ಸ್ಟೇಟ್‌ ಬ್ಯಾಂಕ್‌-ಮಣಿಪಾಲ ಕೆಎಸ್ಸಾರ್ಟಿಸಿ ವೋಲ್ವೊ ಪ್ರಯಾಣ ದರ ಕಡಿತ

Team Udayavani, Aug 24, 2017, 7:05 AM IST

ಮಂಗಳೂರು : ಕೆಎಸ್‌ಆರ್‌ಟಿಸಿ ವತಿಯಿಂದ ಸ್ಟೇಟ್‌ ಬ್ಯಾಂಕ್‌ – ಉಡುಪಿ – ಮಣಿಪಾಲ ನಡುವಿನ ವೋಲ್ವೊ ಬಸ್‌ ಪ್ರಯಾಣ ದರದಲ್ಲಿ ಕಡಿತ ಮಾಡಲಾಗಿದೆ.

ಸಾರ್ವಜನಿಕ ಪ್ರಯಾಣಿಕರ ಹಿತದೃಷ್ಟಿಯನ್ನು ಗಮನ ದಲ್ಲಿಟ್ಟುಕೊಂಡು ಸ್ಟೇಟ್‌ ಬ್ಯಾಂಕ್‌ – ಮೂಲ್ಕಿ ರೂ. 60 (ಹಿಂದಿನ ದರ 65 ರೂ.), ಸ್ಟೇಟ್‌ ಬ್ಯಾಂಕ್‌-ಪಡುಬಿದ್ರಿ ರೂ. 65 (ಹಿಂದಿನ ದರ 70 ರೂ.), ಸ್ಟೇಟ್‌ ಬ್ಯಾಂಕ್‌- ಕಾಪು ರೂ. 80 (ಹಿಂದಿನ ದರ 85 ರೂ.), ಸ್ಟೇಟ್‌ ಬ್ಯಾಂಕ್‌- ಉಡುಪಿ ರೂ. 90 (ಹಿಂದಿನ ದರ 105 ರೂ.), ಸ್ಟೇಟ್‌ ಬ್ಯಾಂಕ್‌-ಮಣಿಪಾಲ ರೂ. 95 (ಹಿಂದಿನ ದರ 111 ರೂ.) ದರವನ್ನು  ನಿಗದಿಗೊಳಿಸಲಾಗಿದ್ದು  ಪರಿಷ್ಕೃತ ದರ ಈಗಾಗಲೇ ಜಾರಿಯಾಗಿದೆ. 

ದಿನನಿತ್ಯದ ಪಾಸ್‌ಗೆ ಆಗ್ರಹ: ವೋಲ್ವೊ ಬಸ್‌ಗಳಲ್ಲಿ ಹಿಂದೆ ದಿನನಿತ್ಯದ ಪಾಸ್‌ ಸಿಗುತ್ತಿದ್ದುದು ಪ್ರಯಾಣಿಕರಿಗೆ ಅನುಕೂಲಕರವಾಗಿತ್ತು. ಆದರೆ ಕೆಲವು ಸಮಯದಿಂದ ಅದನ್ನು ನಿಲ್ಲಿಸಲಾಗಿದೆ. ಅದನ್ನು ಪುನರಾರಂಭಿಸಬೇಕೆಂಬ ಬೇಡಿಕೆ ಪ್ರಯಾಣಿಕರಿಂದ ಈಗಲೂ ಇದೆ.