Mangaluru ಬೇಕಲದಲ್ಲಿ ಎಕ್ಸ್‌ಪ್ರೆಸ್‌ ರೈಲುಗಳಿಗೆ ನಿಲುಗಡೆ

Team Udayavani, Dec 14, 2023, 12:30 AM IST

ಮಂಗಳೂರು: ಬೇಕಲಕೋಟೆ ಅಂತಾರಾಷ್ಟ್ರೀಯ ಬೀಚ್‌ ಫೆಸ್ಟಿವಲ್‌ ಇರುವ ಹಿನ್ನೆಲೆಯಲ್ಲಿ ಬೇಕಲಕೋಟೆ ನಿಲ್ದಾಣದಲ್ಲಿ ಎಕ್ಸ್‌ಪ್ರೆಸ್‌ ರೈಲುಗಳಿಗೆ ಡಿ. 22ರಿಂದ 31ರ ವರೆಗೆ ಒಂದು ನಿಮಿಷದ ತಾತ್ಕಾಲಿಕ ನಿಲುಗಡೆ ನೀಡಲಾಗಿದೆ.

ನಂ. 16159 ಚೆನ್ನೈ ಎಗ್ಮೋರ್ ನಿಂದ ರಾತ್ರಿ 11.15ಕ್ಕೆ ಹೊರಡುವ ಚೆನ್ನೈ ಎಗ್ಮೋರ್- ಮಂಗಳೂರು ಸೆಂಟ್ರಲ್‌ ಎಕ್ಸ್‌ಪ್ರೆಸ್‌ ರೈಲು ಮರುದಿನ 5.29ಕ್ಕೆ ಬೇಕಲಕೋಟೆ ತಲುಪಲಿದ್ದು, 5.30ಕ್ಕೆ ಹೊರಡಲಿದೆ. ಡಿ. 21ರಿಂದ 30ರ ವರೆಗೆ ಈ ರೈಲು ಸೇವೆ ಇರಲಿದೆ.

ನಂ. 16650 ನಾಗರಕೋವಿಲ್‌ನಿಂದ 4.15ಕ್ಕೆ ಹೊರಡುವ ನಾಗರಕೋವಿಲ್‌- ಮಂಗಳೂರು ಸೆಂಟ್ರಲ್‌ ಎಕ್ಸ್‌ಪ್ರೆಸ್‌ ರೈಲು 7.47ಕ್ಕೆ ಬೇಕಲಕೋಟೆ ತಲುಪಲಿದ್ದು 7.48ಕ್ಕೆ ಹೊರಡಲಿದೆ.

ನಂ. 22637 ಡಾ| ಎಂಜಿಆರ್‌ ಚೆನ್ನೈ ಸೆಂಟ್ರಲ್‌ನಿಂದ ಮಧ್ಯಾಹ್ನ 1.25ಕ್ಕೆ ಹೊರಡುವ ಡಾ| ಎಂಜಿಆರ್‌ ಚೆನ್ನೈ ಸೆಂಟ್ರಲ್‌-ಮಂಗಳೂರು ಸೆಂಟ್ರಲ್‌ ಎಕ್ಸ್‌ಪ್ರೆಸ್‌ ಮುಂಜಾನೆ 3.42ಕ್ಕೆ ಬೇಕಲಕೋಟೆಗೆ ತಲುಪಲಿದ್ದು, 3.43ಕ್ಕೆ ಅಲ್ಲಿಂದ ಹೊರಡಲಿದೆ ಎಂದು ರೈಲ್ವೇ ಇಲಾಖೆ ಪ್ರಕಟನೆ ತಿಳಿಸಿದೆ.