ಶಿವರಾಜ್‌ ಕೊಲೆ: ಮತ್ತಿಬ್ಬರ ಬಂಧನ

Team Udayavani, Feb 9, 2018, 11:47 AM IST

ಮಂಗಳೂರು: ತಣ್ಣೀರುಬಾವಿಯ ಬೆಂಗ್ರೆಯಲ್ಲಿ ಶಿವರಾಜ್‌ ಕರ್ಕೇರಾ ಕೊಲೆ ಪ್ರಕರಣದಲ್ಲಿ ಭಾಗಿಯಾಗಿ ತಲೆಮರೆಸಿಕೊಂಡಿದ್ದ ಪ್ರಮುಖ ಇಬ್ಬರು ಆರೋಪಿಗಳನ್ನು ಮಂಗಳೂರು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ.

ಕುದ್ರೋಳಿ ಬೆಂಗ್ರೆಯ ಕೋಟೆದ ಬಬ್ಬು ಸ್ವಾಮಿ ದೈವಸ್ಥಾನದ ಬಳಿಯ ನಿವಾಸಿಗಳಾದ ಅನೀಶ್‌ ಅಮೀನ್‌ (28) ಮತ್ತು ವಿತರಾಜ್‌ (23) ಬಂಧಿತರು. ಆರೋಪಿಗಳು ಕೊಲೆ ಕೃತ್ಯದ ಬಳಿಕ ನೇರವಾಗಿ ಬೆಂಗಳೂರಿಗೆ ತೆರಳಿ ಅಲ್ಲಿಂದ ಒರಿಸ್ಸಾ, ಅಸ್ಸಾಂ, ನಾಗಲ್ಯಾಂಡ್‌ ಮೊದಲಾದ ಕಡೆ ತಲೆಮರೆಸಿಕೊಂಡಿದ್ದರು. ಈ ಬಗ್ಗೆ ಮಾಹಿತಿ ಪಡೆದ ಸಿಸಿಬಿ ಪೊಲೀಸರು ಕಾರ್ಯಾಚರಣೆ ನಡೆಸಿ ಪತ್ತೆ ಹಚ್ಚಿದ್ದಾರೆ. ಫೆ.22ರಂದು ಬೆಳಗ್ಗಿನ ಜಾವ 4.30 ಗಂಟೆಗೆ  ಮನೆಯ ಟೆರೇಸ್‌ನಲ್ಲಿ ಮಲಗಿದ್ದ ಶಿವರಾಜ್‌ ಕೊಲೆ ನಡೆದಿತ್ತು.  ಆರೋಪಿಗಳ ಪತ್ತೆ ಕಾರ್ಯದಲ್ಲಿ ಸಿಸಿಬಿ ಇನ್ಸ್‌ಪೆಕ್ಟರ್‌ ಶಾಂತಾರಾಮ್‌, ಪಿಎಸ್‌ಐಗಳಾದ ಶ್ಯಾಮಸುಂದರ್‌, ಕಬ್ಬಳ್‌ರಾಜ್‌, ಎಎಸ್‌ಐ ಶಶಿಧರ ಶೆಟ್ಟಿ, ಹರೀಶ್‌ ಹಾಗೂ ಸಿಬಂದಿ ರಾಮ ಪೂಜಾರಿ, ಗಣೇಶ್‌, ಚಂದ್ರಶೇಖರ, ಶೀನಪ್ಪ, ಚಂದ್ರ, ಸುಬ್ರಹ್ಮಣ್ಯ, ಚಂದ್ರಹಾಸ, ಯೋಗೀಶ್‌, ರಾಜೇಂದ್ರ ಪ್ರಸಾದ್‌, ಅಬ್ದುಲ್‌ ಜಬ್ಟಾರ್‌, ಮಣಿ, ಪ್ರಶಾಂತ್‌ ಶೆಟ್ಟಿ, ಅಶಿತ್‌ ಡಿ’ಸೋಜಾ, ತೇಜಕುಮಾರ್‌ ಹಾಗೂ ರಿತೇಶ್‌ ಭಾಗವಹಿಸಿದ್ದರು.