Road Mishap ಪಣಂಬೂರು: ಬೈಕ್‌ ಮೇಲೆ ಹರಿದ ಲಾರಿ; ತಮ್ಮನ ಮೃತ್ಯು, ಅಣ್ಣ ಗಂಭೀರ

Team Udayavani, Nov 10, 2023, 10:50 PM IST

ಪಣಂಬೂರು: ಪಣಂಬೂರು ಕುದುರೆಮುಖ ಜಂಕ್ಷನ್‌  ಮುಂಭಾಗದಲ್ಲಿ ಶುಕ್ರವಾರ ಸಂಜೆ ಸಹೋದರರು ಒಟ್ಟಾಗಿ ಹೋಗುತ್ತಿದ್ದ ಬೈಕ್‌ ಬಸ್‌ಗೆ ಢಿಕ್ಕಿ ಹೊಡೆದು ಮಗುಚಿ ಬಿದ್ದ ವೇಳೆ ಲಾರಿ ಹರಿದ ಪರಿಣಾಮ ತಮ್ಮ ಬಶೀರ್‌(42)ಮೃತಪಟ್ಟು, ಸಹೋದರ ಅಶ್ರಫ್ (51) ಗಂಭೀರ ಗಾಯಗೊಂಡಿದ್ದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಮಂಗಳೂರು ಕಡೆಗೆ ಹೋಗುತ್ತಿದ್ದಾಗ ಪಣಂಬೂರು ಬಳಿ ಮುಂದೆ ಹೋಗುತ್ತಿದ್ದ ಬಸ್‌ಗೆ ಬೈಕ್‌ ತಾಗಿದ್ದು,ಅಡ್ಡ ಬಿದ್ದಿದೆ. ರಸ್ತೆ ಮೇಲೆ ಬಿದ್ದ ಸಹೋದರರ ಮೇಲೆ ಹಿಂದಿನಿಂದ ವೇಗವಾಗಿ ಬರುತ್ತಿದ್ದ ಲಾರಿ ಹರಿಯಿತು ಎನ್ನಲಾಗಿದೆ.

ಸಹೋದರರು ಕಾಟಿಪಳ್ಳ ನಿವಾಸಿಗಳಾಗಿದ್ದು, ಹಲವಾರು ವರ್ಷಗಳಿಂದ ಚಿತ್ರಾಪುರದಲ್ಲಿರುವ ಸೋಫಾ ತಯಾರಿಯ ಶಾಪ್‌ಲ್ಲಿ ಕೆಲಸ ಮಾಡುತ್ತಿದ್ದರು. ಇದರ ಜತೆಗೆ ಸೆಕೆಂಡ್‌ ಹ್ಯಾಂಡ್‌ ಬೈಕ್‌,ಸ್ಕೂಟರ್‌ ಮಾರಾಟ ವ್ಯಾಪಾರವನ್ನೂ ತಕ್ಕಮಟ್ಟಿಗೆ ಮಾಡಿಕೊಂಡಿದ್ದರು.

ಪಣಂಬೂರು ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾಗಿದ್ದು ತನಿಖೆ ನಡೆಸುತ್ತಿದ್ದಾರೆ.