ಸುಳ್ಯ ಒಳಚರಂಡಿ ಬ್ಲಾಕ್‌: ಮ್ಯಾನ್‌ಹೋಲ್‌ ದುರಸ್ತಿ

Team Udayavani, Jun 30, 2017, 3:45 AM IST

ಸುಳ್ಯ : ನಗರದ ಒಳಚರಂಡಿ ಬ್ಲಾಕ್‌ನ ದುರಸ್ತಿಗೆ ನಗರ ಪಂಚಾಯತ್‌ ಮುಂದಾಗಿದ್ದು, ಗುರುವಾರ ರಾತ್ರಿ ಕಾರ್ಯಾ
ಚರಣೆ  ಆರಂಭಿಸಿದೆ.

ಇದ್ಕಕಾಗಿ ನಗರ ಪಂಚಾಯತ್‌ ಪೂರ್ವ ಸಿದ್ಧತೆ ಮಾಡಿಕೊಂಡಿದೆ. ಇದಕ್ಕೆ ಪೂರಕವಾಗಿ ಶುಕ್ರವಾರ ಮಂಗಳೂರಿನಿಂದ ಬರುವ ಕಂಪ್ರಷರ್‌ ವಾಹನ, ಸಕ್ಕಿಂಗ್‌ ಯಂತ್ರಗಳನ್ನು ಬಳಸಿಕೊಳ್ಳಲಾಗುವುದು.

ನಗರದ ಮುಖ್ಯರಸ್ತೆಯಲ್ಲಿ ಒಟ್ಟು 9 ಮ್ಯಾನ್‌ಹೋಲ್‌ಗ‌ಳಿವೆ. ಈ ಪೈಕಿ ಐದನ್ನು ಹೊರತುಪಡಿಸಿ ಉಳಿದವುಗಳನ್ನು ಕೆಆರ್‌ಡಿಸಿಎಲ್‌ ಅವರು ಡಾಮರು ಹಾಕಿ ಮುಚ್ಚಿದ್ದರು. ಇದನ್ನು ಹುಡುಕಿ ತೆರವು ಗೊಳಿಸುವ ಸಂದರ್ಭ ಮುಖ್ಯ ರಸ್ತೆಯಲ್ಲಿ ಸಂಚಾರ ಅಡಚಣೆಯಾಗಲಿದೆ. ಶುಕ್ರವಾರ ಬೆಳಗಿನ ಅವಧಿಯಲ್ಲಿ ಎಲ್ಲ ಮ್ಯಾನ್‌ಹೋಲ್‌ ಗಳನ್ನು ತೆರೆದು, ಕಂಪ್ರಷರ್‌ ವಾಹನ ಪೈಪ್‌ನಲ್ಲಿ ಬ್ಲಾಕ್‌ ಆಗಿರುವ ತ್ಯಾಜ್ಯವನ್ನು  ಸರಿಪಡಿಸಲಾಗುವುದು. 

ಪದೇ ಪದೇ ಬ್ಲಾಕ್‌
ನಗರದ ಮುಖ್ಯ ರಸ್ತೆಯಲ್ಲಿ ಎಲ್ಲ ಮ್ಯಾನ್‌ಹೋಲ್‌ ಅಳವಡಿಸಲಾಗಿದೆ. ನಗರ ಹೊಟೇಲ್‌, ವಸತಿಗೃಹಗಳ, ವಸತಿ ಕಾಲನಿ, ವ್ಯಾಪಾರಿ ಮಳಿಗೆಗಳಿಂದ ಒಳ ಚರಂಡಿಗೆ ಕೋಳಿ, ಪ್ಲಾಸ್ಟಿಕ್‌ ತ್ಯಾಜ್ಯಗಳನ್ನು ಎಸೆಯಲಾಗುತ್ತಿದೆ. ಇದರೊಂದಿಗೆ ಅವೈಜ್ಞಾನಿಕವಾಗಿ ನಿರ್ಮಾಣಗೊಂಡ ಹಾಗೂ ಅಳವಡಿಸಿರುವ ಪೈಪ್‌ ಕೂಡ ಸಣ್ಣದಾಗಿರುವುದರಿಂದ ಪದೇ ಪದೇ ಬ್ಲಾಕ್‌ ಆಗಿ ಕೊಳಚೆ, ದುರ್ನಾತಯುಕ್ತ ತ್ಯಾಜ್ಯ ನೀರು ಹೊರಹರಿದು ಇಡೀ ಪರಿಸರವನ್ನು ಹಾಳುಗೆಡವುತ್ತಿದೆ. ಮಳೆಗಾಲವಾದ್ದರಿಂದ ರಸ್ತೆಯಲ್ಲಿ ಹರಿಯುವ ಕೊಳಚೆ ನೀರಿನಿಂದ ವಾಹನ ಸವಾರರಿಗೂ ಸಮಸ್ಯೆಯಾಗುತ್ತಿದೆ.

ನ. ಪಂ.ಗೆ ನಷ್ಟ
ಒಂದು ಬಾರಿ ಒಳಚರಂಡಿ ಬ್ಲಾಕ್‌ ತೆರವು ಕಾರ್ಯಾಚರಣೆಗೆ 40ರಿಂದ 50 ಸಾವಿರ ರೂ. ವೆಚ್ಚವಾಗಲಿದೆ. ಆದರೆ ಇದರಿಂದ ಪಂಚಾಯತ್‌ಗೆ ಯಾವುದೇ ಲಾಭವಿಲ್ಲ. ಒಳಚರಂಡಿ ಇಲಾಖೆಯಿಂದ ಅನುಷ್ಠಾನಗೊಂಡಿದ್ದ ಕಾಮಗಾರಿ ತರಾ ತುರಿಯಾಗಿ ನಗರ ಪಂಚಾಯತ್‌ಗೆ ಹಸ್ತಾಂತರವಾಗಿದ್ದರಿಂದ ಈ ಪರಿಸ್ಥಿತಿ ಉದ್ಭವಿಸಿದೆ’ ಎನ್ನುತ್ತಾರೆ ಪ್ರಕಾಶ್‌ ಹೆಗ್ಡೆ.

ಸರಿಪಡಿಸಲು ನಿರ್ಧಾರ
ಆಗಾಗ್ಗೆ ಒಳಚರಂಡಿ ಬ್ಲಾಕ್‌ ಆಗುತ್ತಿದೆ. ಸರಿಪಡಿಸಿದ್ದರೂ ಸಮಸ್ಯೆ ಪರಿಹಾರವಾಗಿಲ್ಲ. ಹೀಗಾಗಿ ಮಂಗಳೂರಿನಿಂದ ಸಕ್ಕಿಂಗ್‌ ಯಂತ್ರ ತರಿಸಿ ಎಲ್ಲ  ಮ್ಯಾನ್‌ಹೋಲ್‌ ತೆಗೆದು ಬ್ಲಾಕ್‌ ಸರಿಪಡಿಸಲು ನಿರ್ಧರಿಸಿದ್ದೇವೆ.
– ಶೀಲಾವತಿ
ನಗರಪಂಚಾಯತ್‌ ಅಧ್ಯಕ್ಷೆ