ಸಾರಡ್ಕ: ಕಿರು ರಸ್ತೆ ವಿಸ್ತರಣೆ

Team Udayavani, May 8, 2019, 6:00 AM IST

ಅಡ್ಯನಡ್ಕ: ಕರ್ನಾಟಕದಿಂದ ಕೇರಳಕ್ಕೆ ವಿಟ್ಲದ ಮೂಲಕ ಸಾಗುವ ಕಲ್ಲಡ್ಕ ಚೆರ್ಕಳ ಎಸ್‌ಎಚ್‌ 64ನ ಗಡಿ ಪ್ರದೇಶ ಸಾರಡ್ಕದಲ್ಲಿ ಸುಮಾರು 250 ಮೀ. ಉದ್ದಕ್ಕೆ ರಸ್ತೆ ವಿಸ್ತರಣೆಯಾಗುತ್ತಿದೆ.

ವರದಿ ಪ್ರಕಟಗೊಂಡಿತ್ತು
ಇಲ್ಲಿ ಒಂದು ಬದಿಯಲ್ಲಿ ಕಿರು ತೋಡು ಇದೆ. ಇದರ ಬದಿ ಕುಸಿದಿದ್ದು, ಕೆಲವು ವಾಹನಗಳು ಈ ತೋಡಿಗೆ ಬಿದ್ದು ಅಪಘಾತ ಸಂಭವಿಸಿದ್ದರೂ ಇಲಾಖೆ “ಅಪಘಾತ ವಲಯ, ರಸ್ತೆ ಕಿರಿದಾಗಿದೆ, ನಿಧಾನವಾಗಿ ಚಲಿಸಿರಿ’ ಎಂಬ ಫ‌ಲಕ ಮಾತ್ರ ಅಳವಡಿಸಿತ್ತು. ರಸ್ತೆ ದುರವಸ್ಥೆ ಬಗ್ಗೆ ಉದಯವಾಣಿ ಸುದಿನದಲ್ಲಿ ಹಲವು ಬಾರಿ ವರದಿ ಪ್ರಕಟಗೊಂಡಿತ್ತು.

ಈಗ ಅಗಲ ಕಿರಿದಾದ ಸ್ಥಳದಲ್ಲಿ ಗುಡ್ಡದ ಬದಿಯ ಬಂಡೆಯನ್ನು ಒಡೆದು ರಸ್ತೆಯನ್ನು ವಿಸ್ತರಣೆ ಮಾಡಲಾಗಿದೆ. ಘನ ವಾಹನಗಳು ಸುಲಭದಲ್ಲಿ ಸಾಗುವಷ್ಟು ವಿಸ್ತರಣೆಯಾಗಿದೆ.