![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
ಪುತ್ತೂರು ದೇಗುಲದ ಗದ್ದೆಯಲ್ಲಿ ಜನಸಂದಣಿ
Team Udayavani, Apr 21, 2018, 9:05 AM IST
![Jaathre-20-4.jpg](https://www.udayavani.com/wp-content/uploads/2018/04/21/Jaathre-20-4.jpg)
ನಗರ: ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವರ ಜಾತ್ರೆ ಸಮಾಪನಗೊಂಡಿದೆ. ಆದರೆ ದೇವರಮಾರು ಗದ್ದೆಯಲ್ಲಿ ಸಂತೆ ವ್ಯಾಪಾರದ ಉತ್ಸಾಹ ಇನ್ನೂ ಕಡಿಮೆಯಾಗಿಲ್ಲ. ಶುಕ್ರವಾರ ಸಂಜೆ ದೇಗುಲದ ಗದ್ದೆಯಲ್ಲಿ ಜನಸಂದಣಿ ಕಂಡುಬಂತು. ಜಾತ್ರೆಯ ಸಂದರ್ಭ ದೊಡ್ಡ ಪ್ರಮಾಣದಲ್ಲಿ ಜನರು ಆಗಮಿಸುತ್ತಾರೆ. ಆಗ ಸಂತೆಯಿಂದ ಖರೀದಿ ಮಾಡುವುದು ಕಷ್ಟವೇ. ಹೀಗೆ ಹಿಂದೆ ಹೋದವರು, ಇದೀಗ ಸಂತೆಗೆ ಆಗಮಿಸುತ್ತಿದ್ದಾರೆ. ಸರಾಗವಾಗಿ ತಮಗೆ ಬೇಕಾದ ವಸ್ತುಗಳನ್ನು ಖರೀದಿಸುತ್ತಿದ್ದಾರೆ.
ಗುರುವಾರ ರಾತ್ರಿ ಪುತ್ತೂರು ಪೇಟೆಯಲ್ಲಿ ಉತ್ತಮ ಮಳೆಯಾಗಿತ್ತು. ಕೆಲ ಗಂಟೆಗಳ ಕಾಲ ವಿದ್ಯುತ್ ಸ್ಥಗಿತಗೊಂಡಿತ್ತು. ಆದರೆ ಮಳೆ ಸಂತೆ ವ್ಯಾಪಾರಕ್ಕೆ ಅಡ್ಡಿ ಮಾಡಿಲ್ಲ. ಮಳೆಯನ್ನು ಎದುರಿಸಿ ನಿಂತ ಸಂತೆ ವ್ಯಾಪಾರ, ಶುಕ್ರವಾರ ಬೆಳಿಗ್ಗೆ ಮತ್ತೆ ಚಿಗಿತುಕೊಂಡಿವೆ. ಮಧ್ಯಾಹ್ನದ ಬಳಿಕ ಇನ್ನಷ್ಟು ಆಸಕ್ತರನ್ನು ಕೈಬೀಸಿ ಕರೆಯತೊಡಗಿತು. ಜಾತ್ರೆಯ ಬಳಿಕ ಒಂದಷ್ಟು ಸಮಯ ಸಂತೆ ಇರುವುದು ಸಾಮಾನ್ಯ. ಆರಾಮವಾಗಿ ಖರೀದಿ ಮಾಡಬಹುದು. ಇದರ ಜತೆಗೆ ಚೌಕಾಸಿ ನಡೆಸಲು ಅವಕಾಶ ಇದೆ. ಜಾತ್ರೆಯ ಸಂದರ್ಭದಲ್ಲಾದರೆ ವ್ಯಾಪಾರಿಗಳು ಹೇಳಿದ ದರ. ಆದರೆ ಈಗ ಗ್ರಾಹಕರು ಪಟ್ಟು ಹಿಡಿದ ದರ. ಬೇಕಾದಂತೆ ಚೌಕಾಸಿ ಮಾಡಿ, ವಸ್ತುಗಳ ಖರೀದಿ ಮಾಡುವವರಿದ್ದಾರೆ.
ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವರ ಗದ್ದೆ ಸುಮಾರು 8 ಎಕರೆ ಜಾಗದಲ್ಲಿ ಹರಡಿಕೊಂಡಿದೆ. ಇದು ವ್ಯಾಪಾರಿಗಳಿಗೂ ಅನುಕೂಲವಾಗಿದೆ. ಮಾತ್ರವಲ್ಲ ಗ್ರಾಹಕರು ತಮ್ಮ ವಾಹನಗಳನ್ನು ಬೇಕಾದಂತೆ ಪಾರ್ಕ್ ಮಾಡಿಕೊಳ್ಳಲು ಅವಕಾಶವಿದೆ. ಆದ್ದರಿಂದ ಒಂದು ವಾರ ಹೆಚ್ಚು ನಿಂತರೂ ಯಾವುದೇ ತೊಂದರೆ ಎದುರಾಗದು. ವ್ಯಾಪಾರಿಗಳು ಎಷ್ಟು ಲಾಭ ಬರುತ್ತದೋ ಅಷ್ಟನ್ನು ಬಾಚಿಕೊಳ್ಳುವ ಉತ್ಸಾಹದಲ್ಲಿರುತ್ತಾರೆ. ಗ್ರಾಹಕರು ತಮಗೆ ಎಷ್ಟು ಕಡಿಮೆಗೆ ಉತ್ಕೃಷ್ಟ ವಸ್ತು ಸಿಗುತ್ತದೋ ಎಂಬ ತವಕದಲ್ಲಿರುತ್ತಾರೆ. ಪುತ್ತೂರು ಜಾತ್ರೆಯ ಗದ್ದೆಯಲ್ಲಿ ಎಲ್ಲ ರೀತಿಯ ಕ್ರಾಫ್ಟ್, ಬಟ್ಟೆ- ಬರೆ, ಪಾದರಕ್ಷೆ, ಫ್ಯಾನ್ಸಿ ಸಾಮಾಗ್ರಿ, ತಿನಿಸು, ಮನರಂಜನೆ ವಸ್ತುಗಳಿವೆ. ಆದ್ದರಿಂದ ಈ ದಿನಗಳಲ್ಲಿ ಹೆಚ್ಚಾಗಿ ಮಹಿಳೆಯರೇ ಇಲ್ಲಿ ಆಗಮಿಸಿ, ಖರೀದಿಯಲ್ಲಿ ಭಾಗಿಯಾಗುತ್ತಾರೆ. ಸಾಧಾರಣೆ ಸಂಜೆ ಆಗುತ್ತಲೇ ಶುರುವಾಗುವ ವ್ಯಾಪಾರ, ಸರಿರಾತ್ರಿ ವರೆಗೂ ಮುಂದುವರಿದೇ ಇರುತ್ತದೆ.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.