ಅಪಾಯಕಾರಿ ತಿರುವಿಗೆ ಮುಕ್ತಿ 

Team Udayavani, Jun 7, 2018, 1:08 PM IST

ಸವಣೂರು : ಪುತ್ತೂರು- ದರ್ಬೆ-ಕಾಣಿಯೂರು ಮುಖ್ಯ ರಸ್ತೆಯಲ್ಲಿ ಕುದ್ಮಾರು ಗ್ರಾಮದ ಚಾಪಲ್ಲ ಎಂಬಲ್ಲಿ ಅಪಾಯಕಾರಿ ತಿರುವಿಗೆ ಕೊನೆಗೂ ಮುಕ್ತಿ ಸಿಕ್ಕಿದೆ. ಲೋಕೋಪಯೋಗಿ ಇಲಾಖೆಯಿಂದ ಲೋಹದ ತಡೆಗೋಡೆ ನಿರ್ಮಾಣ ಕಾಮಗಾರಿ ಪ್ರಗತಿಯಲ್ಲಿದೆ. ಇಲ್ಲಿನ ತಿರುವು ಬಳಿಯಲ್ಲೇ ಹೊಳೆಯಿದ್ದು, ಈ ಪ್ರದೇಶದಲ್ಲಿ ಆತಂಕ ದಿಂದಲೇ ಪ್ರಯಾಣಿಸುವ ಪರಿಸ್ಥಿತಿ ಇತ್ತು. ಆದರೆ, ಇಲ್ಲಿನ ಅಪಾಯವನ್ನು ನಿವಾ ರಿಸುವ ನಿಟ್ಟಿನಲ್ಲಿ ಯಾವುದೇ ಕ್ರಮ ಕೈಗೊಂಡಿರಲಿಲ್ಲ. 

ಇತ್ತೀಚೆಗೆ ಇಲ್ಲಿ ಆಟೋ ಒಂದು ಪಲ್ಟಿಯಾಗಿ ಹೊಳೆಗೆ ಬಿದ್ದ ಘಟ ನೆಯೂ ನಡೆದಿತ್ತು. ಈ ಅಪಾಯಕಾರಿ ತಿರುವಿಗೆ ಲೋಕೋಪಯೋಗಿ ಇಲಾ ಖೆಯ ಮೂಲಕ ಸುಮಾರು 12 ಲಕ್ಷ ರೂ. ವೆಚ್ಚದಲ್ಲಿ ಲೋಹದ ತಡೆ ಗೋಡೆ ಹಾಗೂ ರಸ್ತೆ ಕುಸಿತದ ಭೀತಿ ಇರುವ ಸ್ಥಳದಲ್ಲಿ ಕಾಂಕ್ರಿಟ್‌ ತಡೆಗೋಡೆ ನಿರ್ಮಾಣ ಕಾರ್ಯ ಪ್ರಗತಿಯಲ್ಲಿದೆ.

ಶೀಘ್ರದಲ್ಲಿ ಕಾಮಗಾರಿ ಪೂರ್ಣಗೊಳ್ಳಲಿದೆ ಎಂದು ಲೋಕೋಪಯೋಗಿ ಇಲಾಖೆ ತಿಳಿಸಿದೆ.ವಾಹನ ಚಾಲಕರ, ಸಾರ್ವಜನಿಕರ ಬೇಡಿಕೆಗೆ ಲೋಕೋಪಯೋಗಿ ಇಲಾಖೆ ಕೊನೆಗೂ ಮನ್ನಣೆ ನೀಡಿದೆ ಎಂದು ರಿಕ್ಷಾ ಚಾಲಕ ಪ್ರಶಾಂತ್‌ ಎನ್‌. ಸಂತಸ ವ್ಯಕ್ತಪಡಿಸಿದ್ದಾರೆ.