ಸುರತ್ಕಲ್‌ ಟೋಲ್‌: ವಿಭಿನ್ನ ಪ್ರತಿಭಟನೆ

Team Udayavani, Feb 13, 2022, 6:49 AM IST

ಸುರತ್ಕಲ್‌: ಸುರತ್ಕಲ್‌ ಟೋಲ್‌ಗೇಟ್‌ ವಿರೋಧಿಸಿ ಟೋಲ್‌ಗೇಟ್‌ ಮುಂಭಾಗ ನಾಲ್ಕು ದಿನಗಳಿಂದ ವಿಭಿನ್ನವಾಗಿ ಪ್ರತಿಭಟನೆ ನಡೆಸುತ್ತಿರುವ ಸಾಮಾಜಿಕ ಕಾರ್ಯಕರ್ತ ಆಸೀಫ್‌ ಶನಿವಾರ ಮಣ್ಣಿನಡಿ ಮಲಗಿಕೊಂಡು ಪ್ರತಿಭಟಿಸಿದರು.

ಹೆದ್ದಾರಿಯಲ್ಲಿ ಅನೇಕ ಅಪಘಾತಗಳಾಗುತ್ತಿದ್ದು ಯಾರೊಬ್ಬರೂ ಸ್ಪಂದಿಸುತ್ತಿಲ್ಲ.ಆದರೆ ಯಾವುದೇ ಸೌಲಭ್ಯ ಎನ್‌ಐಟಿಕೆ ಟೋಲ್‌ ಕೇಂದ್ರದಲ್ಲಿ ಇಲ್ಲದಿದ್ದರೂ ದುಬಾರಿ ಶುಲ್ಕ ಪಡೆಯಲು ಯಾವುದೇ ಹಿಂಜರಿಕೆ ಇಲ್ಲದೆ ಮುಂದಾಗುತ್ತಾರೆ. ಇದು ಯಾವ ನ್ಯಾಯ. ತತ್‌ಕ್ಷಣ ಸುರತ್ಕಲ್‌ ಟೋಲ್‌ ತೆರವಾಗಬೇಕಿದೆ ಎಂದು ಒತ್ತಾಯಿಸಿದರು.

ಶನಿವಾರ ಮಾಜಿ ಶಾಸಕ ಮೊದೀನ್‌ ಬಾವಾ, ಪ್ರತಿಭಾ ಕುಳಾಯಿ, ಕಾಂಗ್ರೆಸ್‌ ಪಕ್ಷದ ಪ್ರಮುಖರು ತೆರಳಿ ಪ್ರತಿಭಟನೆಗೆ ಬೆಂಬಲ ಸೂಚಿಸಿದರು.

ಈ ನಡುವೆ ಕಾಂಗ್ರೆಸ್‌ ಆಡಳಿತವಿದ್ದಾಗಲೂ ಟೋಲ್‌ ರದ್ದತಿಗೆ ಪ್ರಯತ್ನ ಮಾಡಿಲ್ಲ ಎಂಬ ಆಸೀಫ್‌ ಮಾತಿಗೆ ಕಾಂಗ್ರೆಸ್‌ ನಾಯಕರು ಆಕ್ಷೇಪ ವ್ಯಕ್ತಪಡಿಸಿದಾಗ ಮಾತಿನ ಚಕಮಕಿ ನಡೆಯಿತು.