ಸಂಶೋಧನೆಗೆ ಆದ್ಯತೆ ಇಂದಿನ ತುರ್ತು ಅಗತ್ಯ: ಪ್ರೊ| ಸಚ್ಚಿದಾನಂದ

Team Udayavani, Feb 24, 2019, 1:00 AM IST

ಉಳ್ಳಾಲ: ಗ್ರಂಥಾಲಯ ಜಗತ್ತಿನಲ್ಲಿ ಅಪೂರ್ವ ಬದಲಾವಣೆ ಗಳಾಗುತ್ತಿದ್ದು, ಮೊಬೈಲ್‌ ಆ್ಯಪ್‌ಗ್ಳ
ಬಳಕೆಯಿಂದಲೂ ಜ್ಞಾನ ವೃದ್ಧಿ ಸಾಧ್ಯವಾಗಿದೆ. ಮೆಡಿಕಲ್‌ ಹಾಗೂ ದಂತ ವೈದ್ಯಕೀಯ ಕಾಲೇಜುಗಳಲ್ಲಿ ಗ್ರಂಥಾ
ಲಯಗಳನ್ನು ಸುಸಜ್ಜಿತಗೊಳಿಸುವುದ ರೊಂದಿಗೆ ಸಂಶೋಧನೆಗಳಿಗೂ ಆದ್ಯತೆ ನೀಡಬೇಕು ಎಂದು ಬೆಂಗಳೂರಿನ ರಾಜೀವ್‌ ಗಾಂಧಿ ಆರೋಗ್ಯ ವಿಜ್ಞಾನ ವಿಶ್ವವಿದ್ಯಾಲಯದ ಉಪ ಕುಲಪತಿ ಪ್ರೊ| ಸಚ್ಚಿದಾನಂದ ಅಭಿಪ್ರಾಯಪಟ್ಟರು.

ಕರ್ನಾಟಕ ಆರೋಗ್ಯ ವಿಜ್ಞಾನಗಳ ಗ್ರಂಥಾಲಯ ಅಸೋಸಿಯೇಶನ್‌ (ಕೆಎಚ್‌ಎಸ್‌ಎಲ್‌ಎ) ಹಾಗೂ ದೇರಳ
ಕಟ್ಟೆಯ ಯೇನಪೊಯ ಪರಿಗಣಿಸ ಲ್ಪಟ್ಟ ವಿ.ವಿ. ಆಶ್ರಯದಲ್ಲಿ ಯೇನಪೊಯ ವಿ.ವಿ. ಒಳಾಂಗಣ ಸಭಾಂ ಗಣದಲ್ಲಿ ನಡೆದ ಆರೋಗ್ಯ ವಿಜ್ಞಾನಗಳ ಗ್ರಂಥಾಲಯ ಅಸೋಸಿಯೇಶನ್‌ನ 11ನೇ ವಾರ್ಷಿಕ ಸಮ್ಮೇಳನ ಕೆಎಚ್‌ಎಸ್‌ಎಲ್‌ಎ – 2019ಕ್ಕೆ ಶುಕ್ರವಾರ ಚಾಲನೆ ನೀಡಿ ಮಾತನಾಡಿದರು.

ಬೆಂಗಳೂರಿನಲ್ಲಿ ಸೆಂಟರ್‌ ಫಾರ್‌ ಇನ್‌ಫಾರ್ಮೆಟಿಕ್ಸ್‌ ಸ್ಥಾಪನೆಯಾಗಲಿದ್ದು ಅದಕ್ಕೆ ಬೇಕಾದ ತಜ್ಞ ಬರಹಗಾರರ ಹಾಗೂ ಸಂಶೋಧಕರ ಆಯ್ದ ಪುಸ್ತಕಗಳನ್ನು ಸಂಗ್ರಹಿಸುವ ಕೆಲಸ ಆರಂಭವಾಗಿದೆ ಎಂದರು. ನಿಮ್ಹಾನ್ಸ್‌ನ
ಗ್ರಂಥಾಲಯ ಮತ್ತು ಮಾಹಿತಿ ವಿಭಾಗದ ನಿವೃತ್ತ ಪ್ರಾಂಶುಪಾಲ ಪ್ರೊ| ಎಚ್‌.ಎಸ್‌. ಸಿದ್ದರಾಮಲ್ಲಯ್ಯ ದಿಕ್ಸೂಚಿ ಭಾಷಣ ಮಾಡಿದರು.

ಯೇನಪೊಯ ವಿಶ್ವವಿದ್ಯಾನಿಲ ಯದ ಕುಲಪತಿ ಡಾ| ಎಂ. ವಿಜಯ ಕುಮಾರ್‌ ಅದ್ಯಕ್ಷತೆ ವಹಿಸಿದ್ದರು. ಸಹ ಕುಲಪತಿ ಪ್ರೊ| ಸಿ.ವಿ. ರಘುವೀರ್‌ ಭಾಗವಹಿಸಿದ್ದರು. ಬೆಂಗಳೂರಿನ ಅಂಬೇಡ್ಕರ್‌ ವೈದ್ಯಕೀಯ ಕಾಲೇಜಿನ
ಮುಖ್ಯ ಗ್ರಂಥಪಾಲಕ ಬಸವಲಿಂಗಪ್ಪ ಎಸ್‌.ಕೆ. ಅವರನ್ನು ಸನ್ಮಾನಿಸಲಾಯಿತು.

ಸಂಯೋಜಕ ಡಾ| ಕೆ.ಎಸ್‌.  ಗಂಗಾಧರ್‌ ಸೋಮಯಾಜಿ ಸ್ವಾಗತಿಸಿದರು. ಅಧ್ಯಕ್ಷ ಡಾ| ಪಿ.ಎಸ್‌.ಮಹೇಶ್‌
ಪ್ರಸ್ತಾವನೆಗೈದರು. ಡಾ| ವೆಂಕಟೇಶ್‌ ವರದಿ ವಾಚಿಸಿದರು. ಡಾ| ರೋಶೆಲ್‌ ಟೆಲ್ಲಿಸ್‌ ಮತ್ತು ಡಾ| ಮಲ್ಲಿಕಾ ಶೆಟ್ಟಿ ನಿರೂಪಿಸಿದರು. ಡಾ| ಮಮತಾ ಪ್ರಮೋದ್‌ ಕುಮಾರ್‌ ವಂದಿಸಿದರು.