ಸಾಯಿಕೃಷ್ಣರ ‘ಗೋಸ್ಮರಿ’..!

Team Udayavani, Mar 1, 2018, 4:49 PM IST

ಕನ್ನಡದಲ್ಲಿ ‘ಚೆಲ್ಲಾಪಿಲ್ಲಿ’ ಹಾಗೂ ತುಳುವಿನಲ್ಲಿ ‘ಸೂಂಬೆ’ ಸಿನೆಮಾ ನಿರ್ದೇಶಿಸಿದ ಕುಡ್ಲದ ಸಾಯಿಕೃಷ್ಣ ಸದ್ಯ ಮೇಕಪ್‌ ಹಚ್ಚಿ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಕನ್ನಡ ಸಿನೆಮಾದಲ್ಲಿ ಮುಖ್ಯ ರೋಲ್‌ನಲ್ಲಿ ಅವರು ಕಾಣಿಸಿಕೊಳ್ಳುತ್ತಿದ್ದಾರೆ. ‘ರಾಮ ರಾಮ ರೇ’ ಸಿನೆಮಾ ನಿರ್ದೇಶಕ ಸತ್ಯಪ್ರಕಾಶ್‌ ಅವರ ‘ಒಂದಲ್ಲ- ಎರಡಲ್ಲ’ ಸಿನೆಮಾದಲ್ಲಿ ಸಾಯಿಕೃಷ್ಣ ಮುಖ್ಯ ರೋಲ್‌ ನಲ್ಲಿದ್ದಾರೆ. ಮಂಗಳೂರು ವ್ಯಾಪ್ತಿಯಲ್ಲಿ ಇದರ ಶೂಟಿಂಗ್‌ ಸದ್ಯ ನಡೆಯುತ್ತಿದೆ. 

ಅಂದಹಾಗೆ, ಈ ಸಿನೆಮಾ ಶೂಟಿಂಗ್‌ ಮುಗಿದ ಬಳಿಕ ಸಾಯಿಕೃಷ್ಣ ಅವರದ್ದೇ ನಿರ್ದೇಶನದಲ್ಲಿ ಹೊಸ ತುಳು ಸಿನೆಮಾ ಮಾಡಲು ಯೋಚನೆ ಮಾಡಿದ್ದಾರೆ. ‘ಗೋಸ್ಮರಿ ಫ್ಯಾಮಿಲಿ’ ಎಂಬ ಟೈಟಲನ್ನು ಕೂಡ ಫಿಕ್ಸ್‌ ಮಾಡಿದ್ದಾರೆ. ಯಾರೆಲ್ಲ ಅಭಿನಯಿಸಲಿದ್ದಾರೆ? ಪ್ರೊಡ್ನೂಸರ್‌ ಯಾರು? ಎಂಬೆಲ್ಲ ವಿಚಾರಗಳನ್ನು ಸದ್ಯಕ್ಕೆ ಅವರು ಬಿಟ್ಟುಕೊಡುತ್ತಿಲ್ಲ. ಆದರೆ, ತುಳುವಿನಲ್ಲಿ ಕುಟುಂಬ ಸಮೇತ ನೋಡಬಹುದಾದ ಎಂಟರ್‌ಟೈನ್‌ಮೆಂಟ್‌ ಸಿನೆಮಾ ಮಾಡಬೇಕು ಎಂಬ ಆಶಯದಲ್ಲಿ ಸಾಯಿಕೃಷ್ಣ ಪ್ಲಾನ್‌ ಮಾಡಿದಂತಿದೆ.