ವಿಶೇಷ ಸಾಧನೆಗೈದ ಪೊಲೀಸರಿಗೆ ಸಮ್ಮಾನ

Team Udayavani, Nov 8, 2017, 11:46 AM IST

ಮಹಾನಗರ: ಮಂಗಳೂರು ರೌಂಡ್‌ ಟೇಬಲ್‌ ಮತ್ತು ಮಂಗಳೂರು ಲೇಡಿಸ್‌ ಸರ್ಕಲ್‌ ಜಂಟಿಯಾಗಿ ಇತ್ತೀಚೆಗೆ ನಗರದ ಖಾಸಗಿ ಹೊಟೇಲ್‌ನಲ್ಲಿ ನೈಟ್ಸ್‌ ಇನ್‌ ಖಾಕಿ ಎಂಬ ವಿನೂತನ ಕಾರ್ಯಕ್ರಮವನ್ನು ಆಯೋಜಿಸಿತ್ತು.  ನಗರದ ಮತ್ತು ಗ್ರಾಮೀಣ ಪ್ರದೇಶದಲ್ಲಿ ವಿಶೇಷ ಸಾಧನೆಗೈದ 12 ಮಂದಿ ಪೊಲೀಸರನ್ನು ಸಮ್ಮಾನಿಸಲಾಯಿತು.

ಅತಿಥಿಗಳು ಮಾತನಾಡಿ, ಮಂಗಳೂರು ಪೊಲೀಸ್‌ ಇಲಾಖೆಯ ಕಾರ್ಯ ಶ್ಲಾ ಸಿ, ಮಂಗಳೂರು ರೌಂಡ್‌ ಟೇಬಲ್‌ ಮತ್ತು ಮಂಗಳೂರು ಲೇಡಿಸ್‌ ಸರ್ಕಲ್‌ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದರು. ಮಂಗಳೂರು ಪಶ್ಚಿಮ ವಲಯದ ಐಜಿಪಿ ಹೇಮಂತ್‌ ನಿಂಬಾಳ್ಕರ್‌, ಮಂಗಳೂರು ಪೊಲೀಸ್‌ ಆಯುಕ್ತ ಟಿ.ಆರ್‌. ಸುರೇಶ್‌, ಪೊಲೀಸ್‌ ಅಧೀಕ್ಷಕ ಸಿ.ಎಚ್‌. ಸುಧೀರ್‌ ಕುಮಾರ್‌ ರೆಡ್ಡಿ, ರೌಂಡ್‌ ಟೇಬಲ್‌ ವಲಯ ಅಧ್ಯಕ್ಷ ಮಯೂರ್‌ ಶಾ, ಲೇಡಿಸ್‌ ಸರ್ಕಲ್‌ ವಲಯ ಅಧ್ಯಕ್ಷ ಶರೋನ್‌ ಪಿಂಟೋ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು. ಪೊಲೀಸ್‌ ಇಲಾಖಾ ಸಿಬಂದಿ ಸಹಿತ ಸಮ್ಮಾನಿತ ಅಧಿಕಾರಿಗಳ ಕುಟುಂಬ ವರ್ಗ ಪಾಲ್ಗೊಂಡಿದ್ದರು. ಮಂಗಳೂರು ಕೋಸ್ಟಲ್‌ ರೌಂಡ್‌ ಟೇಬಲ್‌ ಅಧ್ಯಕ್ಷ ಸುದೇಶ್‌ ಸ್ವಾಗತಿಸಿ, ಮಂಗಳೂರು ರೌಂಡ್‌ ಟೇಬಲ್‌ನ ಅಧ್ಯಕ್ಷ ವಾದಿ ಶೆಣೈ ವಂದಿಸಿದರು.

ಸಮ್ಮಾನಿತರು
ಮುರುಗೇಶ್‌ ಎಚ್‌. ಬಂಟ್ವಾಳ ಠಾಣೆ ಕಾನ್‌ಸ್ಟೆಬಲ್‌, ಸುನೀತಾ ಎಂ. ಪುಂಜಾಲಕಟ್ಟೆ ಠಾಣೆ ಕಾನ್‌ಸ್ಟೆಬಲ್‌, ಪರಮೇಶ್ವರ ಎಚ್‌. ಪುತ್ತೂರು ನಗರ ಪೊಲೀಸ್‌ ಠಾಣೆ ಕಾನ್‌ ಸ್ಟೆಬಲ್‌, ತೇಜಾವತಿ ಮಹೇಶ್‌ ಸುಳ್ಯ ಠಾಣೆ ಕಾನ್‌ಸ್ಟೆಬಲ್‌, ಶ್ರೀ ಕಿರಣ್‌ ಜಿಲ್ಲಾ ಪೊಲೀಸ್‌ ಡಿಸಿಆರ್‌ಬಿ ಹೆಡ್‌ ಕಾನ್‌ಸ್ಟೆಬಲ್‌, ಸುಜನಾ ಶೆಟ್ಟಿ ಮಂಗಳೂರು ಉತ್ತರ ಠಾಣೆ, ಸುಂದರ ಆಚಾರ್‌ ಉಳ್ಳಾಲ ಪೊಲೀಸ್‌ ಠಾಣೆ ಸಹಾಯಕ ಉಪ ಆರಕ್ಷಕ, ಕುಶಲ ಮಣಿಯಾಣಿ ಪಣಂಬೂರು ಪೊಲೀಸ್‌ ಠಾಣೆ, ನವ್ಯಶ್ರೀ ಪಶ್ಚಿಮ ಮಂಗಳೂರು ಸಂಚಾರಿ ಠಾಣೆ, ವೇಣುಗೋಪಾಲ ಎಂ. ಎಆರ್‌ಎಸ್‌ಐ, ಕೆ.ಎಚ್‌.ಯೂಸುಫ್ ಇವರನ್ನು ಸಮ್ಮಾನಿಸಲಾಯಿತು.