ಯೋಜನೆ ಮೂಲಕ ಬಡತನ ನಿರ್ಮೂಲನೆ : ಶಾಸಕ  ಬಂಗೇರ

Team Udayavani, Jul 23, 2017, 6:05 AM IST

ಬೆಳ್ತಂಗಡಿ : ಗ್ರಾಮಾಭಿವೃದ್ಧಿ ಯೋಜನೆಯಿಂದ ಬಡವರನ್ನು ಬಡತನ ರೇಖೆಯಿಂದ ಮೇಲೆತ್ತುವ ಕೆಲಸ ಕಳೆದ ಮೂರೂವರೆ ದಶಕಗಳಿಂದ ನಡೆದಿದೆ ಎಂದು ಶಾಸಕ ಕೆ. ವಸಂತ ಬಂಗೇರ ಅವರು ಹೇಳಿದರು.

ಅವರು ಶನಿವಾರ ನಿಡ್ಲೆ ಸರಕಾರಿ ಪ್ರೌಢಶಾಲೆಯಲ್ಲಿ ಏಕಕಾಲದಲ್ಲಿ ರಾಜ್ಯಾದ್ಯಂತ ಪರಿಸರ ಪ್ರೇಮಿಗಳು ಸಸಿನಾಟಿ, ಬೀಜದುಂಡೆ ನೆಡುವ , ಶಾಲಾವನ ನಾಟಿ ಕಾರ್ಯಕ್ರಮಕ್ಕೆ ಗಿಡ ನೆಟ್ಟು, ಅರಣ್ಯಕ್ಕೆ ಬೀಜದುಂಡೆ ಬಿಸಾಡುವ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.

ಶಾಲಾವನ ನಾಟಿ ಕಾರ್ಯಕ್ರಮಕ್ಕೆ ಗಿಡ ನೆಟ್ಟು, ಅರಣ್ಯಕ್ಕೆ ಬೀಜದುಂಡೆ ಬಿಸಾಡುವ ಮೂಲಕ ಚಾಲನೆ ನೀಡಿದ   ಧ.ಗ್ರಾ. ಯೋಜನೆಯ ಕಾರ್ಯ ನಿರ್ವಾಹಕ ನಿರ್ದೇಶಕ ಡಾ| ಎಲ್‌. ಎಚ್‌. ಮಂಜುನಾಥ್‌, ಯೋಜನೆಯ ಸ್ವಸಹಾಯ ಸಂಘಗಳ ಸದಸ್ಯರು ರಾಜ್ಯದ ಸಾವಿರಾರು  ಗ್ರಾಮಗಳಲ್ಲಿ ಪಾರ‌ಂಪರಿಕ ವೃಕ್ಷಗಳಾದ ಮಾವು, ಬೇವು, ಹುಣಸೆ, ನೇರಳೆ, ಪೇರ‌ಳೆ ಮುಂತಾದ ಹತ್ತಾರು ಜಾತಿಯ ಬೀಜಗಳ ಉಂಡೆಗಳನ್ನು ತಯಾರಿಸಿ ಅರ‌ಣ್ಯದಲ್ಲಿ ಬಿತ್ತುವ ಕಾರ್ಯಕ್ರಮಗಳನ್ನು ಹ‌ಮ್ಮಿಕೊಳ್ಳ
ಲಾಗಿದೆ. ಇದಕ್ಕಾಗಿ ರಾಜ್ಯಾದ್ಯಂತ ಅರಿವನ್ನು ಮೂಡಿಸುವ ದೃಷ್ಟಿಯಿಂದ ಡಾ| ಹೆಗ್ಗಡೆಯವರ ಸೂಚನೆಯಂತೆ ಯೋಜನೆ ಮೂಲಕ ರಾಜ್ಯದ ಎಲ್ಲ ಜಿಲ್ಲೆಗಳಲ್ಲಿ ಏಕಕಾಲದಲ್ಲಿ  6,400 ಕಾರ್ಯಕ್ರಮಗಳ ಮುಖೇನ 32 ಲಕ್ಷ  ಬೀಜದುಂಡೆ, 2 ಲಕ್ಷ  ಸಸಿನಾಟಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ. ರಾಜ್ಯದಲ್ಲಿ ಯೋಜನೆಮೂಲಕ 20 ಸಾವಿರ ಗೋಬರ್‌ ಅನಿಲ ಘಟಕ, 60 ಸಾವಿರ ಸೋಲಾರ್‌ ಲೈಟ್‌ಗಳ ವಿತರಣೆ ನಡೆದಿದೆ ಎಂದರು.
ಡಾ| ಹೆಗ್ಗಡೆಯವರ ಆಶಯದಂತೆ ಯೋಜನೆಯ ಪ್ರಾರ‌ಂಭದಿಂದಲೂ ಸಾಮಾಜಿಕ ಅರ‌ಣ್ಯೀಕರಣ ಮತ್ತು ಜಲಸಂವರ್ಧನಾ ಕಾರ್ಯಕ್ರಮಗಳಿಗೆ ವಿಶೇಷ ಒತ್ತನ್ನು ನೀಡಲಾಗುತ್ತಿದೆ. ಎಲ್ಲೆಡೆಗಳಲ್ಲಿಯೂ ವನಸಂವರ್ಧನೆ ಆಗಬೇಕೆಂಬ ದೃಷ್ಟಿಕೋನದಿಂದ ವಿಶೇಷವಾಗಿ ದೇವಾಲಯಗಳ ಪರಿಸರದಲ್ಲಿ ದೇವರಕಾಡು, ಸರಕಾರಿ ಭೂಮಿಗಳಲ್ಲಿ ಪ್ರಗತಿವನ, ಶಾಲಾ ಪರಿಸರದಲ್ಲಿ ಶಾಲಾವನ, ಶಾಲಾ ಕೈತೋಟ, ಔಷಧಿ ವನ, ನವಗ್ರಹ ವನ, ರೈತ‌ ಭೂಮಿಯಲ್ಲಿ ಕೃಷಿಕಾಡು, ರಸ್ತೆಯ ಅಕ್ಕಪಕ್ಕದಲ್ಲಿ ಸಾಲು ಮರ‌ ನಾಟಿ ಮುಂತಾದ$ಅರ‌ಣ್ಯೀಕರಣ ಕಾರ್ಯಕ್ರಮಗಳಿಗೆ ಪ್ರೇರ‌ಣೆ ನೀಡುತ್ತಾ ಬಂದಿದೆ. ಈ ಬಾರಿ ಕೆರೆ ಸಂವರ್ಧನೆ ಯೋಜನೆಯಲ್ಲಿ ರಾಜ್ಯಾದ್ಯಂತ 110 ಕೆರೆಗಳನ್ನು ಪುನಶ್ಚೇತನ ಮಾಡಲಾಗಿದೆ ಎಂದರು.
ಜಿಲ್ಲಾ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಡಾ| ಕರಿಕಲನ್‌, ರಾಜ್ಯದಲ್ಲಿ ಶೇ.22ರಷ್ಟು ಮಾತ್ರ ಅರಣ್ಯ ಇದ್ದು ಶೇ.33ರ ಅರಣ್ಯದ ಅಗತ್ಯವಿದೆ. ಅರಣ್ಯ ಜಾಸ್ತಿ ಮಾಡುವ ಮೂಲಕ ಮುಂದಿನ ಪೀಳಿಗೆಗೆ ಕೊಡುಗೆ ನೀಡೋಣ ಎಂದರು.
ವೇದಿಕೆಯಲ್ಲಿ  ಜಿ.ಪಂ. ಸದಸ್ಯ ಕೊರಗಪ್ಪ ನಾಯ್ಕ ,ತಾ. ಪಂ. ಉಪಾಧ್ಯಕ್ಷೆ ವೇದಾವತಿ, ಸದಸ್ಯ ಕೃಷ್ಣಯ್ಯ ಆಚಾರ್‌, ಸುಶೀಲಾ, ಪ್ರಗತಿಬಂಧು ಒಕ್ಕೂಟ ಕೇಂದ್ರ ಸಮಿತಿ ಅಧ್ಯಕ್ಷ ಮೋನಪ್ಪ ಗೌಡ, ಶಾಲಾ ಮುಖ್ಯೋಪಾಧ್ಯಾಯ ರಾಜಗುರು ಹೆಬ್ಟಾರ್‌ ಉಪಸ್ಥಿತರಿದ್ದರು.
ಗ್ರಾಮಾಭಿವೃದ್ಧಿ ಯೋಜನೆ ಯೋಜನಾಧಿಕಾರಿ ಜಯಕರ ಶೆಟ್ಟಿ ಸ್ವಾಗತಿಸಿ , ಕೃಷಿ ಅಧಿಕಾರಿ ಉಮೇಶ್‌ ನಿರ್ವಹಿಸಿದರು. ಶಾಲಾ ಶಿಕ್ಷಕಿ ಶೋಲಿ ವಂದಿಸಿದರು.

ಕೃಷಿಯಿಂದ  ತಾಲೂಕು ರಾಜ್ಯ ಹಸಿರು 
ಲಾಭದಾಯಕ ಕೃಷಿಗೆ ಪ್ರೋತ್ಸಾಹ , 
ಮಾರ್ಗದರ್ಶನದಿಂದ  ಸ್ವಾವಲಂಬಿ 
ಜೀವನದ ಮೂಲಕ ಬದುಕು ಹಸನಾಗಿಸುವ ಕಾರ್ಯ ನಡೆದಿದೆ. ಕೃಷಿಯಿಂದ ತಾಲೂಕು, ರಾಜ್ಯ ಹಸಿರಾಗಿದೆ. ಸರಕಾರ ಕೂಡ ಸಾಕಷ್ಟು ಯೋಜನೆಗಳನ್ನು  ರೈತರಿಗೆ , ಬಡವರಿಗಾಗಿ ನೀಡುತ್ತಿದೆ.
–  ವಸಂತ ಬಂಗೇರ, ಶಾಸಕ