” ವಿದ್ಯಾರ್ಥಿ ಜೀವನದಲ್ಲಿ  ಸಮಯ ಪಾಲನೆ ಮುಖ್ಯ’

Team Udayavani, Feb 23, 2017, 4:51 PM IST

ನೆಹರೂನಗರ : ವಿದ್ಯಾರ್ಥಿ ಜೀವನದಲ್ಲಿ ಸಮಯ ಪರಿಪಾಲನೆ ಅತಿ ಮುಖ್ಯ. ಸೂಕ್ತ ವೇಳಾ ಪಟ್ಟಿಯನ್ನು ತಯಾರಿಸಿ, ಅದರಂತೆ ದಿನದ ಕಾರ್ಯ ಚಟುವಟಿಕೆಗಳನ್ನು ನಿರ್ವಹಿಸಬೇಕು ಎಂದು ಬೆಂಗಳೂರಿನ ಸೇರಾಥರ್ಮ್ ಇಂಟರ್ನೇಶನಲ್‌ ಸಂಸ್ಥೆಯ ಮುಖ್ಯಸ್ಥ ಗುರುವಾಯೂರಪ್ಪನ್‌ ಅವರು ಹೇಳಿದರು.
 
ವಿವೇಕಾನಂದ ಎಂಜಿನಿಯರಿಂಗ್‌ ಕಾಲೇಜಿನ ಮೆಕ್ಯಾನಿಕಲ್‌ ಎಂಜಿನಿಯರಿಂಗ್‌ ವಿಭಾಗದ ಆಶ್ರಯದಲ್ಲಿ ನಡೆದ ಒಂದು ದಿನದ ವ್ಯಕ್ತಿತ್ವ ವಿಕಸನ ಶಿಬಿರ “ಸಾಧ್ಯ’ಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.

ಜೀವನದಲ್ಲಿ ಶಿಸ್ತನ್ನು ಅಳವಡಿಸಿಕೊಳ್ಳಿ. ಅದು ನಿಮ್ಮ ಮುಂದಿನ ಜೀವನಕ್ಕೆ ಸಹಕಾರಿಯಾಗುತ್ತದೆ ಎಂದು ನುಡಿದರು.ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದ ಕಾಲೇಜಿನ ಪ್ರಾಂಶುಪಾಲ ಡಾ| ಎಂ.ಎಸ್‌. ಗೋವಿಂದೇಗೌಡ ಅವರು ಮಾತನಾಡಿ, ವಿದ್ಯಾರ್ಥಿಗಳ ಸರ್ವತೋಮುಖ ಬೆಳವಣಿಗೆಗೆ ಬೇಕಾದ ಅನೇಕ ಕಾರ್ಯಕ್ರಮಗಳನ್ನು ಕಾಲೇಜು ನಡೆಸುತ್ತಿದೆ. ಇದರ ಪೂರ್ಣ ಪ್ರಯೋ ಜನವನ್ನು ಪಡೆಯುವ ಮಹತ್ತರ ಜವಾಬ್ದಾರಿ ವಿದ್ಯಾರ್ಥಿ ಗಳ ಮೇಲಿದೆ ಎಂದರು.

ಬೆಂಗಳೂರಿನ ಸೇರಾಥರ್ಮ್ ಇಂಟನೇರ್‌ ನ್ಯಾಶ ನಲ್‌ ಸಂಸ್ಥೆಯ ಮುಖ್ಯಸ್ಥ ಗುರುವಾಯೂರಪ್ಪನ್‌ ಮತ್ತು ಟಿಸಿಎಸ್‌ ಸಂಸ್ಥೆಯ ಜೀವನ ಕೌಶಲ ತರಬೇತು ಗಾರ್ತಿ ಜಿ. ಸೌಮ್ಯಾ ಸಂಪನ್ಮೂಲ ವ್ಯಕ್ತಿಗಳಾಗಿ ಭಾಗವಹಿಸಿದ್ದರು.ಮೆಕ್ಯಾನಿಕಲ್‌ ಎಂಜಿನಿಯರಿಂಗ್‌ ವಿಭಾಗದ ಮುಖ್ಯಸ್ಥ ಪ್ರೊ| ಉದಯಶಂಕರ್‌ ಸ್ವಾಗತಿಸಿ,  ಉಪನ್ಯಾಸಕ ಪ್ರೊ| ಶ್ರೀನಿವಾಸ್‌ ಎಂ.ಕೆ. ವಂದಿಸಿದರು. ಕಾಲೇಜಿನ ವಿವಿಧ ವಿಭಾಗಗಳ ವಿದ್ಯಾರ್ಥಿಗಳು ಪಾಲ್ಗೊಂಡರು.