಾಗಿ ಹಲವು ವರ್ಷ ಅದನ್ನು ಮುನ್ನಡೆಸಿದ್ದರು. 1993ರಲ್ಲಿ ತೊಡಿಕಾನ ಶ್ರೀ ಮಲ್ಲಿಕಾರ್ಜುನ ದೇವಸ್ಥಾನದ ಬ್ರಹ್ಮಕಲಶದ ಸಮಯದಲ್ಲಿ ಜೀರ್ಣೋದ್ಧಾರ ಕಾರ್ಯದ ಉಸ್ತುವಾರಿಯನ್ನು ನೋಡಿಕೊಂಡಿದ್ದರು. ತುರ್ತುಪರಿಸ್ಥಿತಿಯ ಸಂದರ್ಭದಲ್ಲಿ ಜೈಲುವಾಸ ಅನುಭವಿಸಿದ್ದರು.

ಗಿರಿಜಾ ಎಸ್‌. ಶೆಟ್ಟಿ 
ಉಡುಪಿ: ಉಡುಪಿ ಕಪ್ಪೆಟ್ಟು ಅಂಬಲಪಾಡಿ ನಿವಾಸಿ ದಿ| ಸುಂದರ ಬಿ. ಶೆಟ್ಟಿ ಅವರ ಪತ್ನಿ ಗಿರಿಜಾ ಎಸ್‌. ಶೆಟ್ಟಿ (77) ಅವರು ಜು. 30ರಂದು ನಿಧನ ಹೊಂದಿದರು. ಮೃತರು ಪುತ್ರಿ ಹಾಗೂ ಐವರು ಪುತ್ರರನ್ನು ಅಗಲಿದ್ದಾರೆ.

ಶೇಖರ ಶೆಟ್ಟಿ
ಬ್ರಹ್ಮಾವರ: ಕಾವ್ರಾಡಿ ಕಲ್ಲೋಳಿಮನೆ ಶೇಖರ ಶೆಟ್ಟಿ (77) ಅವರು ಜು. 30ರಂದು ಖಾಸಗಿ ಆಸ್ಪತ್ರೆಯಲ್ಲಿ ನಿಧನ ಹೊಂದಿದರು. ಮೃತರು ಪುತ್ರ ಹಾಗೂ ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ.

ದೇವ ರಾವ್‌ 
ಮಣಿಪಾಲ: ಮಣಿಪಾಲ ವಿಬುಧಪ್ರಿಯ ನಗರ ನಿವಾಸಿ ಸಿ. ದೇವರಾವ್‌ (81) ಅವರು ಅಸೌಖ್ಯದಿಂದ ಜು. 31ರಂದು ನಿಧನ ಹೊಂದಿದರು. ಮೃತರು ಇಬ್ಬರು ಪುತ್ರರು ಹಾಗೂ ಪುತ್ರಿಯನ್ನು ಅಗಲಿದ್ದಾರೆ.

ಶೇಖರ ಶೆಟ್ಟಿ 
ಉಡುಪಿ: ಮಂದಾರ್ತಿ ಆವರ್ಸೆ ಅಚ್ಲಾಡಿ ಅಡಾರ್‌ ಮನೆ ಶೇಖರ ಶೆಟ್ಟಿ (83) ಅವರು ಜು. 30ರಂದು ಆವರ್ಸೆಯ ಗಿರಿಯಣ್ಣ ಹೆಗ್ಡೆ ಅವರ ಮನೆಯಲ್ಲಿ ನಿಧನ ಹೊಂದಿದರು. ಮೃತರು ಇಬ್ಬರು ಪುತ್ರರು ಹಾಗೂ ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ.

ಕಲ್ಯಾಣಿ ಬೋರ್ಕರ್‌
ಉಡುಪಿ: ಮಂಚಿಯ ದಿ| ವೆಂಕಟೇಶ ಬೋರ್ಕರ್‌ ಅವರ ಪತ್ನಿ ಕಲ್ಯಾಣಿ ವಿ. ಬೋರ್ಕರ್‌ (86) ಜು. 31ರಂದು ಸ್ವಗೃಹದಲ್ಲಿ ನಿಧನ ಹೊಂದಿದರು. ಮೃತರು ಮೂವರು ಪುತ್ರರು ಹಾಗೂ ಮೂವರು ಪುತ್ರಿಯರನ್ನು ಅಗಲಿದ್ದಾರೆ.