ಮೊಡಂಕಾಪು ಕಾರ್ಮೆಲ್‌: ರಕ್ಷಕ -ಶಿಕ್ಷಕ ಸಂಘದ ಸಭೆ

Team Udayavani, Jul 27, 2017, 8:10 AM IST

ಬಂಟ್ವಾಳ: ಮಕ್ಕಳಿಗೆ ಪ್ರೀತಿ, ವಾತ್ಸಲ್ಯ, ಮಮತೆಯನ್ನು ಹೆತ್ತವರು ಮತ್ತು ಶಿಕ್ಷಕರು ನೀಡಬೇಕು. ಬೆಳೆಯುವ ಮಕ್ಕಳು ಉತ್ತಮ ಆಹಾರ ಸೇವಿಸುವುದರ ಜತೆಗೆ ಅವರ ಮಾನಸಿಕ ಬೆಳವಣಿಗೆಗೆ ಪೂರಕ ವಾತಾವರಣವಿರಬೇಕು ಎಂದು ಸಂತ ಜೋಸೆಫ್‌ ಸೆಮಿನರಿ ಪ್ರಾಧ್ಯಾಪಕ ವಂ|ಸ್ವಾಮಿ ಕ್ಲಿಫರ್ಡ್‌ ಹೇಳಿದರು. ಅವರು ಮೊಡಂಕಾಪು ಕಾರ್ಮೆಲ್‌ ಶಿಕ್ಷಕ – ರಕ್ಷಕ ಸಂಘದ ಮಹಾಸಭೆಯನ್ನು ಉದ್ದೇಶಿಸಿ ಮಾತನಾಡಿದರು.

ಎಸೆಸೆಲ್ಸಿ, ದ್ವಿತೀಯ ಪಿ.ಯು.ಸಿ.ಯಲ್ಲಿ ಉತ್ತಮ ಅಂಕ, ಕ್ರೀಡೆ ಮತ್ತು ವಿಜ್ಞಾನ ವಸ್ತುಪ್ರದರ್ಶನದಲ್ಲಿ ರಾಜ್ಯ , ರಾಷ್ಟ್ರಮಟ್ಟಕ್ಕೆ ಆಯ್ಕೆಯಾದ ವಿದ್ಯಾರ್ಥಿಗಳನ್ನು ಸಮ್ಮಾನಿಸಲಾಯಿತು. ಶಿಕ್ಷಕ-ರಕ್ಷಕ ಸಂಘದ ಅಧ್ಯಕ್ಷ ಫ್ರಾನ್ಸಿಸ್‌ ಸಲ್ದಾನಾ ಅಧ್ಯಕ್ಷತೆ ವಹಿಸಿದರು. ಕಾಶಿರಸಂ ಗೌರವ ಸದಸ್ಯರಾದ ಲೆ„ನಲ್‌ ಡಿ’ಸೋಜಾ ಉಪಸ್ಥಿತರಿದ್ದರು. ಭ| ರೋಜ್‌ ವೀರಾ ಎ.ಸಿ. ಸ್ವಾಗತಿಸಿ, ಪ್ರಾಂಶುಪಾಲೆ ಭ| ನವೀನ ಎ.ಸಿ. ವರದಿಯನ್ನು ವಾಚಿಸಿದರು. ರೋಶನ್‌ ಪಿಂಟೊ ಲೆಕ್ಕ ಪತ್ರ ಮಂಡನೆ ಮಾಡಿದರು. ಉಷಾ ವಂದಿಸಿದರು. ಶರ್ಮಿಳಾ ರೊಜಾರಿಯೊ, ಶ್ರೀವಿದ್ಯಾ ಕಾರ್ಯಕ್ರಮ ನಿರೂಪಿಸಿದರು.